فصلية ولكن بشروط

البارت الثامن

#فصلية _ولكن_بشروط

للكاتبة: زهراء الشويلي

يوسف : اذا بعد شفتج دخلتي هنا ، رجليج اكسرهن

بصعوبة كدرت اسيطر على دموعي

زينب : راح اطلع ، بس عوف ايدي ترة اذيتني .

عافني ورجع خطوة

واني ابتعدت عنه ردت اطلع بس تذكرت على شنو صعدت

حاجيتة بدون مالتفت عليه حتة مايشوفني ابجي

زينب : ترة حارث هوَ الي طلب اكعدك حتة تستقبل الناس ،، وريوكك وراك ع الميز .

عفتة وطلعت رحت لغرفتي

غفران والجهال بعدهم نايمين

اني مسحت دموعي وانتظرت ثواني وطلعت
حتى مايبين على وجهي باجية

نزلت جوة

وخلص نص النهار بين هوسة وركضة
ونسوان داخلة ونسوان طالعة

يوسف كلساعة يدخل ثواني ويرجع يطلع بس اني ابد ولا اتقرب منه ولا نظرت بوجهة ابد

وهوَ اذا راد شي يدز على غفران

الضهر صبو الغدة وكلهة حايرة بالاكل

اني كلت اصعد فوك اريح ضهري شوية بين مايخلصون وانزل

طبعاً فوك محد يصعد بس اني وغفران ويوسف
وبنت اخو يوسف شابة كعدناهة يم الجهال

من صعدت اكو صوت بنية بغرفة وسن

رحت يم الباب اتسمع

تكولة : حبي والله مو هين عليّ اشوفك بهل حالة .

صوت يوسف : ماكدر احسهة تركت فراغ بداخلي .

اني بقيت واكفة بمكاني منو هاي

فتحت الباب بكل قوتي ردت ادخل بس تذكرت كلام يوسف

هيَ جانت كاعدة بحضنة ؟؟؟

وكفت مثل الثولة اريد استوعب شنو لديصير

كامت وكعدت بصفة

اشرتلهة تعالي

زينب : ماريد صوتي يطلع ،، لان بحجاية وحدة المن عليكم امة محمد لكاعدة جوة كلهة واشوفكم شلون تنعجنون سوة .

هيَ التفتت ليوسف منتظرتة يحاجيني

يوسف : اطلعي وسدي الباب .

زينب : لتدخل نحلهة بعدين لان لحد الان مقدرة وضعك ، بس مال تجيبلك (فشرت) والعزاء بعدة ماخلصان ،، ترة عيب ومو حلوة بحقك فخلي الموضوع سكتة احسن .

هي : احترمي نفسج لا تغلطين .

زينب : اذا مانزلتي هسة وسديتي حلكج انزلج سحل وخليج بنص النسوان ،، اخليهن بدال مايلطمن على وسن ، يلطمن عليج فاطلعي برة مادامني مسيطرة على اعصابي .