عالم نازكا

{7}

منذر :حضرتك عارفه ايه اللي خلي ساهر ينام على الكنبه؟

قمر:قالي نمت و انا بتفرج على فيلم

منذر:لا مش علشان كده.. ساهر نام على الكنبه علشان كان خايف...

قمر:ما تحكي يبني كلامك على بعض كان خايف من ايه؟

منذر:امبارح اول ما جيت... خادني الاوضه بتاعته و قالي في حاجه غريبه في المرايا بصيت فيها لقيت في خطوط حمراء و اول ما إيدي قربت منها لقينيها عماله تتمدد و مره واحده حاجه زقتنا لوراء و بعدها لقينا بنت طلعتنا ثانيتين بالظبط و بعدين اختفت... كان شكلها غريب شبه عالم الكرتون أو ذكاء اصطناعي حاجه كده..

قمر بعياط:يلهوي كل ده في المرايا؟... وهو مرديش يقولي علشان ميخوفنيش... و سبناه لوحده في البيت و مشينا يا لهوي هتكون عملتله ايه... دي عفرييييته

منذر:لا يا طنط مش كانت عفريته مش خوفنا  منها اصلا... كان شكلها شبه افلام الكرتون مش عفريته...اهدي بس و انا هحاول ارجعه لك ان شاء الله ... بصي حتى الكتاب اهه.. لقيت الكتاب اللي كان بيتكلم عن حاجه شبه دي... بيقول في واحد قديم اوي بيحكي عن المرايا دي و قصتها.. الناس فكروه بيستخف بعقلهم. بس طلع كلامه صح.... المفروض ان لو كبرت الخطوط الحمراء في المرايا يبقى ده وقت دخول مكان اسمه خطوط نازكا أو عالم نازكا.. و المكان ده بيفتح كل ٥ شهور... و القرية اللي المفروض دخل فيها اسمها مندليف ومكانها بيتغير لحد ما ييجي الشهر الخامس علشان ترجع تاني لمكانها الأصلي (بمعنى ان انهارده كان معاد دخول عالم نازكا... و علشان حد يخرج منه وييجي هنا أو حد يدخل نازكا لازم يستنى ٥ شهور كمان)

قمر:انا مش فاهمه حاجه

(ثم جاءت نور و نوران اخت قمر و جلست معهم في لهفة على أمل إيجاد ساهر)

منذر:اهدي انا هشرحلك كل حاجه