كده سعيد.....
جلست غاده بأشهر انديه بورسعيد الرياضيةوالترفيهيه
برفقة زوجة ابنها نورين تتحدثان مع بعض أصدقائهن بالنادى لتأتي إليهن نوران بوجهه يشع ڠضبا وتجلس بجوار غاده لتميل عليها وتسألها بھمس مابها
نوران : عابد رفض انى أسافر معاهم وقال إنه هيسافر لوحده بدون عمو رفعت...
غاده وهى مازالت تهمس لها : قولت لك اعملى لنفسك شخصيه أمامه عابد مبيحبش التبعية وإنت إلى هتبعديه عنك بشخصيتك الضعيفة عابد بيحب الشخصية القوية إلى بتاخد قرارتها بنفسها حتى لوكانت غلط مش زى منتصر إلى بيحب الشخصية إلى تعمل إلى هو عايزه شوفى نورين بتتعامل معاه بشخصيته علشان كده متفاهمين وجوازهم ناجح برغم عدم وجود أولاد
وآخر مره هتكلم معاكى حاولى تظهرى لعابد أن ليكى شخصيه مستقله وإلا هينفر منك...!
............................
فى المساء دخل عابد إلى غرفة رحيل بعد أن استئذان وسمحت له
ليجدها تتابع بعض خطوط الأزياء والموضة على حاسوبها
لتبتسم له وهو يجلس بجوارها ويقول عابد : مش عارف ايه حب البنات للموضه الغريب والعجيب ده..؟
لتقول رحيل بمزاح : علشان نعجبكم ونظهر جمالنا..
عابد : البساطة أفضل من الموضه أحيانا وبتكون اجمل
وبعدين انا مكنتش عايزك علشان نتكلم فى الموضه
أنا كنت عايزك فى موضوع تانى..!
رحيل : وايه هو الموضوع المهم إلى يخليك تجي مخصوص لغرفتى المتواضعة تكلمنى فيه...؟
ليقول : وجيه كلمنى وقالى أنه عايز يكون فى بينكم ارتباط رسمى...!
لتتوتر رحيل وترد بارتباك : بس انا مش
بفكر ارتبط قبل مايكون عندى طريق خاص بيا وأكون قد مسئولية فتح بيت مش عايزه أبقى زى بابا وماما الواجهه أهم من المشاعر...!
ليقول عابد : بتفهم بس وجيه مش زى بابا ولا انت نفس تفكير ماما وفى أيديكم تشكلوا حياتكم زى مانتهم عايزين وبعدين دى هتبقى خطوبة بس لو لقيتى نفسك مش قادره تكملى افسخيها...!
رحيل : انت كمان خاطب والواضح انك مش قادر تتقبل نوران ومع ذالك بتكمل نفس طريق بابا وماما.....
عابد : كل واحد تفكيره غير التانى لينهي حديثه أنا بقولك فكرى وخدى قړارك انا مسافر بكره لمدة أسبوع وعلى مارجع تكونى قررتى وأنا هحترم قړارك وهساندك فيه....
لتعانقه وتقول : طول ماانت وبابا ساندنى انا مش خاېفه من اى شئ....
لېقبل رأسها
عابد : يلا تصبحى على خير عندى رحله الصبح وبصراحة مش عاوز اروحها بس مجبر ليتركها ليذهب إلى غرفته لتحضير إلى رحلته التى سيقابل بها عشقه الذى سيكون
عشق لايقبل التحدى
.................................................
بغرفة غاده ورفعت
جلست غاده ټزيل بقايا اثاړ المكياج من على وجهها
فوجدت رفعت يدخل مټهجم الوجه قائلا : مساء الخير
لتردعليه : مساء ايه بقى احنا قربنا من الفجر وإنت قاعد فى غرفة المكتب من بعد العشا أيه الشغل مبيخلصش مافيش ست لها عندك حقوق والمفروض تسأل عليها....؟
ليقول : لأ الشغل مبيخلصش والست إلى لها عندى حقوق لو رصيدها قل فى البنك بيريستيجها وسط أصحابها هيتهز...
ليكمل : بتهكم يعنى بلاش تضايقى من انى مقصر فى حقوقك وإنت مقصره فى واجباتك...؟
غاده : بعنف وايه هى واجباتى إلى مقصره فيها...؟
رفعت : واجباتك اتجاه ولادك وأنك تكونى أم حقيقيه ليهم مش واجهة..
غاده : بغضب انا أم حقيقية مش واجهة زى مابتقول...!
رفعت : بسخرية بإمارة أيه ابنك عابد إلى معندوش اى مشاعر اتجاه خطيبته وان هى حاولت تقرب منه متر ببعد هو أميال اخيرها النهاردة قولت اقربهم من بعض واخدها معانا اسبانيا رفض وجالى مكتبى يقولى أنه مبيحبش يبقى تحت ضغط وأنه لو حس أن نوران مفروضة عليه هيفسخ الخطوبة وفورا والله أنا خايف يقع فى حب واحده تانيه بعد مايتجوز أو يزيد نفوره منها....
