" لو طال البعد عمر الحُب مايذبل "

البارت ( 1 )

        بسم الله الرحمن الرحيم
نرجع للماضي قبل 4 سنين 🔴
-
هيام دقت على رانيا
: رانيووشي وينك
رانيا بتعب : تكفين منصرعه بالبيت
هيام وهي تحط ميكب وفاتحه الكام : ليش وراك
رانيا : ميتته تعبب كرفت (اشتغلت) اليوم الين ما انصرعت بالجامعه ودخت ورجعوني للبيت
هيام وهي تناظر لها بخرشه : ابك ليششش وشصار !
رانيا : مين في غير نواف !
ضحكت هيام : ليه وراه ذا بعد
رانيا لفت على الجهه الثانيه : هيمو تخيلي !
هيام ناظرت لها بتركيز : اسلمي وش
رانيا : قاعد يحرض اهلي علي !!!
هيام ناظرت باستغراب : على ؟
رانيا بدموع : كنت ابي اجيك وانا متهاوشه معاه وراح بعص علي
هيام : رانيوشتي ماعليك منه
رانيا : يع كريه اكرهه!!
هيام : راينوشي ماعليك منه ، اسمعي بقفل اشوياات واجي
رانيا بابتسامه : تماام
قفلت هيام واستقامت تدور لبس حلو لها
ابتسمّت برضى من نسقّت لبسه راقيه بسبب انهم رايحين لبيت جدهم
: ايوا كذا بيطلع شيييييء
اخذت جوالها ولبست سماعاتها ونزلت تحت
اتجهت للمطبخ تحديداً للدرج لآجل تبللّ ريقها قبل لا تستعد
فجأه وبدون سابق انذار حست بيد ضخمه على كتفها
وشهقت وبحركه سريعه لفت ورفسته مما أدى لطيحته بصراخ من الألم
هيام بصراخ : مين انت !!!
استقام واحد من الي كانوا واقفين قدامها
ناظر لها من فوق لتحت وضحك : اجل انتي هيام الالماسه الخاصه بسليمان هههههههه
هيام تراجعت بخوف : شعرفك فيني وشعرفك بابوي !!!! وايش تبي مني
بينما نطق جواد نُطق بحِده : وين أهلك !؟
هيام بصراخ : اذا ماطلعت من البيت راح ادق على الشرطه!!!
ضحك جواد: وين اهلك يابزر
هيام ناظرته برعب وماقدرت تتكلم ، كيف بتتكلم وشخص غريب دخل عليها وموجه سلاح تحديداً لراسها !
رفع السلاح وحدّده تحديداً لوجهها : اهلك وينهم !!
هيام بخوف : اء اهلي برا البيت
جواد صرخ : وين بالضبط !!!! تكلمي ووين اخوانك وخواتك؟؟؟!
هيام بارتجاف : اخواني مسافرين كلهم صارلهم اسبوعين وامي وابوي طالعين!!!
جواد مسك راسه بعصبيه : تكلمي لاتخليني اذبحك قبل ابوك !!!
هيام مسكت راسها برعب : مادري!!!! قالوا بيطلعون يتمشون
جواد ضحك : خليهم يتونسون هذي اخر تمشيه لهم اجل
هيام نُطقت بتردد : وش تبغى فيهم !!!
جواد قعد على الكنب : تعالي
هيام بخوف : ليش ؟!
جواد ناظر لها : قلت تعالي ماتفهمين ؟
هيام بتردد : لء لا مابغى
جواد رفع راسه للسقف : كم عمرك
ليالي بعناد : مالك دخل !
جواد ناظر لها بضحك : شكلك مابين 18 - 19
هيام بعصبيه بعد ما ادركت الموضوع : ومين انت عشان تعرفني !!!
ضحك جواد ووجه نظره لها : اثاريك ماخذه من قوه ابوك هههههه
هيام رفعت الجوال : راح اتصل على الشرطه
جواد ابتسم بخبث : للمعلوميه اقدر اسوي فيك الويّل الان واتحرش فيك
لذا الزمي نفسك لاتقومين شياطيني عليك
هيام رجعت لورا : وخر لاتقرب مني !!!!
جواد قرب منها : ودي اذبحك مع اهلك بس المشكله انك حلوه بزياده حرام اذبح هالجمال
هيام بخوف : وء وخر عنء عني!
على دخله اهل هيام البيت بينما سليمان انصدم من عدوه الي كان يناظر لبنته بحُب وبنظرات ماتطمن ابد !
صرخ سليمان : يابن الكلب وخر عن بنتي !!!!!
تقدم سليمان ومسك جواد وهجم عليه بوحشيّه بينما ساره داخت وطاحت على الارض وهيام حاطه فمها على يدها تّمنع شهقاتها من الرعب الي تشوفه
وبحركه سريعه من اتباع جواد
مسكوا سليمان وطلقوا عليه لآجل يترك رئيسهم
شهقت ساره واتجهت لسليمان ودموعها ماتوقف : سلء سليمان!!!!!!!!!!!!!
