تحضى نار قلبي

بارت 3

♕♡
♕
♕
♕

نزلنة من السيارة دفعت الباب ودخلت شهلاء.

واني بقيت برة.

اسمع الصياح والعايط مال امة وخواته وميزهن صوت شهلاء الي تگول

_راح سند گلبي منو الي غيرك ريت عمري على عمرك يابعد روحي..

كلامها قشعر جسمي.

ابتعدت عن الباب لان احس نعاد حداد ملاك وزوجتي..

ضغطت على روحي واتصلت على اخو گال
_ ادخل اسر بالبيت احنة وانتَ مو غريب..

دگيت الباب ودخلت.

طلع اخو سلم علية وعزيته.

بقيت بالحديقة لان اخواتة يمة بالاستقبال..
ما حبيت اعيق حزنهن وشوفتهن الاخيرة لـ اخوهن..

ساعة ورجع اخو گال
_ هم ياله ناخذة نغسلة ونزورة.

رديت علية
_ ابو سجاد شوف الله بخواتك اليوم اخر يوم يشوفنة بعيونهن خليهن يشبعن منة عسا ما تبقى لليل الدفنة.

رد
_بس يا آسر منو يدفنة بهل حاله غير راح يجون عمامي ويحجون.

رديت
_شعليك بكلامهم المهم خياتك واميمتك خطية اليوم اخريوم وياهم ولو تخلونه باجر الدفنة بعد احسن واذا على اليل انة وياك ادفنه ترى اخيي مو زوج اختي.

راح تگول شبسرعة صار اخيك وانت ما صارلك هواي من عرفتة لا مسافر. بس يا ابو سجاد اخيك ما فد يوم خابرت اخيتي وگالت نزل دمعتي لو هاني وقلل من قيمتي لو فد يوم زعلانة اجتنة

الله وكيلك وروحه البعدها بهل بيت اجيكم غفلة الگاها الوجه يضحك واخيك صاحب ملگة وگفة وياي.

هز راسة گال
_ يرحم والدك على هل تربية مو لان انت گدامي بس شهلة ما شايفين منها العيب لا بيوم غثتنة او غثت نسوانة.

للساعة خمسة العصر ياله جابو التابوت دخلت بعد ما سوو طريق.

حطيناة بالتابوت وگبت الصياح اليبو..

ردنة نشيلة حجت امة موجهة كلامها الي

_عليك العباس ييمة بقي شوية اشم ريحتة..

ابتعدت عن التابوت وهي تقربت حضننة وتشم بي منضر كفيل يهد حيلي..

غمضت عيوني والتفتت على صفحة.

مرت ربع ساعة وشلنا من ردنة نطلع اجت شهلاء بيدها القرآن انطتنياه گالت

_بداعة امي يااخوي خلي على صدرة ختم القران ومات هو وبيدة هل قران..

ابتلعت ريگي ردت اخذه منها حجة اخو

_دنكو خليها تخلي..

خلت القرلن وشهگت بصوت احسها مرعدت گلبي.