YOU ARE GOING TO FALL FOR ME

IV

Ka dam that deuh tawh vangin a tuk chuan school kal nghal mai ka duh a mahse ka nu leh pate chuan an phal lo nasa mai.

Chaw kan ei lai pawh chuan ka dil a, an phal chuanglo reng reng. Keipawhin an phal loh tlat chuan kal luih ka tum hran lo, school ni 3 chhung ka chawl a, non-board mah ni ila, attendance mark kha ka ngaipawhmawh ve tlat a.

Dar 3 velah u Mimitei a rawn haw a, spicy pack 6 a rawn lei a, kan pahnih chuan pahnih chu kan chhum a, a thak bawk si tui bawk si chu si hluam hluamin kan ei zo hram.

Door bell a rawn rik chuan si hluam hluam hian ka va hawng a, ka thiante lek an lo ni. Min hmuh rualin an meng phawk hru a, ka hnar a sen anga ka mittui tling tur zawng zawng nen ka ngaihtuah chuan ka nui chhuak hawk mai.

"Lo lut rawh u. Spicy kan lo ei zo chiah a, hmuh ka nuam lo deuh nihkha" ka ti a, nui tha hian an rawn lut ve mai.

Ka pu room atang lo chhuak chuan ka thiante chu a be ve luam a, tui lain a room lam a pan lehnghal mai.

Choka lamah kan phei chuan u Mimitei chuan kan eina vel chu a lo tifel mek a, ka thiante a hmuh chuan a lo nuih a, ka thiante pawh chuan an nuih let ve mai.

"Coffee hi in rawh u, Mate, cake kha va zai la, I thiante hi rawn pe ve la" a ti a, keipawh che sawk sawkin ka zai sak a, engmah an sawi buai lo chu mak ka ti zawk.

"I dam nen rawn kal ve nghal mai ta che" Mercy chuan a rawn ti a, "You can blame my mom and dad" ka tih chuan David-a'n min pen kawrh mai.

"English hman hi sim rawh. Mizo kan ni a, mizo kan hmang mai tur ani. Tawng dang hman kual vel kha a ngai ziah lo" a ti hmuk.

Kan thianho ah hian ka chapo ber zel ti ila a dik a, chapo pui tham ka nei lo va mahse ka chetdan vel hian a ti lang mah mah zel.

"Tihpalh" ka ti a, a bu nghat. "Naktuk tang mi i lo kal ang" Msi chuan a ti a, "Ka hrelo, vawiin Thursday ania, naktuk ka rawn kal laklawh chuan a lai e" ka ti a, "Rawn kal ang che, Friday chuan CR leh ACR in principal hnenah week report pek ngei ngei kan ngaih kha" Lawmpuia chuan a lo ti vat.

Kan school ah chuan CR leh ACR hian Friday apiangin tunkar chhunga kan class awm dan leh attendance vel report pek vek kan ngai a. Kan class in a mamawh ang thil kan dil tel thin bawk.

"Anu leh apa lo haw ve phawt se ka lo sawi ang" ka ti a, aw min pawh ve mai. Awm rei lovin an haw thuai a, ka ngai nghal veng veng mai.

Zanah chuan ka nu leh pate chu ka dil a, an phal ve hram e. Kan thianho group ah chuan ka sawi a, an phur hlawm viau mai.

Msi chuan min rawn call a, kan in call ngai zen zen loh vang hian mak chu ka ti hle;

"Hello"

"Thil hrilh tur che ka nei a"

"Sawila"

"Vawiin kha chuan a fuh lo em a, ka sawi lang lo nih kha"

"A va pawimawh hmel ve eng nge a?"

"Mickey hian a duh che in ka hria a"

"Awihawm loh e"

"I rawn kalloh ni zawng zawng khan I chanchin min zawt ziah a"

"Chu chuan eng nge ka laka feelings nei anga a tarlan. A ho thei e"

"Damdawi ina I awm kha ka hrilh a, a ngaihtuah hmel lutuk che alawm"

"Kan innel ve tan tawh a, chuvang zawk aniang"

"Ani lo, a duh che tih ka chiang"

"Min duh pawh nise, a ho emai"

"Hmm.. Duh si chang pha lo an tam em hi aw"

"Ka zunah a uai dawn ka ti sa nilawm ni"

"A uai hnu hnu tawh nih hi🤣🤣"