بينما جواد استقام ونفض ملابسه وناظر لساره : تحسبين الموضوع انتهى ؟ بتلحقينه
مسك السلاح وطلق عليها 10 طلقات
بينما شهقت هيام من فتحت عيونها وشافت الدم وجثث امها وابوها الطايحه على الارض
ناظر لها جواد : اشوفك بعدين ياحلوه
وهج هو واتباعه بينما هيام كانت منصدمه
ومسكت راسها بعدم توارن وطاحت واغمى عليها من المنظر الي صار
-
الساعه 6:20
استقامت هيام بنفس مكانها وشافت نفس المنظر الي شافته قبل يغُمى عليها
صرخت صرخه صحّت الحي والميت من قوه الآلم
اقتربت من ساره وسليمان بعدم استيعاب وحكت : بابا؟ ماما؟ مقلب صح ؟؟ تكفون اصحوا اصحححوا
مسكت وجيههم تحاول تصحيهم بينما الباب كان يدق بقوه
اما هيام ماكانت يم الباب وكانت منهاره بكي وشهاق
مسكت جثه امها وابوها وحكت بصراخ : مارح تتركوووني!!!! انتو وعدتوني ماتخلوني افهموا افهممموا !!!! تكفوون اصحوا اصحوا !!!
ناظرت لسليمان بصراخ : بابا !!! تكفى اصحى اصحححى
ومررّت عيونها لساره : ماما ؟ يااااماما تكككفين اصحي!!!!
ناظرت للدم وحكت : انا اعرف انه كذب !!! اصحوا تكفون وربي مايضحك خلاااااص!!!!! اقسم بالله لازعل منكم اصححوا !
حكت بآمل انه مقلب بينما صرخت من تحسسّت بنبضهم وفعلاً !
ماتوا ..
انكسر الباب وكانوا عمامها
صرخ حاتم : وراه صوتك طالع كذا !!!
عمر بخوف : خوفتينا عليك !!!
عبدالمجيد : شصاير شفيك تصارخين كذا !؟
تقدموا وشافوا الدم المنتثر على ملابس هيام وكان موقعه من سليمان وساره
صرخ عبدالمجيد بصدمه : لا حول ولاقوة الا بالله !!!!!!!!!!
حاتم مسك راسه بصدمه وطاح بالارض : أنا لله وانا اليه راجعون !!!!!!
عمر بخرشه : ووووش فيكم !!!!
تقدم وشاف نفس المنظر الي خلى كل شخص يصرخ من قلبه من الحزن
ناظر عمر بصدمه وتجمعت بعيونه الدموع ونطق بصوت خافت : سـء
سليـء سليـمان !!!!!!
ناظرت هيام لعمامها بقله حيله
وماهي الا دقايق الا واغمى عليها
استقاموا ودقوا على المستشفى واخذوا الجثث وودوا هيام للمستشفى
-
صحت هيام على الساعه 12
تحت مسمعها صوت ونّين وبكاء فتحت عيونها بخفه وشافت مصدر الصوت من عمامها الي مجتمعين بنفس الغرفه مع عيالهم وبناتهم
نزلت نظرها للمغذي الي بيدها
وحكت بصوت مبحووح : ايش صاير ؟ وليه انا هنا ؟!
فزوا من سمعوا صوتها جميعهم
تكلمت نجد : هيام اذكري ربك اول !
هيام باستغراب : لا اله...
سكتت من استرجعت كل الي صار ومسكت راسها تحاول تنكر الي صار
وناظرت لهم : ابوي وامي وينهم ؟
زاد بكاء عمر من سمع جملتها وكان يهديه حاتم
عبدالمجيد تقدم وقعد جنبها : يابنتي اهدي اشوي
نزلت دموعها بعدم حيلّه ورفعت نظرَ عيونها ذبلانه لعبدالمجيد : عمي تكفى لا
عبدالمجيد مسك يدها : كلنا ماشين بهالطريق وهم عند الي ارحم مني ومنك الأن يابنيتي ادعي لهم بالخير !
زادت دموع هيام وسكرت اذانها : عمي لاتقولها تكفى لاتقولها !!!
تكلم عبدالمجيد وهو منزل عيونه بالارض ونزلت دموعه : عظم الله أجرك يابنيتي والله يصبركم ويصبرنا .
دخلت الجمله بأذن هيام مما أدى لأنهيارها
استقامت وكسرت كل الاغراض الموجوده بالغرفه وصرخت : بابا وماما ما ماااااتوا !!! انتو كيف تتجرأون تتكلمون عنهم بانهم ماااتوا!!!
حاتم قرب منها : يابنتي اهدي اشوي
نزلت هيام واخذت قزاز كبيره وحطتها على رقبتها وحكت بنوّع من التهديد : وخروا عني !!!!!! لحد يمسكني وقسم بالله لاذبح نفسي!!!!
حاتم تراجع : هيومه شوفي يامي انتي هذاني رجعت اتركيها
كانت ماسكه القزازه بقوه مما أدى لجرح بكف يدها من بدايه الكفّ لنهايته
ناظرت لجرح يدها وناظرت لهم وكملت كلامها : وينهم ؟؟؟
ناظرت لها تهاني زوجه مُلهم : انتي مجنونه ؟ ماتوا تستهبلين وش الي وينهم !
ناظرت لها : صدقيني لو تكلمتي اكثر بجرم بك وبخليك انتي الميته
مُلهم : هيه انتي ! تكلمي باحترام مع زوجتي
حاتم ناظر لملهم : ملهم انطم لافصل عليك
ناظرت لهم بصدمه من اخوها الي مو هامه موت اهلهم وهمه اسلوبها مع تهاني وتقدمت من مُلهم
وناظرت له بقرف : تدري ليه انت كريه ؟
مُلهم ناظر لها ببرود : تكلمي معاي باحترام !
