عالم نازكا

{2}

بعدما نظر ساهر إلى هاتفه بدهشه رد و قال

والد ساهر(يوسف)بلهفه :ألوو اهلا يا جو اوعا تقول انك جاي مصر

يوسف:عامل ايه يا ساهر.. وبعدين ايه جو دي انت بتكلم واحد صاحبك انا ابوك يابني

ساهر:طب ما تاخدني معاك ياحج و النبي فرنسا.. اشتغل هناك.. اتوسطلي يعني انت حبايبك كتير ماشاء الله

يوسف:يابني قولتلك ميت مره انا مش بتاع واسطه... وبعدين انا مستحيل اسمح لابني انه يشتغل بواسطه من غير ما يتعب و يحس بقيمة...نفسه لما يوصل للي هو عايزه

ساهر بهزار:يا حج ده انا و الله نازل من الصبح و عمال أدور على شغل ومفيش شركه عايزه حد يشتغل معاه خالص...

يوسف:خلاص نبقا نتكلم في الموضوع ده بعدين.. المهم انا نازل اجازه كمان شهرين و عايز اعمل مفاجأه لقمر

ساهر:قمر مين

يوسف :قمر امك يا اهبل نسيت اسم امك

ساهر:اه صح.. خلصانه يا حج متخافش قولي بس انت عايز تعملها مفاجأه ايه و انا هظبطك

يوسف بضحك:خلصانه!.. امشي يلا مش عارف انا.. ده  ابني ازاي ولا ايه الكائن ده

ساهر :كائن! ماشي يا حج.. متشكرين

يوسف :يلا سلام بقا علشان عندي شغل

_______________________________________

ساهر لنفسه:يارب التلفون يرن بقا الواحد زهق... يلهوي دي الساعه ٥ المفروض منذر جايلي ٦ انهارده... سبحان الله يدوب عقبال ما اروح الاقي منذر هناك
ثم عاد ساهر الي منزله
........................
في منزل ساهر
صوت خبط ع الباب

قمر :افتحي يا نور

نور:حاضر.. ايوه مين

وفتحت
منذر:السلام عليكم ازيك يا نور

نور:الحمد الله اتفضل.. يا ساهر

ساهر:اهلا وسهلا يا منذور نورت تعالي دي ماما عامله ام علي انما ايه عسل

منذر:طنط هتفضل تأكلني في ام علي و ابو علي لحد ما هفرقع منكوا

ساهر:😂 لا متخافش.. يلا تعالي هوريك حاجه

منذر :ماشي يلا...
ثم ذهبوا الي غرفة ساهر

ساهر:انا حاسس ان البيت مسكون يا منذر

منذر بهزار:ايوه ما انتوا اللي ساكنينوا

ساهر:انا بتكلم بجد تعالي بص

وراح وقف قدام المرايا

منذر:ايه يا عم في ايه دي مرايا..

ساهر:يابني بص عليها من فوق كده

(ثم نظر عليها منذر و ورأى خطوط حمراء لا يراها الا من يركز فيها ثم وضع منذر يده عليها حتى تمددت و أصبحت أوضح )

منذر :يا نهار اسوح..ايه ده

ساهر بزعيق خلي بااالك