YOU ARE GOING TO FALL FOR ME

VII

2months later

Matei POV

U Mimitei kut chu ka vawnsak a, thla hnih lai ani tawh. ICU ah kan la indah reng a, a lu a sawh tel kha a tirin an hre lawk lo va, thisen put a awm vangin a hriatna thenkhat a hlauh then maithei bawk tiin doctor te'n an sawi a, chu thil chu thleng lo se ka ti takzet ani.

Sir Ruattea pawhin a rawn tlawh fo a, a rawn kal chang hi chuan ICU ah hian a lut ngei ngei zel a, a mit a rawn sen chhuak rum zel.

Mickey pawhin min be ve reng a, lehkha a thiam tho vangin zirtirtute chuan hostel chhuahsan phal chauh an lo ni a mahse board exam dawnah tak tak erawh an luh kim vek angai dawn thung ani.

U Mimitei pawh vawi hnih/thum chu a rawn kan ve tawh a, pachang taka awm tur te'n leh a theih ang angin min hnem ve thin a ka khawharna pawh tlem chuan a chawk ve thin.

Min tihhlim a tum reng zel a mahse ka u tello chuan ka nun hi a hlim famkim theilo, lo harh tawhin kan inah ngei awm thei tawh ila ka ti ani.

Ka thiante pawhin min rawn kan ve thin a, a enkawlna tan tiin an nu leh pate pawhin pawisa te an rawn ken tir thin a mahse ka pa in a ngailo a tih thin tlat vangin kan laksak ngai chuanglo.

Ka dara rawn khawihtu an awm vang chuan ka harh zawk mai. Ka en chuan sir Ruattea leh sir Rma te an lo ni a, tawte hian min lo nuih a, ka nuih let ve theilo chu ka thutdan siam remin ka thaw ham ham mai.

"Chawl hahdam ve tawhla" sir Ruattea chuan a rawn ti a, ka lu ka thin san mai. Christmas thla kan thleng tawh a, exam pawh kan nei fel tawh a, pakhatna chu ni leh tho mah ila a department ang zawng chuan ka ti tha ber tawhlo.

"Principal I chungah a lungawi lo nia aw, a beisei ang I phalo a mahse I u chanchin hi kan hrilh a naktuk lama rawn kan cheu a tum ania" sir Rma chuan a ti a, ka bu nghat ringawt.

"Mate, a luh theih loh em ni?" sir Ruattea'n a tih zawh rualin ka u room ah chuan doctor leh nurse ho chu an tlan lut a, an hmanhmawh hmel lutuk chuan ka ngaih an ti tha lo ani.

Parda chu an zar daih vangin darthlalang chhan atang chuan kan en thei tawhlo nen kawngka bulah chuan ka vei chhen a, engthil nge thleng ka hre bawk silova ka awm a nuam thei thlawt lo ani.

Min 15 vel a liam hnu chuan doctor chu a rawn chhuak a, parda an rawn hawn chuan ka en a, u Mimitei chu chau tih hriat tak hian a meng duar duar a, ka tah nuih hak mai.

"Reilote ah pahnih in duh chuan in lut thei ang mahse chim buai lutuk lo ula chuan a lu vanga thil thleng thei kan sawi kha a normal vek bawk e. Ni 2/3 vel kan inenthlak hnuah oxygen mask chu kan phelh chauh dawn ania chuan cabin lamah kan indah nghal dawn nia" a ti a, buk khum zeuhin ani pawh a kal leh nghal mai.

2 weeks later

"U, engtin nge i accident theih reng reng a?"

"Phone ah thil pakhat hi min lo thawn a motor ah khan ka en a, a free lai ani bawk nen kawng ka lo en lova, a bak chu ka hre tawhlo thil ri thuai kha ka hriat hnuhnun ber ani"

"I dam chhuak a I vanneih zia hi. I tello chuan engmah hi a nuamlo, ka khawvel te hi a chul rup nimai hian ka hria a" ka ti a, a mal chungah chuan ka lu ka nghat bawk.

Ka sam chul phah hian "Chu min lo ngai hman viau animaw?" atih chuan "Ngai e le, I bulah awm reng mah ila kawm tur I awm silova" ka ti a, a nui ri ka hre nghal.

"Ka naute te chu eng nge in lo sawi a?" ka pa in a rawn ti ri kan hriat chuan "Pa" kan tirual nghal.

Ka pa chu nui ve hawk hawk hian kan pahnih awmna lamah chuan a rawn kal a, "Min ngai tawh em ni a?" a rawn ti a, kan chalah a fawp ve ve bawk.