كملت كلامها بتجاهل لكلمته : ليه زعلان ؟ هذا الصدق خلني اعلمك السبب ! تعرف ليه ؟ لانك اناني ومريض ومتخلف ومايهمك الا نفسك ! ياااامعتوه استوعب !!! امي وابوي مااااتوا ! وانت تتكلم عن المتخلفه ذي ؟!!!
عمر ناظر له بقهر : الله ياخذ اليوم الي اخوي كرمك ورباك وبالاخير تطلع كذا
تهاني دفت هيام : هيه انتي احترمي نفسك مو على زوجي !
تقدمت هيام وعطت تهاني كف من قوه صوته الكل انصدم
ولفّت نظره لهم
هيام بصراخ : تنكسر اليد الي تنمد علي سوا منك ولا من المريض الي تحت مُسمى " اخوي "
احتضنت تهاني ملهم وتتصنع الدموع : ملهم !!! تكلم؟!!
تقدم ملهم من هيام ورفع يده وعطاها كف : وتنكسر اليد الي تنمد على زوجتي وانا موجود
مسكت هيام خدها وتكلمت بضحك : يالمخفه ؟ لعبت باعداداتك لدرجه انك تبيع اهلك عشان وحده رخيصه زي هاذي ؟
تقدم حاتم ومسك ملهم من ملابسه : انت مريض ؟!!!! كسر هاليد
تضرب اختك عشان وحده غريبه !
تهاني بصراخ : انا مو غريبه ! انا زوجته
حاتم تجاهلها وشاف هيام الواقفه وتناظر لهم بقرف
تقدمت هيام وشالت المغذي ونطقت بحده : لحد يلحقني
تقدموا عمامها بخوف
عبدالمجيد : يابنتي اهدي !!!
اتجهت هيام لسيارتها وركبت وقفلت الباب ومشت بينما البنات والعيال ركبوا مع اهلهم ولحقوا هيام
دقت هيام على جدها وحطته سبيكر ولفت من المرايات وهي تشوف سيارات عمامها وهم يأشرون لها باللمبات بمعنى توقف لكنها تجاهلت
ابتسم الجد من شاف اتصال من حفيدته المفضله وردّ بشوق
: ياااامرحبا بالهيّامه ! ارحبي يابعد جدك انتي
هيام نزلت دموعها وتكلمت : هلا فيك ياجدي
الجد جابر باستغراب : وراه صوتك ؟!
هيام بدموع : جدي وينك فيه؟
الجد جابر بخوف : انا بالديره يابنيتي ليه شفيه!
هيام : كم ساعه وانا جايتك ياجدي انتظرني
الجد جابر ابتسم بعدم فهم : يعني جايين تزوروننا ؟
هيام بحزن : انا جايتك
الجد جابر : لحالك؟!!
هيام خافت بانه يشيل همها ويفصل على عمامها المساكين وفعلاً كذبت : لا مع عمامي ، خلك قاعد ابيك بموضوع
الجد جابر : ابشري يابنيتي
هيام : تبشر بالجنه ياجد
قفلت وسكرت جوالها ورمته على الكرسي الثاني ومسكت الخط للديره
-
عند عبدالمجيد
دق على حاتم : يولد هيام مو كأنها ماسكه خط للديره؟!
حاتم : هالله هالله ، الله يعين بس لازم نمسك خط معاها البنت لوحدها !
عبدالمجيد : الله يعين صدز يلا مع السلامه
قفل وكملوا الطريق خوفاً على هيام
-
بعد خمس ساعات
وصلوا واخيراً
ركنت سيارتها هيام وفكت الباب بسرعه وسكرت السياره وجت بتدخل لكن استوقفتها يد مُلهم الي صرخ بعصبيه
: لاتتكلمين لجدي عن الي صار !!!
ناظرت له وشالت يده : مالك علاقه
تجاهلت صراخه ودخلت البيت وشافت جدها وجدتها قاعدين بالمجلس
انصدم الجد جابر من دخول حفيدته الي مايسمح لأبن امه يزعلها وينزل دموعها داخله خليه تدور احضانه بوسط انهيارها !
الجد جابر بصدمه : هيام !!!! شفيك !!!؟
ركضت هيام وطاحت بحضن الجد جابر
حاولت تتكلم لكن شهقاتها تتعالى اكثر واكثر
الجد جابر بخوف : ياببنتي!!!!!!!! شفيييك؟!
واخيراً هيام استطاعت تتمالك نفسها وجت بتتكلم
على دخول عمامها وعيالهم وبناتهم وملهم وزوجته
ملهم بصوت مرتفع : مابها شيء ياجد ماعليك منها
الجد جابر بصراخ : العن ثاوي من يقول ماعليك منها تفهم ولا لا !!!!!!
وناظر لعياله : منهو ابن سته وستين كلب الي مخلي حالتها كذا لابوكم ياعيال الكلب !!!!!!
هيام بدموع : جدي
وجه نظره للي بحضنه : سمي يابنيتي
هيام بشهاق : يء يبه ابوي وامي ياجدي
الجد جابر : وراهم !
