YOU ARE GOING TO FALL FOR ME

VI

"Dawt sawi suh"

"Ka duh tak tak che, nangmah vang hian ka bialnu kha ka then a nangin min pehhel leh char char bawk si a, hmalak a har em ani"

"Then rawh ka ti hleinem che, I duh vanga then inia, ka vang anih loh chu" tiin kal mai ka tum chu ka hmuiah a rawn fawp siah mai.

Duhlo lutuka ka tal chuan min fawp hleithei bawk si lo va, ka tukkhuma dawmin a uar sawt mai. Ka fawp let duh lova, a fawhna chu a ngen ngawl em em a, ka chhan let hlauin ka kawr ka hmer na tawh khawp mai.

Min thlah hnu chuan a thaw ham ham a, ka kun ngur mai, ka kawr ka hmehna lamah ka tha zawi vek tep ani.

"Vawikhatmah thleng nawn tawh suh se" tiin ka kal nghal a, ka awmdan hi a la pangngai hlei theilo ka thinphu te hi a la rang lutuk.

"I va rei ve" David-a chu a lo ti hluk a, ka phu zuk mai "Aa.. Nia.. Ka zun a in a" ka ti a, ka nghawng thaklo pui chu ka hiat ka hiat mai.

"Dawt" Lawmpuia chuan a ti hluk mai, ngaihsak lo chuan tui chu ka in a, pa Hriata'n haw a rawt chuan kan tho sang sang a, mei pawh tuiin kan leih hlum bawk.

Kan tlan chhuak chiah tihah tlang lam ami te pawh an rawn chhuk tih hriat takin a bengchheng khawp mai.

Seat hnung berah chuan Lawmpuia bulah ka thu a, a dar nghengin ka mit ka chhing chial bawk.

"I lipstick pherh chhan kha sawifiah la" a rawn tih sur sur chuan ka phone camera chuan ka en a, a sir lamah chuan a lo pherh ngei e.

"Ka zep lovang. Ka zung zo rawn let ka tum khan Mickey khan a thim zualna laiah min hruaiin min duh thu min hrilh a chuan min fawp bawk a" midang hriat hlau tak chuan ka sawi a, min en vut mai.

"I taksa khawih em?" a ti a, ka lu ka thin chuan a thaw ham ham mai. "Engtin dang nge a tih che?" a tih leh chuan "Engtin mah, thleng nawn tawhlo tura ka duh thu hrilhin ka rawn kalsan" ka ti a, engmah a sawi tawh lemlo.

Skip**

Kan exam results pawh a rawn chhuak a, commerce Department ah ka ti tha ber a, letter mark ka hmu vek bawk. 12 commerce atang emaw eng stream atang pawn ka mark ang hmu pha an awmlo.

Results chu kan chhungte'n chhunah an lam vek a, chawhnu period keinin off in principal in kan pass vek avangin lawmna neih a rawt a, zai tur pawh an zawng chung chung mai.

Class tinin chanvo neih tur an tih tlat vang chuan kan class in hla hruai chu kan chuh a, musician kan class ah an tam bawk nen zirtirtute chuan min phal sak hram.

Function chu kan tan chho a, 12 science ami chuan a hruai a, mi chawh phur a thiam bawk a kan khi tha reng mai.

Kan school hian top 3 chin chu lawmman an siam a, principal chuan a sem a. Ka dawn hun a thlen chuan principal bulah chuan zirtirtute chuan eng emaw hi an pe sap sap a, ka dawn ka en nak chuan pawisa a tam khawp mai, 500 vek ani zui bawk nen ka hlawh hnem viau mai.

Award distribution kan neih zawh chuan principal chuan thusawina a nei a, "A vawikhatna atan kan school ah thil thleng a awm a, chu chu fail tumah class tin atang in awm lo hi ani a, chu mai bakah 95 cross vek hi kan school ah term exam ah an la awmlo bawk.

Chuan 11 commerce ami Lalrammawii kha lo chhuak se, keima hnen atang hian lawmman chhete hi lo la ve rawh le" a tih chuan ka tho chhuak thuai a, envelop hian min pe a, a tam hmel khawp mai.

Ka thutna a ka let leh chuan ka en a cheng sangnga lai alo ni, ka thiante chuan treat turin min ti a, ka pawm ve mai bawk.

Function te kan neih zawh hnu chuan principal hian refreshment a lo buatsaih a, kan haw hma chuan kan ei vek a. Zirtirtute chuan min ko hrangin lawmpuina min hlan a, sir Ruattea chu ka melh hrek hrek mai.