تحضى نار قلبي

بارت 14

♕
♕
♕
♕
بالصعوبة أنطيها جرع العلاج بالكانولا
رغم قوة العلاج لاكن هي ماتنطي رد فعل مجرد صافنة بالفراغ.

واليوم الرابع إلي يمها هي مبتعدة لدرجة أناديها على الآكل ترفض.
نزلت من الدرج ببطئ..

وكفت بعد مسافة حچت بدون مقدمات
_ عساف اليوم الك أربع أيام والمفروض يومين وترجع لـ كربلاء.

_ ماعتقد هل شي يخصچ بالاخير هذا بيتي أجي وقت الي أريد و أروح وقت الي أريد.

رفعت حواجبها بستهزاء گالت
_ أكو آحد لازمك تروح ول ما تروح.

صديت عليها صفح وحچيت
_لعد ألمن هل كلام الي بهل ضهاري..

گلبت عيونها گالت
_بمزاجي أجة ببالي هل كلام.

قاطعنة صوت الجهاز يدك

فتحت خط حچيت
_أهلاً أبومصطفى.

... بالمهلي وليدي شلونكم سرور شلون صارت

شخصت نضري عليها وحچيت
_تبوس راسك وتسلم عليك.

أبتسمت وهي مصدومة وتقلد علية

.. اها ربي يحفظها اليوم عازمكم على العشا تعالو الحجية تريد تشوفها.

_ إي إن شاء لله اليوم نجي عليكم.

سلم وسد الجهاز.

گعدت وهي حظنت أدينها وحچت
_ليش تجاوب من وحدك؟؟
منو يگول أريد أروح

_شنو الي يمنعج من الروحة ؟

شخصت نضرها علية گالت
_مريضة مو بعينك!؟

_والله يا سرور انتِ ولا يم المرض أشو أيدج مكسورة وفد مرة صايرة وتفترين منا ومنا ولا يگلك مريضة الي يشوفچ يگول سجان.

گلبت عيونها گالت
_والله فزكَان انتَ اني وين وانت وين.

رفعت حواجبي وحجيت بهدوء
_ نفس الحبابة تصيرين وتروحين وياي لبيت عمج.

_ إي مو اني لهل درجة أسمع كلامك وانفذة.
ميلت عيونها وأردفت
_حسب منا واليل اذا بالي صافي اروح لخاطر بيبيتي وبس.

زفرت نفسي حچيت
_رحمة لدين محمد شگد فزكانة انتِ.

ماهتمت لكلامي وياها التفتت وراحت.

اتصلت على شهلة اطمئنتيت عليهم وغلقتة.
عرفت منها ياسة ناجحة ومعدلها ٧٢.

رغم توقعت معدلها ااحسن من هذا
لكن حمد الله احسن من الماكو..

غمضت عيوني أحاول أنام.
عبث ولا گدرت..

شگد أحاول أبتعد وما أركز عليها ما اگدر
أكو شيء يجذبني الهاَ رغم هيَ مو هينةَ وما منطية مجال.
لكن صعب أنفائها..

ضغطت على رأسي بقوة وزفرت نفس بملل..
گمت للمطبخ سويت چاي جديد وطلعت الاسواق القريبة علينة
اخذت كعك وكيك وحلويات.
رجعت بالطريق شفت واحد يبيع رگي أخذت حگة..