هيام ماقدرت تكمل وبكت اكثر
الجده غزيل بخوف : شفيكم !!!! وين سليمان وساره!
بكوا جميعهم وماقدروا يتمالكون نفسهم
الجد جابر ناظر ليد هيام الي لازالت تنزف : يدك !!!
هيام بدموع : جدي ابوي وامي توفوا ياجدي
الجد جابر شهق بصدمه : تحتسينّ صادزه!!!!
هيام شدت على حضنه وبكت اكثر
تأفف ملهم من هيام الي علمت بالرغم انه هددها ماتعلمه
الجد جابر بصوت عالي : لاحول ولاقوه الا بالله !
الجد غزيل بدموع : انا لله وانا اليه راجعون !!!
هيام مسحت دموعها : جدء جدي شفته قدااام عيوني يقتلهم ياجدي بعيييوني !!!
الجد جابر بحدّه : من هو !
هيام زاد بكائها : ماعرفه ماعرررفه!!
الجد جابر بحنيه : يابنيتي هدي وروحي نامي وبعدين نشوف الوضع
استقامت هيام وفعلت زي ما قالها جدها
التفت على عياله : وانتم بعد
سمعوا كلامه وكل واحد راح لغرفته الي مخصصه ابوهم لهم
الجد جابر : يلا ياغزيل امشي لغرفتنا
الجده غزيل بصوت خافت : ولدي ياجااااااابر !
الجد جابر ابتسم : ياغزيل المفروض نكون عّون لهيام واخوانها مو ننهار معاهم
مسحت دموعها : سم
تسريع احداث -
"رجعوا ودفنوا سليمان وساره وخلصوا العّده ورجعوا اخوان هيام وعرفوا وصار لهم زي ماصار لهيام ورجعوا كلهم للديره مع عمامهم "
-
الساعه 4:21 الظهر
استقامت هيام بصداع براسها بسبب كثرة البكاء من اشتياقها لامها وابوها
استقامت واخذت شور سريع ولبست جنز وبلوفر ونزلت
شافت الكل قاعد وحكّت بصوت مبحوح : السلام عليكم
ردوا الجميع عليها السلام وقعدت جنب جدها
الجد جابر بابتسامه : ياهلا بهالهّيامه !
ابتسمت هيام بقله حيله وهي عارفه ان جدها وده يطلع الي بقلبه لكنه يقوي نفسه لآجلها : هلا فيك ياجدي
الجد جابر ناظر لفيصل : قم صب لبنت عمك قهوه
فيصل فز : سم
صب لها وناظرت له ببرود : تسلم
فيصل رجع لمكانه : الله يسلمك
لفت هيام ببرود على جدها : ياجد
الجد جابر بابتسامه : سمي يابعد حيّ جدك
هيام بابتسامه : جدي انت تدري ان صار عمري 19 صح ؟
الجد جابر : اسلمي ايه؟
هيام بابتسامه : ودي اسافر واكمل دراستي بـ لندن وش شورك ؟
الجد جابر : لحالك ؟
هيام : ياجدي انا مو صغيره وتعديت العمر القانوني
ملّهم بصدمه : وهو على كيفك السالفه ! وش مالك والّي انتي !!! رجلي على رجلك
هيام ناظرت له ببرود : رجلك اكسرها ولاتجي صوب رجلي هذا اولاً
ثانياً شعليك مني خلك مع الجرباء وتأمر عليها
ملهم بصوت مرتفع : جدي !!!!!
الجد جابر بعصبيه : اقصر حسك وقطع ! والبنت صادقه وشدخلك بها انت
ملهم بصراخ : اخوها !!!!!
الجد جابر ضربه بعصاه : يبي لك تربيه انت صاير قليل حياء !
عمر ناظر لملهم بطرف عين : اقضب ارضك لاقوم عليك واحترم ابوي
حاتم : ملهم الزم نفسك لاتشوف شيء مايعجبك
الجد جابر ناظر لهيام : انتي تبين كذا ؟
هيام : ايه
الجد جابر : توعديني انك تكلميني وتطمنيني عليك ؟
هيام بابتسامه : ابشر
الجد جابر بابتسامه : موافق
ملهم بعصبيه : وانا مو موافق وشلون ؟!
تأففت هيام وناظرت له : ومين قايلك اني بهتم انت موافق ولا لا ؟ كافي تفشل نفسك اكثر من كذا خلاص انطم !!!
ملهم : هيام عدلي اسلوبك لاقوم اوكلك تراب..
قاطعه الجد جابر الي ضربه بقوه على ظهره : ماهو انت الي تتكلم على بنتي كذا وقدامي
سكت ملهم وتجاهلهم بينما تهاني كانت تشتعل نار من القهر
حاتم بحيره : يبه مو حلوه البنت تروح لحالها لمدينه غّرب وش بيقولون العرب !
عبدالمجيد : اي والله صادق يشوفوننا متفتحين !
هيام ناظرت لهم بضحكه : وانتو مهتمين لكلام العرب ؟
عبدالمجيد بعصبيه : سمعتنا !!!
