ခေတ်သစ်ကဗျာ

တောင်ပေါ်က အိမ်ဝလေး

တောင်ပေါ်က အိမ်ဝလေးမှာ
ငါထိုင်နေမယ်။
ညစာဝယ်လာတဲ့မင်းကို ပြေးကြိုမယ်။
"အသက်ကြီးပြီ၊ မချွဲနဲ့တော့" လို့
မင်းဆူလဲ၊
မင်းပါးလေးကို နမ်းပြီး
လက်ကိုင်ထားမယ်။
"ချွဲမှာပဲ၊ မရှက်ဘူးကွာ။"

"ညနေလေကအေးတယ် မိန်းမရေ"
ညစာပြင်နေတဲ့ ငါ့ကို
ပါဝါလေး ပုခုံးမှာ လာခြုံပေး။
"ကျန်းမာရေး ဂရုလည်းမစိုက်ဘူး။"
ဟော၊ ဒီအဖိုးကြီး ဆူပြန်ပြီ။
မင်းရင်ခွင်ထဲ ဒီညလည်း
ခေါင်းလေးတိုးဝင်ပြီး အိပ်ဦးမယ်။
"စိတ်မဆိုးပါနဲ့၊ချစ်တယ်နော်။"

-25th Jan 2024