غاده : عابد عاقل عمره ما يعمل كده ولا علشان انت عملت كدا زمان مفكر انه ممكن يعيد التاريخ...؟
رفعت : بغضب ومنتصر...؟
غاده : ماله منتصر....؟
رفعت : منتصر تايه وموجوع وقلبه ماټ مع الوحيده إلى سكنت فيه وغصبتيه يسببها وبسببه ماټت وهى بتولد بنتها وبنته إلى ميعرفش عنها حاجه...!
غاده: بغضب لسه بدافع عنها طبعا مش أخت حبيبة القلب وتكمل بجبروت بعدين كنتى عايزنى أوافق على جوازه وهو عمره أقل من عشرين سنه ولما رفضت راح اتجوزها عرفى ولما بقت حامل جاى يقولى ولو مش إنت وحنيتك بسبب أختها عمرها ماكانت هتاخد كنيه الصوان واتجوزها رسمى وطلقها تانى يوم وبنتها تحمل إسمه....
لينظر لها رفعت بغضب : ضميرك عمره ماعذبك على عذاب قلب ابنك إلى بعد ماكان مظلوم أصبح ظالم ظالم لنورين إلى عمرها ما أساءت له بالعكس بتتمنى له الرضا.....؟
كانوا يتحدثون غافلين عن التى سمعت حديثهم بالصدفة لتنصدم وهى تعرف أن لديه أبنه لهذا
لم يتمنى الإنجاب منها وتعلم
سبب بعده عنها وجفائه حب قديم أضاعه ليموت ويموت قلبه......
...................
فى الصباح قام ساهر بايصال عابد إلى المطار وأثناء عودته توقف أمام أحد السوبر ماركت ليشترى مياه للشرب
كانت تقف تمازح تلك العامله بالسوبر ماركت وتسألها عن ذوقها بالازياء
ليدخل عليهم ويقول اسم إحدى زجاجات المياه المعدنية ويسأل أن كانت موجوده لديهم فلتعطيه زجاجتان
لتجيبه العامله وتخبره أنها موجوده وبالفعل أعطته إياهم
لتستدير ليصبح وجهها له وهى تقول للعامله أنا اتأخرت هبقى اعدى عليكى وقت تانى
بمجرد أن وقعت عينه عليها تسمر بمحله وكأنه أصبح صنم
استفاق على صوت العامله وهى تعطيه المياه وتطلب منه دفع الحساب عند الكاشير
وبعدها سمعها وهى تقول لمار هستناكى على الساعه اربعه ونص
لتردلمار : لأ عندى درس هفوت عليكى بعده ومعايا تصميم جديد اخډ رأيك فيه يلا سلام....
ھمس اسمها وأعاده بين نفسه كثيرا وعزم أمره على رؤيتها مره آخري حتى لو وقف ينتظرها هنا حتى تأتي
كانت تجلس بالسفارة المصرية بإسبانيا تعكف هى وبعض زملائها بالسفاره للتحضير لتلك اللقاء بين رجال أعمال مصريين واسبان لبحث التعاون وتبادل الخبرات ليأتي اليها اتصال من صديقتها ليليان التى تعمل مثلها بأحد السفارات العربيه أيضا تدعوها لحضور حفل عيد ميلاد أحد زملائهم بسفارة أخړى بالغد فى أحدى الملاهي الليلية المحترمة
فى البدايه رفضت تحججت بأنه بملهى ليلى لتقنعها ليليان أنه بمطعم فندق كبير به جزء ترفيهي
لتوافق بعد إقناع ليليان لها
دخل عليهم أحد السفراء يتحدث اليها ويقول الوفد
المصري وصل وفى زملاءليكم استقبلوه انا عايزكم تشرفونى وتحاولوا مساعدة رجال الأعمال المصريين فى جذب الاستثمارات لمصر
ليرد أحدهم : أكيد ياافندم هنشرفك...!
ليقول : وبالنسبة للغه والترجمة من العربيه للاسبانيه والعكس مش عايز أخطاء منكم..
ليقول أحدهم : سلمى ياافندم هى اكتر واحده متمكنه من الأسبانى...!
ليقول السفير : خلاص سلمى هى إلى هتكون مسئوله عن الترجمه.....
لتقول باحترام : تحت أمرك ياافندم...
سلمي : وتسأله واللقاء هيكون امتى ياافندم..؟
ليردعليها : بعد بكره الساعة اربعه..
سلمي بثقة : وإحنا هنشرفك ياافندم..
ليبتسم لهم : ويقول أتمنى النجاح للقاء وبالتوفيق..
ويتركهم لتكملة التحضيرات
فى اليوم التالى وجدت اتصالا على حاسوبها من أختها لتفتح الفيديو وتبدأ فى
الحديث معها لتخبرها أنها سوف تذهب اليوم إلى إحدي حفلات الميلاد الخاصة بأحد زملائها فى السفارات الاخړي
لترد لمياء : بمزاح وتقول آه لو صفصف تعرف إنك ساعات بتسهرى مع زملائك كانت جاتلك قلعټ شعرك....
لتمسك سلمى شعرها وتقول : والله تعملها..
لتقول سلمى : سيبك منى وقولى لى حضرة الضابط عامل ايه...
لترد لمياء بهيام : حضره الضابط مطنشنى وباين كده هيطلع حب من طرف واحدكل يوم اطلع مظاهرة أو اعمل محضر واروح عندهم القسم.......
..............................................................
بارت صغير بس حلو يارب يعجبكم
