تحضى نار قلبي

بارت 12

&
&
&
&
&
وبالتالي توقعت اني وعمها سبب دخولها للسجن وخلت خط أحمر علينة.

وهذة مرة الثانية الي تنسجن بيها.

عساف: زين هسة وين الگاها وما معقولة أختها هيج تسوي!!؟

رد
_الله وكيلك تسوي الاتعس  هي رادت تزوج سرورلـ حماها في سبيل  تفك ياخة عن زوجها.

هي نفسها الي مسوية حالة وفاة لشخص عايش
وسرور هي الي وكفت ضدها.

غمضت عيوني تذكرت كلامها
نادية وسلطان وانت وارفد  سبب تعاستي

صديت علية حچيت
_أرفد منو

أبو مصطفى: زوج نادية.

صفنت بوجهة وحچيت
_نقدم بلاغ؟

أبو مصطفى:   هذا من رأيي.
هسة  اتصل على مسر صديقة سرور تساعدنة.

عساف_ان شاء الله  خير..
طلعنة  سوة  قدمنة بلاغ.

وبمساعدة مسر صديقة سرور و زوجها.

يومين سرور ما ألها كل اثر

راسي مصدع وكل تفكيري يم سرور.
شكلها ونفعالها أبد مابروح من بالي..

اتصلت على أبن أخوي  وسيم يا خذ زوجتة ويروح للبيت.
مصطفى  وياي نطلع نبحث عنها.

الگاع نشگت وبلعتها ما الها كل مكان.

ساعة ١٢ونص باليل   أبو مصطفى ومصطفى واني و ولد عمامها البقية مجموعين ببيتهم.

اتصل علية رقم غريب
فتحت خط حجيت
_  أهلاً منو؟

رد
_ تريد سرور؟؟

وكفت وحجيت
_منو انتَ

رد
_ اكو مستندات  يم جدة سرور أريدهن بهل ساعة  بسرعة تجيبهن.

رديت
_أرفد  هذا انتَ

ضحك ورد
_ أشكر جهودك المبذولة لمساعدتي.

عساف: أرفد  عوف سرور..

مصطفى گام واشر على الجهاز.
فتحت سبيكر گال
_ هيج تحبها خطيةة ما تهنيت بزواجك منها له له خطية..

كزيت أسناني وحجيت
_ لا تلعب هل لعبة عوف سرور لا توصلها لان وحق الكفل زينب انعل ساسك يا أرفد.

رد
_بدون هل مرجلة بيدك جيب المستندات

رديت
_وين الكاهن

رد
_ يم جدتها.

صديت على أبو مصطفى  تقرب علية وهمس

رديت
_الك المستندات بس اسمع صوت سرور.

ضحك بستفزاز گال
_بسيطة أسمع.

لحضات  صمت مرت  ما الها صوت.

حچيت
_ تكذب وين سرور؟؟

سمعت صوت طبة وصرخة واهنة من سرور