هيام باستفزاز : والله عاد ذي سمعتي انا اتحكم فيها مو انت وياه
الجد جابر : وش علي من كلام العرب اهم شيء هيام عندي
ابتسمت هيام : يبه ترا اليوم فتح الحجز احجز؟
الجد جابر : تمشين اليوم يعني ؟
هيام : اذا حجزت الحين ايه
الجد جابر : بكيفك يابنيتي الي تشوفينه سويه
هيام استقامت وباست راسه : الله يخليك لي
الجد جابر ابتسم وحضنها وغطاها بفروته
بينما استقامت هيام : ياجدي بروح اجهز اغراضي
الجد جابر : روحي يابنيتي عسى الله يوفقك
ابتسمت هيام واتجهت لغرفتها وجهزت كل شيء وراحت لجدها : يبه الرحله الصبح
الجد جابر : روحي نامي يابنيتي بس متى بالضبط؟
هيام : الساعه سبعه لازم اكون بالمطار
الجد جابر : خلاص انا بصحى سته وبنقعد كلنا معاك قبل تروحين
ابتسمت هيام : سم ، توصي على شيء ؟
الجد جابر : سلامتك يابنيتي
ابتسمت له وكانت متجهه لغرفتها لكن استوقفها كلام تهاني الي تكلم صحبتها "شوق" بغيره : اقولك ملهم فصل عليها !! وهالشايب رايح ورا المتخلفه الي بتخرب سمعتنا !!!
شوق : ملهم ماقدر عليها يعني ؟
تهاني بنرفزه : ملهم صاير معتوه مو عارف يتحكم بالمعفنه ذي مادام جدها موجود !
دخلت هيام على تهاني : هذا قدرك يالمريضه تنطقين هنا طرق وانا الي اسافر واتونس
تهاني ناظرت لها بصدمه وتكلمت بعصبيه : رايحه للأجانب قدرك عندهم لين مايدعسونك وتعرفين ان الله حق
هيام قربت منها ومسكت شعرها : بعدين مين المعتوه الي قاعده تتكلمين عنه انتي ؟
تهاني بصراخ : فكككي شعري !!!!
هيام ضربتها اقوى : المعتوه ذا تاج راسك يالرخيصه
وفعلاً لعنت خيرها وماحد قدر يفكها من عمام او ملهم الا وتضربه معاها الا لما جا جدها وقفت
الجد جابر : هيام !!!! شصاير
هيام بصراخ لفت على ملهم ودفته من صدره : اذا انت ماتعرف تختار زوجه لاتجيب لنا الرخيصه ذي وتخليه...
قاطع كلامها من ضربها ملهم كف وصرخ : كم مره اقولك لاتلمسين زوجتي ؟!!!
نزلت دموع هيام وناظرت له بصدمه بأنه يضربها لانها ضربت زوجته
"الي تحش به" !
هيام مسحت دموعها بعنف : الغلط مو مني صدقني الغلط من حنيتي الي قاعده اضربها عشانها تسبك عند التبن شوق!!!!
ملهم انصدم وانفجر بوجهها : لا انتي كذابه قاعده تتبلين عليها عشان تطلعين نفسك البريئه
جاء الجد جابر يبي يهاوشه لكن استوقفته هيام : جدي لا خله يتكلم
ملهم بعصبيه : يعني تبيني اتكلم ؟
هيام بابتسامه : تكلم
ملهم صرخ بوجهها : على فكره ادري انك تغارين من زوجتي ومنقهره منها ومن الدلال الي معيشها فيه..
تقدم عمر يبي يضربه لكن أشرت له هيام بالبعد وفعل ماقالت
بينما ملهم كمل كلامه : وادري انك تكذبين وتحاولين تخلينها غلط وانتي البريئه وجدي يدافع عنك من محبته بطلي غيره يامريضه!!!
هيام كانت تنزل دموعها وتكلمت ببرود : خلصت ؟
ملهم : ايه
هيام ببرود : زين
اتجهت لغرفتها ببرود صدم الجميع وقفلت باب الغرفه وحطت منبه ونامت
الجد جابر ناظر لملهم : حسبي الله عليك يابن الكلب ، كيف تخلي اختك تروح كذا تبكي !!!!
ملهم : وش سويت !!!!!
الجد جابر ضربه : تصدق الغريبه على اختك ياملعون الوالدين !
ملهم : والله اختي الي تغار من زوجتي !!!!
