𝐀𝐑𝐃𝐄𝐍 - The Mysterious Eagle 🦅 ( Completed )

.01.

" මේවායේ ගාන කීයද අජුශ්ශී ? "

" අ අනේ ඔබතුමියට මේවා විකුණන්න බැහැනේ මට .. අවශ්‍ය ප්‍රමානයෙන් ඔබතුමිය අරන් යන්න "
ඒක ඇහුනම නම් ඇයගෙ මූණෙ තිබුන හිනාව මැකිලා ගියා .. ඇය අතේ රන් කාසි කීපයකුත් තියාගනයි හිටියේ ..

" ම්ම් මට එහෙනම් රෝස් කරපු පාන් දෙකක් එක්ක චෙරි පුඩිමක් දෙන්න .. හැබැයි මේ කාසිය අජුශ්ශී තියාගන්නම ඕනා හරිද .. ඔන්න නැත්තන් මම කිසිම දෙයක් නොගෙනම ඉන්නවා "
ඇය ඔරොප්පුවෙන් ඉනට අත් තියාගන කියද්දී කඩ හිමිකරු ආයාසයෙන් හිනාවුනා ..

" හ්හාහ් හරි එහෙනම් .. ඔබතුමිය ගෙන් කාසි ගන්න එකනම් මම කැමති දෙයක් නෙවෙයි ඒත්__ "

" අජුශ්ශී ගේ මහන්සියනේ ... ඉතින් මුදලක් ගෙවන්නම එපැයි මම "
ඇයගේ හිනාව හරිම ප්‍රියමනාප වුනා .. අතේ තිබ්බ රත්‍රන් කාසිය කඩ හිමියාට දික් කරමින් ඇය රෝස් කරපු පාන් එක්කලා චෙරි පුඩිමකුත් මිලදී ගත්තා ..

" පීටර් ? පීටර් ඒ ඩිංගට කොහේ ගියාද මේ පීටර් "
මිලදීගත්ත පාන් එක්කලා පුඩිමත් අතේ තියාගන ඇය අනෙක් අතෙන් ඇයගේ දිග ගවුම ටිකක් උස්සගත්තේ ඇවිදින්න පහසු වෙන්න .. මෙච්චර වෙලා ඇයගේ ගවුමේ එල්ලිලා හිටිය පුංචි කොල්ලා දැන් අතුරුදන් වෙලානේ ..

" ඔ ඕ මේ ඉන්නේ හොරගෙඩියා .. ම්ම් මෙන්න ඔබට "
ඇය අතේ තිබ්බ කඩදාසි කවරේ පොකුණ ගාව ඉඳගන හිටිය පුංචි කොල්ලට දික් කලේ ටිකක් තරවටුත් කරලා ..

" අනේ .. චෙරි පුඩිමක් ? "

" ම්හ් ඔව් .. ඔබ කැමතියිනේ එහෙම නේද ? "
ඇය ආයෙත් වතාවක් හරි ලස්සනට හිනාවුනා .. මදක් ඉරුන කමිසයක් ඇදන් හිටිය ඒ පුංචි කොල්ලා පීටර් හරි සතුටින් ඇය දිහාවට ඔලුව ඉස්සුවා ..

" ගොඩක් ස්තූතියි ඔබට ... කුමරියනි "
පීටර් හරිම සතුටින් ඇය දුන්න කෑම ටික පපුවට තුරුල් කරගත්තා ..

" තනියම කන්න එපා ඉතින් ... හැල්මොනී ටත් දීලා පුංචි කුකූටයි යාලුවන්ටයිත් කෑල්ලක් දෙන්න හරිද .. පීටර් "
පුංචි කොල්ලගේ ගානටම නැවිලා ඇය එහෙම කියද්දි පීටර් සතුටින් ඔලුව වැනුවා .. අනිවාර්යයෙන්ම කියන්න වගේ ..