عالم نازكا

{3}

ساهر بزعيق :خلي بااالك

يخرج ضوء قوي ويدفعهم الى الخلف ثم تظهر بنت شديدة الجمال... رآها منذر و ساهر توقفت ثانيتين ثم اختفت

منذر:ايه ده!...

ساهر:ايه ده بجد... ايه القمر ده

منذر: قمر ايه يا عم... بقولك المرايا دي فيها حاجه البيت مش مسكون خلي بالك من المرايا دي

ساهر:بسم الله الرحمن الرحيم... يعني اللي طلعت دي عفريته

منذر:عفريتة ايه يا عم ما عفريت الا بني آدم.. المرايا دي فيها حاجه تانيه انا قرأت حاجه زي كده قبل كده

ساهر :كان الكتاب بيقو...

ثم قاطعتهم قمر و دخلت عليهم بأطباق ام علي

قمر:انا اول ما عرفت انك جاي قولت اعملك بقا أطباق ام علي هتعجبك اوي ميكس كده إيطاليانو على فرنسي و أساسها بقا مصري

منذر:ايه يا طنط هي أم علي إيطالي و فرنسي

قمر :لا.. هي مصري بس دخلت فيها لمسات إيطالي علي فرنسي

ساهر:ربنا يستر

قمر :بتقول حاجه يا ساهر

ساهر:لا ياماما بقول تسلم إيدك مش عارف من حلاوة اكلك اروح فين ربنا ييسر الدنيا

ثم اخذ منذر المعلقه وقام بتذوقها و قال...
منذر: الله تسلم ايدك يا طنط طعمها حلو

قمر :بالهنا و الشفا على قلبك يلا بقا هسيبكوا براحتكوا

ثم خرجت قمر

ساهر :هنعمل ايه.. انا مش عايز ابينلهم حاجه في البيت علشان ميخافوش من المرايا دي

منذر:بص متخافش انا هروح دلوقتي هدور على الكتاب و نبقا نتقابل في النادي بكره نشوف ايه حكايته ده

(نسيت ان اعرفكم على منذر.. منذر صديق ساهر منذ الثانويه و تخرجا من نفس الكليه و هو صديقه الوحيد...اما نور فهي اخت ساهر عندها ١٨ سنه في الثانوي العامه و هي تدرس و حلمها ان تلتحق بكلية ذات مقام عالي في المجتمع.. قمر والدة ساهر لديها ٣٩ سنه لديها عملها الخاص على السوشيال ميديا.. قناة راقيه جدا تعلم البنات فيها المطبخ الإيطالي و الفرنسي و هي مشهوره )فالنكمل حوارنا

لم ينام ساهر في غرفته ونام في الصاله

في صباح اليوم التالي و ساهر نائم سمع الباب يفتح استيقظ ووجد والدته و

قال:صباح الخير

قمر:صباح النور.. انا رايحه اعمل Shopping و اجيب حاجات علشان القناة و كده... حضرتلك الفطار جوه ابقى سخنه..صحيح ايه اللي منيمك في الصاله كده

ساهربتردد:ااايي لا مفيش كن كنت بتفرج على فيلم ونمت مكاني ... صح فين نور؟

قمر:نور عند خالتها بتذاكر هي و بنت خالتها شويه.. يلا انا نازله عايز حاجه

ساهر:لا سلامتك

ثم قام ساهر من مكانه و غسل وجهه و اكل فطوره و اتصل بمنذر

منذر:ألوو

ساهر:ايوه يا منذر لقيت الكتاب ولا لسه انا نايم في الصاله من امبارح

منذر:دورت عليه ملقتهوش طلع ابن عمي خذه يقرأه هروح اجيبه و نتقابل في النادي

ساهر:لا نادي اي تعالي عندي

منذر:هعمل ايه عندك

ساهر:يعم تعالي بس و انا هقولك

منذر :ماشي جاي

ثم سمع ساهر صوت بنت رقيق جدا يناديه باسمه ( ساهر ساهر تعال يا ساهر🌸 ) ثم ذهب ساهر وراء الصوت القادم من غرفته ووجد المرآه امتلأت من الخطوط الحمراء و صادر منها نور و اختفى صوت التي تناديه بإسمه و  فجأه يصرخ سااهر