مسك اعصابه الجد جابر واتجه لغرفته وفعلاً انتهت السالفه والكل راح ينام على الساعه 12:11
-
الساعه 6:12
لبست عبايتها هيام وماكانت تتحجب او تتنقب لكنها حاطه الطرحه على شعرها
دخلت على اهلها وسلمت عليهم الا تهاني وملهم
ملهم ناظر لها : يعني مانتي مودعتني ؟
تجاهلته هيام وحضنت جدها مره ثانيه : بشتااق لكك يبه
الجد جابر : والله ماودي تروحين عن نظري بس مادامك تبين هالشيء مارفضه لآجلك
ابتسمت هيام وودعت بنات عمانها وكذلك العيال
حضنت الكل وبقاء عز و فيصل
تقدمت وحضنت عز : بشتاق لك يالكلبب ههههههه
ضحك عز : هيمو لاتطوليننن هههههههه
ابتعدت عن حضنه وشافت فيصل وطاح نظرها عليه الي كان واضح انه متكدر خاطره
ابتسمت بقله حيله وحضنته وهمس باذنها : بتوحشيني
ابتسمت هيام بحزن وابتعدت عن حضنه
والتفتت لهم : يلا مع السلامه
جميعهم : درب السلامه
وفعلاً سحبت شنطتها واتجهت للسياره حقتها ودخلت الشنطه وركبت السياره ولبست نظارتها
وفتحت المرايه تشوف شكلها لكن استوقفها صوت الطق من الشباك
لفت باستغراب وطلع فيصل
فتحت الشباك : هلا ؟
فيصل مد يده : خذي
عقدت حواجبها من شافت خاتم : ايش ذا ؟
فيصل : خليه معاك والبسيه واذا كرهتيني شيليه بكذا بعرف مشاعرك تجاهي
استغربت هيام : تمام ، تبي شيء ؟
فيصل ابتعد عن السياره : انتبهي لنفسك
هيام ابتسمت : لاتوصي حريص
مشت بينما فيصل كان يشوف سيارتها وهي كل مالها تبّعد اكثر
-
بالحاضر
بـ امريكا وتحديداً داخل مكتبها
نطقت بابتسامه : خلص التصميم ؟؟
ابتسمت مساعدتها بفرح : يا آنسه هيااام!!!
هيام التفتت عليها : ايش صاير ؟
ابتسمت مساعدتها : الفستان اشتراه احد المشاهير ومليونير
هيام بابتسامه : حلو ، الفستان الثاني خليه ترا انا مصممته لي واحد للشراء والثاني مسويته لي
مساعدتها : بس يا آنسه في وحده مليونيره كمان تبي تشتريه لكن جيت اعطيك خبر ، وش شورك ؟
هيام وهي ترسم تصميم جديد : لا ارفضي
مساعدتها : تمام
طلعت مساعدتها بينما هي كانت تكمل تصميم وتأففت بتعب ورمت الورق على المكتب
دقت على صحبتها "رانيا"
هيام وهي تفر بالكرسي : رانيوشييي!! يكلبه وحشتييني
رانيا بدموع شوقّ : هيمو ياكلب !!!! متى ترجعين وربي اشتتقتت لك
هيام ضحكت : اليوم برجع "مع الأسف" مع ان بس الي واحشني جدي
رانيا : وفيصل؟
هيام ثبتت الجوال وقعدت بانتظام : تصدقين ماحس بمشاعر تجاهه
رانيا : يمكن لانك ابعدتي عنه
هيام : اساساً جاني خبر انه خطب
رانيا بصدمه : احححلفي !!!!
هيام بضحكه : والله
رانيا : والخاتم ؟
هيام ناظرت للخاتم بتردد ومسكته : شكل كان حُب طفوله بالنسبه له
رانيا : معليك منه المهم متى ترجعين ؟
هيام : اليوم برجع
رانيا : من توصلين كلميني بجي المطار
هيام بابتسامه : هههههههه تمام
قاطع احاديثهم طق الباب
تكلمت هيام : ادخل
دخلت مساعدتها : آنسه هيام ، المليونيره صامله وقالت بزودها دبل السعر لو باعته لي وبالسعر الي تبيه
تأففت هيام : ماقلت لك ارفضي ؟
مساعدتها : والله رفضت بس هي مره صامله ، وقالت دخليني عليها
هيام : رانيوشي بقفل واذا جيت امشي بعطيك خبر
رانيا : تم
ابتسمت هيام وقفلت الجوال ورمته على الطاوله
بينما راحت مساعدتها تنادي احد الي يبون يشترون من "المُصممه هّيام"
الي باربع سنين بس قدرت تفتح شركه وتوظف فيها ناس كثير وتصمم ازياء
دخلت المليونيره : اهلاً
انصدمت هيام : عربيه ؟
الريم : ايوا
هيام : تفضلي
قعدت بالكرسي الي مُقابل هيام : وش حابه تشربين ؟
الريم : ماودي اشرب شيء ، جايه خصيصاً عشان الفستان الي عرضتيه
هيام : ياحلوه والله ماقدر الفستان في منه اثنين بالعالم فقط واحد انباع والثاني مصممته لي
الريم : كم تبين ؟
هيام : يامامي اقولك مابيعه
الريم : طيب ازيدك دبل الي تبينه
هيام : شوفي لو تبين اصمم لك فستان اجمل ماعندي مشكله لكن اعطيك ذا والله صعبه
الريم : توعديني بتصممين شيء حلو ؟
هيام : قاعده اصمم تصميمين الان حديثياً تبين تشوفينهم ؟ او تبين تشوفين الي للحين مانشرتهم ؟
الريم : وريني الي صممتيهم تو
اخذت الاوراق الكبيره الي على مكتبها موجوده بفوضويه
هيام : شوفي في هذا
الريم : هذا هذا ابيه !!
هيام بابتسامه : برجع لدولتي اليوم لكن اوعدك راح اخلصه لك واوصله لك
الريم : تمام مافي مشكله ، بعرض عليك عرض
هيام : هلا ؟
الريم : انا عندي بنيويورك بعد كم يوم عرض ازياء وابي اعرض تصاميمك على المودل الي عندي موظفتهم ولازم تحضرين
هيام : والله زي ماقلت لك برجع لدولتي وماتوقع بقدر احضره واعطيك التصاميم
الريم : متى بتجين ؟
هيام : ماخذه اجازه مايُقارب الشهرين كذا وارجع هنا اتطمن على الشركه واسبوعين ثلاث اسابيع وارجع لدولتي وهكذا
الريم : موافقه ! بأجل العرض ازياء الين ماتجين !!
