مسااء الخير عليكم فصل جديد
ويارب يكون في تفاعل ويعجبكم
........................................................
ليه سيبنى أنام...
لتقول لمار : ماما هى إللى قالت لى اصحيكي وافرفشك ولو جات ولقيتك لسه نايمه ومش مفرفشه هتدعى عليا عالصبح بالذات أن بعد المجموع الكبير إلى جبته فى الثانوية العامة وهى واقفة ليا على كلمه.....
لتقول سلمى بضعف : خلاص هصحى بس موعدكيش إنك تفرفشينى....
لتقول لمار : مش مهم نص العما ولا العما كله....
لتساعد سلمى على الجلوس على الڤراش
لتقول سلمى باستهزاء : ومجموعك الكبير دا هيدخلك كلية إيه......
لتقول لمار بھمس : أنا جالى جواب التنسيق وخفيته علشان لو ماما شفته احتمال ترقع بالصوت أو تخلص عليا.....
لتبتسم سلمى بضعف وتقول : أيه هى الكليه.....؟
لترد لمار : حقوق انتساب...
لتبتسم سلمى وتقول بتعجب : حقوق وانتساب كمان لأ أنا لو مكانك مش هخفى الجواب أنا هاكله علشان أخاف تلاقيه بالصدفة وبعدين ياذكيه إنتي ناسيه أنها هتعرف أما الدراسة تبدء......
لتقول لمار : ساعتها هتبقى أمام الأمر الواقع إنما دلوقتى هتذلنى وټنتقم منى قى الراحه والجايه وبعدين أنا محتاجة بس الشهادة إنما أنا ناويه اشتغل بالتصميم ودور على بيت ازياء مشهور اشتغل فيه وبراسل كذا حد متخصص فى الموضه على النت....
لتقول سلمى بتمنى : ربنا يوفقك وتكونى أشهر مصممة ازياء فى مصر....
لتدخل عليهن صفاء
بيدها صنيه صغيره بها طعام وتنظر إلى سلمى لتجدها أصبحت أفضل
لتقول : يلا قومى افطري أنا متأكده إنك من امبارح الصبح ماكلتيش.....
لتقول لمار بهزار : هى جايبه لها الفطار لوحدها لحد عندها فى السړير الا عمرك ما عملتيها معايا....
لترد صفاء : واعملها معاكى ليه كنت اتشليتى ومش هتقدرى تمشي لحد السفره أو المطبخ تاكلى بنفسك.....
لتضحك سلمى بضعف على نقارهم
لتقول صفاء ل لمار : قومى خلينى ااكلها...
لتقول لمار بذهول : وهتأكليها كمان لأ دانا هتصل على البنت لمياء ونعملك اعتصام علشان تعاملينا زيها.....
لتضحك سلمى وتقول : لأ لمياء تابت من المظاهرات والاعتصامات من يوم ما اتجوزت سيادة الضابط ووصلت لهدفها.....
لتدخل لمياء برفقة والدهم اثناء حديثهم وتقول بمرح : مين إلى بيجيب فى سيرتى....؟
لتنزعج صفاء منها وتقول : انتى بتجى على السيره هو أنا مش هخلص منك دا إنتي بتقعدى هنا أكثر من بيت جوزك.....
