بقلمي / حبيبه محمد
_______________________________
وقفت وعد أمام عمران ببرود و قالت بصوت جاد ثابت : ازيك يا عمران بيه انا وعد الجارحي و حضرتك طلبت مني اني اجي و تشوفني و نتكلم فا انا جيت اهو
عمران : ازيك يا بنتي انا جدك يعني تقوليلي جدو مش عمران بيه
وعد بجمود : اسفه بس انا عندي الشخص بيستحق اللقب مش بياخده يعني لي اقول لحضرتك جدو و حضرتك معملتش واجبك
كا جد معايا صح ولا اي
حزن الكل من كلام وعد و ايقنوا أن التعامل معاها هيكون صعب و أنهم يخلوها تحبهم بقي شبه مستحيل
أكملت وعد بهدوء : اي هنتكلم في الشارع ولا اي
عمران بحنان : لا طبعا يا بنتي اتفضلوا جوه
تحركت وعد ناحيه باب القصر. قالت بصوت عالي نسبيا : يلا يا زين
اتحرك وراها زين ببرود
قالت حنين لعمران بإحراج : اسفه والله يا بابا علي طريقه وعد هي تتعامل كده مع الأشخاص اللي مش متعوده عليهم
عمران : لا ببنتي ولا يهمك انا كنت حاسس ان رده فعلها هتبقي كده تعالو ندخل يلا بدل وقفتنا دي
دخلوا لقوا وعد و زين قاعدين و ماسكين التيليفونات
قعدت حنين و قعدت العيله كلها
سابت وعد و زين الفون و بصوا العيله بجديه
و برود
وعد ببرود : نتعرف بقا انا وعد الجارحي و شاورت علي اللي اللي قاعد جنبها و قالت : و ده زين يوسف الدمنهوري و طبعا امي حنين كلكم عارفينها
عمران : انا عمران جدك و دي حياه مراتي و دول اولادي عمر و سراج و سليم والدك و دول زوجاتهم سهر و ساره و فريده و دي بنتي مريم
عمر و سهر و أولادهم حور و فهد
سليم و فريده و أولادهم ليث و ليان اخواتك
سراج و ساره و أولادهم ادم و كارمه
مريم بنتي اولادها لؤي و نور و تميم بس مسافر و جوزها متوفي
وعد بابتسامه بسيطه : تشرفنا
عمران : عايزك في المكتب لوحدنا
وعد : تمام / و دخلوا للمكتب
ساره بعتاب : كدا يا حنين متسلميش علينا دا احنا بقالنا ٢٤ سنه مشفناش بعض
وقفت حنين و قالت بمرح : و دي تيجي بروه
خش في حضن اخوك يا فواز
حضنوها ساره و مريم و سهر جامد
" وحشتينا اويييي يا حنون "
حنين بختناق و مرح : و انتو كمان وحشتوني بس لو مبعدتوش عني هوحشكم للابد
بعدوا البنات عنها بضحك
أنت تقرأ
وعد بالانتقام
Mystery / Thrillerهي من أُتهمت اُمها بالخيانه / هي من عاشت بدون اب/هي من بَنت نفسها بنفسها / هي من زلزلت اسواق الاقتصاد/هي تكون وعد سليم الجارحي/هي تكون رعد الاقتصاد / هي تكون وعد بالانتقام بقلمي / حبيبة محمد ✨ عدد الفصول : 36 فصل جميع حقوق الطبع والنشر محفوظه باسمي...