هيام : عادي تنتظريني يعني ؟
الريم : اكيد !!! بس عطيني رقمك
هيام : تمام
اخذت رقمها واستقامت الريم : يعطيك العافيه
هيام بابتسامه : الله يعافيك
طلعت الريم بينما هيام استقامت وبدت تضبط على رسمه تصميم الريم
بينما دق جوالها وكانت تدوره من بين الفوضى ولقت الي داق جدها
ردت بشوقّ : ييامرحبا بجججدي!!
الجد جابر بابتسامه : هلا ومرحباً بالهيااامهّ!!!
ابتسمت هيام : شخبارك ياجدي
ابتسم الجد جابر : يابنيتي اشتقت لك واجد متى ترجعين!
هيام بكذب : بعد سنتين وخمس شهور
الجد جابر بحزن : مطوله!
هيام : شسوي ياجدي مجبوره والله
الجد جابر بحزن: والله اشتقت لك واجد يابنيتي
هيام : ماعليك ياجدي الايام تمشي بسرعه
الجد جابر : يلا يابنيتي مابي اشغلك مع السلامه
هيام بابتسامه : مع السلامه
قفلت وضحكت لان نجحت خطتها بانها تسوي لجدها مفاجأه
حركت شعرها بفوضويه : اف ياربي حوسه
طلعت من مكتبها واتجهت للموظفين ووقفوا كلهم من شافوها
جت مساعدتها مُسرعه : هلا يا آنسه هيام ايش بغيتي
هيام : مستعجله ماقدر اترجم ترجمي لهم ، اتفقت مع الريم بسوي لها احد تصاميمي الي توني قاعده اشتغل عليها وانتوا عارفين برجع لدولتي اليوم واليوم ابي العمل يكون مُستمر ! وانا باخذ اغراضي بالطياره الخاصه وبشتغل عليها بدولتي وراح اخلصه وارسله لكم تشحنونه لها
مساعدتها : تمام
وفعلاً شرحت لهم وفهموا وصعدت هيام تاخذ تصاميمها واغراضها ونزلت لسيارتها ولبست نظاراتها الشمسيه
وحكت : اليوم يوم اللقاء ! الله يعين
اتجهت للفله حقتها وفعلاً جهزت اغراضها وطيارتها على الساعه 12:32 الظهر
والطياره تُقلع 2:11
جهزت اغراضها واتجهت للمطار وخلصت امورها وركبت بطيارتها الخاصه وفعلاً راحت بأمان الله
وصلت بعد 14 ساعه وعشر دقايق ودقت على دانا
هيام : دانووو
دانا بضحك : ههيمموو وحشتيني !!!
هيام بثقه : تعرفين اشغال الشركه وكذا ههههههه ، شخباركم ؟
دانا تأففت : متى تجين ياهيمو بس
هيام باستغراب : وراه ؟ شفيكم
دانا بنرفزه : مُلهم ناشب لنا بشكل !! تخيلي مو اليوم الوطني قرب ؟
هيام : حلو ؟
دانا : تخيلي كنا طالعين نبي نشتري اغراض واعلام ووناسه بس الزفت ذا عيا مسوي يعنني يفرض رايه علينا !
هيام ضحكت وحكت بكذب : لو انا عندكم والله لاطلعكم من ورا خشمه
دانا بقهر : اف ييع!!! هيمو متى تجين وتفكينا من السجن الي عايشين فيه
هيام بضحكه ثقه : ان ماعيشتكم العيشه الي تبونها مايكون اسمي هيام بنت سليمان يادانو
دانا ضحكت بضيق : الله يعين ، يلا ياورع جدي يناديني
هيام : يلا درب السلامه
قفلت وضحكت هيام من دانا الي تشكي لها من مُلهم وهي مّجزمه من تجي لديارها بتعيش اخوانها احلى عيشه
دخلت جوالها بجيبها واتجهت لمركز السيارات
هيام : في سياره للشراء ؟
الموظف : في تستأجري..
استوعب كلامها : هاه ؟ شراء ؟؟
هيام : شراء مو استأجر
الموظف : ايه في حابه تشوفينهم ؟
هيام : في مرسيدس او جي كلاس ؟
الموظف : اي في
هيام : ابي جي كلاس
الموظف : تمام
وفعلاً وراها السياره ووافقت واشترتها وركبت ومشت لبيت جدها
وصلت وركنت السياره عند الباب ونزلت وطقت الجرس
فتح لها رجال : مين انتي ؟
هيام رجعت ورا تتأكد من البيت من شافت الرجال الي ماعرفته : مستحيل غلطانه ! ذا بيت جدي
فيصل : مين انتي ، مضيعه ؟
هيام ببرود : هذا بيت جابر ؟
فيصل : هالله هالله
هيام : مين انت ؟
فيصل : انا ولد حاتم
هيام بضحكه : دقيقه !!! رعد ؟؟
فيصل باستغراب : لا
هيام : اجل صلوح
فيصل باستغراب : برضوا لا ! انا فيصل ، مين ان...
