تحضى نار قلبي

بارت 13

♕
♕
♕
رغم الاعتراض الي تعرضت اله لاكن أصريت اكمل
لان برأيي البنت ماتسوى شي اذا ما عدها مورد خاص او شهادة.

وبهل فترة ماكو بنات يشتغلة يا مندر هل شي.
وقت الفراغ الي يصير الي بالمكتبة اقرأ  كتب الاكثرية تدور حول الفلسفة.

صرت مدمنة للكتب.
انتضر يوم يوم حتى أقرأ.

بهل فترة وهمت عمامي انو اني ما  اشوف المستقبل.
ما صدكو بسهولة.

صرت أبحث عن كتب لهل شي.
أريد اعالج نفسي بنفسي.

بعدها من خلال التطلع عرفت علم النفس واكو مستشارين و قررت أراجع دكتور نفسي.

مشت الايام وبدت الامتحانات.

رجعت من المكتبة لگيت عمي ينتضرني.

وگفت گدامة حچيت
_هاا

رد
_بنتي لحد وين نوصل احنة وياج.؟

رديت
_مفهمت شنو تقصد عمو؟

رد
_ امتحاناتج على الابواب وانت تشتغلين  .
احنة مقصرين وياج بـ مصرف أشو مسويلجن شهري.

رديت
_عمو شوكت تفهم
أريد وارد و شغل  مستقل الي.

أبو مصطفى: بنتي ورث أبوج موجود..

گعدت گدامة وحجيت
_ عادي عوفة يمك ومن احتاج الجئ الكم. 

رد
_تعالي اشتغلي يمي حتى أمن عليج.

رديت
_عمو انتم شغلكم بالذهب واني ما احب هل شغل..

رد
_سرور تتخبلين بين هل كتب.

رديت
_اوك اترك الشغل بس  تفتح الي مكتبة.

رفض عمي يفتح الي مكتبة.
وبقيت على أصرار اشتغل،

بديت الامتحانات وكانت شبة صعبة.
عدت هل فترة  واختي اتصلت على عمي لان اليوم يجون علينة.

بهل يوم كنت بالمكتبة وتأخرت في سبيل ما ألتقي بيهم
لان أعرف غايتهم و  مرادهم..

رجعت للبيت الساعة بالسبعة المغرب.
سلمت عليهم من الباب ورحت لغرفتي وية اختي.

اخذت ملابس وسبحت في سبيل اتأخر.
بس عبث مكتوب علية اگعد وياهم.

صار العشا رحت يمهم تعشيت.
ونفس ما شفت  بعد ما خلصنة حچة عمي.

_أبو مصطفى  أخذت نادية  والنعم منها واليوم أجيت الكم حتى   اطلب سرور لـ أبني.

رفعت حواجبي بستهزاء انتضر رد فعل عمي.

أبو مصطفى: سرور محجوزة لـ مصطفى من الصغر أغذرني.
وهي أعرف بـ أختيارها گدامك شنو تريد  أني وياها.

التفت علية عمو وگال
_ها عمو شتگولين موافقة على أبني حتى تگعدين يم أختج.

أبتسمت وحجيت بمكر
_ عمو اعتقد هو أبن زوجتك وانتَ ربيتة وحسب ما أتذكر هو كان يوگف بباب بيتكم ويتحرش بـ البنات 
ويسكر وعندة كذا شغلة مو بالشخص الي أتمنا وأكمل ديني وياه