#فصلية_ولكن_بشروطللكاتبة : زهراء الشويلي
غفران : وراح توقع ؟
يوسف : خل اروح افهم منهة بلأول وبعدين نشوف .
جاوبت بعصبية : بعدين تشوف ؟ يعني تريد تفكر بموضوع الطلاك ،، شوف ترة اني صح ما ادخل ب امورك ،، بس لحد الان زينب هيَ احسن نسوانك من دون وسن .
يوسف : لهل درجة صرتن صديقات ؟
غفران : لا بس على الاقل قبلت تربي اطفال غيرهة ،، وعاملتهم بطريقة حلوة رغم انو انت جنت تأذيهة ،، لا تنسة نيران رفضتهم وعسل ماريد اعلق عليهة انتَ اكثر واحد تعرفهة .
سكتت ماجاوبتهة
رجعت فوك جبت جهازي ونزلت
وصلت للباب وغفران صاحت : حاول تراضيهة ،، وقنعهة تلغي فكرتهة .
يوسف : ان شاء الله .
عفتهة وطلعت
رحت لبيت زينب
وصلت ودكيت الباب الى ان مليت
صوتهة ورة الباب سألت : منو ؟
جاوبتهة : اني يوسف افتحي الباب .
سكتت ثواني
زينب : ما افتحة ماكو احد بالبيت ،، وبعدين اذا جاي على امجد فتلكاه بالسجن روحلة هناك ،، واذا جاي علمودي فوقع الورقة وخليهة جوة الباب والله وياك .
دمي كام يغلي
حاولت بكل طريقة انصي صوتي وجاوبتهة من بين سنوني : افتحي الباب منا العالم دتباوع وراح تاخذ نضرة موزينة .
زينب : ميهمني روح .
يوسف : ترة خلكي كلش طويل ،، راح اكعد هنا الى ان تفتحين الباب واذا مليت اكسرة .
فتحت الباب على وسعة
هوَ دخل وسد الباب
رفع الورقة بوجهي وصاح : شنو هاي فهميني
زينب : وقع عليهة وخل نرتاح ثنينة .
يوسف : منو لكالج اني ارتاح اذا اوقع عليهة .
زينب : بس اني ارتاح ،، اريد هل كابوس يخلص .
تمتم : كابوس ؟
عافني وراح دخل بالأستقبال
دخلت وراه لكيتة كاعد ويكلب بجهازة
زينب : وجودك بالبيت غلط ،، وبالاخص ماكو رجال فرجائاً روح منا ماريد العالم توكعني بشبهة .
رفع نضرة الي
ثواني ورجع يكلب بجهازة بدون مايجاوبني
زينب : مو احجي وياك .
يوسف : كافي حبيبتي روحي اجمعي اغراضج وجيبي الجهال حتى نرجع للبيت .
زينب : ما ارجع وراح نطلك وكل هذا يخلص .
أنت تقرأ
فصلية ولكن بشروط
Romanceصرخت من بين دموعهة : لازم تطلكهة ماجاي اتحمل اشوفهة جاوبهة بكل هدوء : انتِ الي طلبتي اتزوج . ....................... : عندك اكثر من زوجة وهم علاقات وية بنات حياتك شنو نهايتهة ............. : انت لدمرت حياتي علمود لفلوس ، جاوبني شنو لستفاديت هسة ؟...