#فصلية_ولكن_بشروطللكاتبة : زهراء الشويلي
شفت يوسف اجة يركض وشال سجاد من ياختة
زينب : لا يوسف عوفة
التفت عليّ وخزرني
كتلة : هذا سجاد زوج اختي امل .
يوسف نزلاه وعدل ياختة بس على اعصابة
زينب : هسة امل وين ؟
اشر وراي
التفتت لكيت امل نزلت من الدكتورة
تقربت على يوسف
وهمست : ترة سكران لا تعب نفسك وياه .
رحت ل امل حضنتهة
هي بس شافتني كامت تبجي
رجلهة اشرلهة يلا ،، من الاساس احنة عصبناه
زينب : توني جنت جوة ماشفتج .
امل : عوفج مني روحي لبيتنة ليش ماترحين هناك .
زينب : يوسف مايوديني واخاف اكولة .
جاوبت وصوتهة يرجف : الجهال موزينين امجد هاملهم ،، اخذتهم يمي وسجاد شبعهم كتل كل مايسكر حتى مرة كسر ايد احمد وخفت عليهم ورجعتهم ،، امجد يطلع الصبح ويرد بنص الليل ،، ياريت تكدرين تاخذيهم وياج .
صاح عليهة رجلهة وراحت
واني بقيت واكفة بمكاني مصدومة
كله بسبب امجد وين وصلنة ،، لا اكدر اخذهم وياي ولا اكدر اعوفهم يمه
رجعت لسيارة بس فكرة تاخذني وفكرة تردني
يوسف : صاير شي .
هزيت راسي ،، ماجاوبتة
مشت السيارة بس بقيت مترددة احجي لو لا
اخاف مايقبل
اخذت نفس
زينب : يوسف وديني لبيت اهلي .
فر سيارتة ورحنة لبيتنة
وصلت ودكيت الباب اكثر من مرة بس محد فتحة
يوسف : خاف ماكو احد .
زينب : لا الجهال جوة .
يوسف : وحدهم ؟
سكتت ،، شنو اجاوبة
رجعت دكيتة كل قوتي
وصحت : احمد ،، نرجس افتحو الباب .
صوت نرجس ورة الباب : زنوبة الباب مقفول والمفتاح عد امجد .
كعدت بمكاني رجلية بعد ماشالني
يوسف : تردين اكسرة ؟
رفعت راسي وجاوبتة : ياريت .
راح لسيارة وماعرف شنو جاب
أنت تقرأ
فصلية ولكن بشروط
Romanceصرخت من بين دموعهة : لازم تطلكهة ماجاي اتحمل اشوفهة جاوبهة بكل هدوء : انتِ الي طلبتي اتزوج . ....................... : عندك اكثر من زوجة وهم علاقات وية بنات حياتك شنو نهايتهة ............. : انت لدمرت حياتي علمود لفلوس ، جاوبني شنو لستفاديت هسة ؟...