YOU ARE GOING TO FALL FOR ME

V

"Mate, thawh a hun tawh nia. I thawh tlai lutuk chuan I inkhawm hman lo ange" tiin u Mimitei chuan min rawn sawi a, ka meng chhuak riai riai a, u Mimitei chu ka nuih sen sen mai.

"Lo chhuk la, 7:30 a ri tawh ania" tiin a kal leh mai. Nizan dar 2 dawn thleng BM ka chawk a, ka mit te hi a na thum mai.

Ka hmai chu ka phih a, inhnuai ka chhuk hmain Veseline chu ka mitah ka hnawih bawk. Dark circle lan lohna an ti a, try ve char char angai, kan exam lai tal hi chuan.

Inhnuai ka chhuk chuan ka nu leh pate chuan chhung inkhawm hman an ti nghal a, ka mita ka hnawih chu a fuh chiahlo nihhmel. Makeup ka hnawih leh nghal mai dawn sia.

Chaw te kan ei fel hnu chuan u Mimitei nen chuan kan tifel a, thleng chu anin a sil a, keiin dawhkan chu ka tihfel a hmun ka phiat nghal vek bawk.

Insiam turin ka room ah ka chho hmasa a, puitling lama ka awm tawh vangin u Mimitei nen kan kal mai zel a, puan pawh ka bih ve thlap tawh.

U Mimitei nen kan kal chang chuan chhelo titu hi a ngah thei ania aw. Nula hmeltha ani a, a pian lah duhthusamin a nalh bawk a, a puan leh kawrin a zir thin bawk a, kan kohhran atang pawn lo duh ve tu a ngah lutuk.

Ka insiam zawh chuan u Mimitei nghakin sitting room lamah chuan ka lo awm a, a rawn chhuk chu ka sawi ang ngeiin a rawn nalh leh kher mai. Inkhawm tur chuan in chu kan chhuahsan nghal a.

Skip**

Inkhawm ban chuan u Mimitei chu KTP tawngtai inkhawmna lamah a phei a, kei erawh jr. Ktp lamah ka phei thung.

Darkar chanve vel chiah kan inkhawm thin a, tawngtaipui ngai ho hi an ziak a, kan tawngtai rual a, thusawi te awm chuan kan ngaithla a, inkhawm ka tin leh mai thin.

Thingpui kan in lai chuan u Mimitei te chu an rawn bang ve chiah a, min hmuh chuan haw a ti leh nghal chul mai.

A thiannu chu mangtha in kan kalsan a, haw kawngah chuan kan pahnihin ti ti in kan nui dun hak hak mai.

In kan luh chuan nui thawm kan hria a, kan pahnih chuan sitting room lam kan pan ve vat.

Sir Ruattea chu lo ni rengin putea nen chuan an lo inkawm a, ka nu leh pate pawhin an thusawi chu an lo ngaithla ve kar mai.

Sofa pakhatah chuan kan thu thla ve a, inthlak pawh a la lang rihlo "Mate, ngati nge in sir hi a lo leng dawn tih i sawi loh a, a rawn puan leh vek tho che nia" pute chuan a rawn ti a.

"Lo hrilh suh, ka rawn surprise dawn ati alawm" ka ti a, ka chhungte chu an nui hak hak mai.

"Ruatte, hei Mimitei kha nihhi, a nula ve tawh asin" putea chuan u Mimitei kawh pah chuan a ti a, u Mimitei chu tho tharhin "u Ruattea chu i dam maw? Inhmuh lohna rei tawh khawp mai" tiin a kut chu a phar chhuak a, sir Ruattea chuan a kut chu vawn sak vein "Dam e, I lo nula tawh lutuk a ka hei che lawm mawle" a lo ti ve zat.

"Eng nge I tih ve thin a?" tiin an thut fel leh hnu chuan sir chuan a zawt a.

"College ka kal ve a" tiin ka u chuan a chhang ve mai.

An inbe zel a, kei erawhin lehkha ka zir duh vangin ka chhohsan a, ka nuin thingpui in hmasa tura min tih chuan biakin lama ka in tawh thuin ka chhang a, min tibuai lo turin ka chah nghal bawk.

Mimitei POV

U Ruattea chu a ti ti siam siam a, ka naupan lai ang tho khan a bula awm ala nuam fiamthu a la duh hle bawk. Ka tet laia ka hmuh thin ai khan a hmeltha tawh zawk bawk.

Putea leh u Ruattea hi awm lo se chuan tiang dinhmun hi ka thlen ka ringlo hrim hrim. Ka inthlak zawh chuan inhnuai lamah ka chhuk vat a, putea nupui chuan choka lamah min ko a, ka phei vat.