سكت من طاحت عينه بالخاتم الي كان بين اصابعها وكان مو غريب عليه
حاول يسترجع الذكريات توسعت عيونه وشهق بصدمه : انتي هيام !!!!!؟؟
هيام بذهول من تغيره: ايوا
بينما فيصل كان منصدم وكان خاتمه لازال معاها ولابسته !  تجاهلته هيام من تذكرت انه خاطب
قاطعته بمحاوله تجاهل : مبروك الخطبه ، وين جدي ؟
فيصل بصدمه : اء الله يبارك فيك ، داخل تبين اناديه ؟
هيام : لا انا مسويه له مفاجأه
دخلت متجاهله الي واقف وهو ماتوقع بانها بترجع وكان خاطب اصرار من امه ولا هو لازال ودّه بهيام
دخلت هيام بشويش ولحقها فيصل وكان يشوف تحركاتها
دخلت : السلام عليكم
فز قلب الجد جابر : هء هيييام!!!!!!!!!
ابتسمت هيام بدموع وركضت وحضنت جدها : ججججدي اااخ ياممككبر الشوووق!!!
نزلت دموع الجد جابر : الهيّااااااامه!!!!!! الهّياااامه هنننيييا وبحضننني يااعييااال!!!
بينما عمامها كلهم يناظرون مصدومين من البنت الكبيره الي ماعرفوا من هي من كثره الغيبه
عمر بصدمه : هيام؟
هيام لفت عليه بدموع : عمي عمر وحشتوننني!!!
واتجهت لعمامها وحضنتهم
عبدالمجيد بعدم تصديق : يابنتي !!! متغيره ماعرفتك
حاتم نزلت دموعه : هيام ياكلبه !!!!! وش هالمفأجاااه الي ترد الروووح!!!
ولفت على محمد الي كان مركب السماعات مو يمهم
ضربه الجد جابر بعصاه : وش مهبلك انت شل هالبّليه !
شالها محمد بألم : وووشش ذاا ججدي يعورر!!
ولف على البنت الي بوسط حضن عمه حاتم
محمد : جدي من ذي
هيام بضحك : حمود ياغبي هذا انا !!!!
محمد فزّ قلبه من دخل تحت مسامعه صوت مو غريب عليه
لف بشويش وهمس بصدمه : هيء هيام ؟؟
ابتسمت هيام : ماعرفتني بعععد!!!!!
محمد بصراخ : هههيييووم!!!!!
ارتمى وحضنها ونزلت دموعه : وححححشتيني!
ابتسمت هيام : والله مو كثري ياحيوان اشتقت احارشك ههههههههه
محمد بحزن : ماش خواتي نفسيات كلهم دلوعات ماينمزح معاهم
على دخله دانا ولولو ويارا
دانا لفت على جدها : جدي جبت الشاهي حقك سم...
بينما لولو ويارا كانوا يسولفون مو منتبهين
طاح الكاس من يد دانا من شافت هيام قدامها وانكب على رجلها : اااحححح رجججلييي!!!!
الجد جابر : انتي وش مقوم شاطينك
دانا بصدمه : هييييييمو!!!!!
فزوا لولو ويارا من سمعوا كلمه دانا ولفوا وفعلاً كانت هيام !!!
ركضوا جميعهم وحضنوها وبكوا
هيام نزلت دموعها : لاتبكووون لا ابكييي!!
محمد بضحك : انتي بديتي تبكين اصلاً ههههههههه
ضحكوا كلهم بينما دانا سحبت هيام : امشييي سلمي على البناتتت وعيال عماني هناك
ابتسمت هيام وشالت عبايتها : يلا دقايق بضبط شكلي
اتجهت للمرايه الي كان فيصل متكي عندها ويفكر برجعه هيام
قربت من المرايه وشافته من الانعكاس وكان يناظر لها وعيونه تحّكي اشيياااااء !
حاولت ماتناظر له بينما قاطع نظراتهم لبعض مكالمه من جوال هيام
فتحت السبيكر وهي تحط روج : هلا مين معاي ؟
فراس : آنسه هيام اكلمك تحديداً من العرض الي وجهته لك الريم
هيام : حلو ؟ ايش صاير
فراس : آنسه هيام الريم تقول تواصلي معاي انا لآجل تسليم التصميم
فزت هيام باهتمام وسكرت السبيكر : تمام ياروحي شكراً ، تواصل معاي واذا خلصت بطلب الموقع وبشحنه لكم
فراس : تمام آنسه هيام ، سفره ممُتعه
هيام ابتسمت : شكررراً
فراس ضحك : العفو
قفلوا وحفظت رقمه وسجلته باسمه وارسل لها وضحكت وكانت شخصيه فراس فرفوشه وتضحك
وتحت انظار الي محترق من الغيره ومن القهر على حُب طفولته الي يشوفها تتواصل مع رجال قدامه ولاقادر يمنعها لانه ببساطه "مايحق له"
طفت جوالها وتغيرت نفسيتها وكانت مبسوطه والابتسامه شاقتها وعدلت شعرها وجت بتمشي لكن استوقفها حديث فيصل : هيام
لفت هيام ببرود : ايش
فيصل : ليه تسولفين معاي ببرود ومع الباقيه عادي ؟
هيام ناظرت له باستغراب : ببساطه انت "خاطب" وماتوقع المفروض اضحك واطقطق معاك ؟!

 
                                         انتهى