" لو طال البعد عمر الحُب مايذبل "

بارت ( 2 )

                               بسم الله الرحمن الرحيم
فيصل : بس الخاتم؟؟
هيام باستغراب : اي خاتم ؟
فيصل ناظر ليدها
هيام وجهت نظرها للي يناظر له فيصل وشافت الخاتم الي عطاها اياه قبل اربع سنوات وكلامه
هيام حست باحراج : نسيته بيدي فقط لا غير
فيصل بتردد : مين فراس ذا ؟؟
هيام ناظرت له : ماتوقع المفروض اقولك مين ولا ؟ هههههههههههههه
تركته حاّير بين افكاره واتجهت سلمت على العيال والبنات
دانا بفرحه : يعني نقدر نطلع باليوم الوطني !!! اف فرحه هيمو احبككك هههههههههه
ضحكت هيام : اليوم الوطني تبشرون باللي تبونه ولا بعد سيارتي جي كلاس تقشنا كلنا
لولو : بنات امشوا نطلع لعيون هيمو
دانا بوهقه : جدي بيعيي
ضحكت نجد : ماعاد في احد بيعيي علينا مادام هيوم هننااا
دانا ضحكت : اوه صح نسيت هههههههه
ضحكت هيام : امشوا يلا بقولهم
اتجهوا البنات للجد جابر
هيام : جدي
الجد جابر : سمي يابنتي
هيام : جدي بطلع مع البنات للكوفي 🥺
الجد جابر : هو انا اقدر ارفض للهيّامه طلب !!
ضحكت هيام وباست راسه : يوه يلومووني!! ههههههههه
عز : خير وحنا
ضحكت هيام : لا مانبي مراهقين
نادر : عساس رهف ونوره ويارا وراما مو مراهقات !
هيام ناظرت له : على الاقل بنات مو عيال
ضحكوا وسحبوا عليهم
هيام : بنات انتظركم بالسياره ، وين العيال الباقيه ؟
نوره : طلعوا يتمشون اتوقع وقالوا بيمرون نادر وعز والليث وامجد
هيام : الوكاد انتظركم بالسياره بسرعه الي تتأخر اتركها بالبيت هههههههههه
وفعلاً خلصوا البنات بسرعه وطلعوا وركبوا للسياره
دانا : احححلى!!! وش هالسياره هالحلوه هذي ! اختي غنيييه
ضحكت هيام : فلوسي فلوس اخواني
نجد بطقطقه : الواحد يتمنى يكون اخو هيام
ضحكت هيام : كلكم خواتي يلا اغراضكم والكوفي على حسابي وش تبون بعد ! ههههههههه
قاموا يعززون لها البنات
لفت على نجد الي جنبها : نوني شغلي اغاني
نجد ضحكت : اوف جوي ! ههههههههه
حطوا اغنيه وكانوا يرقصون ومعلين الصوت لاخر شيء ومروقين على الاااااخر
راحوا واشتروا بخاخات ثلج واجد واعلام كبيره وكراتين حلاو
يارا : هيمو نبي نروح لكوفي
هيام : عطوني كوفيهات تراني توني راجعه ناسيه ابو الرياض ههههههههه
لولو : الكوفي **** حلوو!!
دانا : ايي صحح يجنن ترا
هيام : قدااام
وفعلاً ركبوا وشغلوا اغاني وراحوا له
نزلوا وكانت الانظار على هيام المُلفته
دخلوا والانظار لازالت على هيام من بنات ومن عيال من جمالها وثقتها
اخذت طلباتهم وطلبت واتجهوا قعدوا بطاوله
وكانوا البنات يصورون ومبسوطين لكن الي مايعرفونه ان عيال عمانهم بنفس الكوفي
وكانت هيام تناظر للخاتم وتلعب به وتفكر بفيصل بس قاطع شرودها
يارا : دقيقه ! هذاك مو كأنه فيصل ورعد وصالح وهذول ؟
لفت هيام وطاحت عينها بعين فيصل الي كان يناظر لها بشرود وهو عرفهم اساساً
شالت عيونها وشالت الخاتم الي بيدها وحطته على الطاوله بعدم اهتمام
دق رعد على هيام : هيوم وينكم
ضحكت هيام : لف ورا
لف وفعلاً شافهم وضحك : احه شجابكم
هيام : ابد بس اشوفك تدور من بين البنات يالفاصخ
رعد : انا!!!!
هيام ضحكت : لاتبكي امزح ، الوكاد لاتجون دزوا ولا بنهرب لكوفي ثاني مانبيكم ياخي
سحب الجواب فيصل من رعد وهو لازال يناظر فيها : شجايبكم
تغيرت ملامح هيام من سمعت صوت فيصل : شعليك
قفلت بوجهه وناظرت للبنات : امشوا بلغي الطلب ونروح لكوفي ثاني ابرك
استقاموا البنات لكن رعد وقفهم : رهف ونوره وانتو ليه مو متغطيات ؟
نوره : كيفنا !
رهف : شعليك انت
ضحك رعد : يعني هيام جت تقدرون تتكلمون
ضحكت هيام : وهم صادقين شدخلك فيهم يالقرد
رعد : ابك بناتنا متغطين وانتي رايحه للأجانب وجيتي وجبتي لنا اطباعهم والتفصخ حقهم
هيام ناظرت له من تفكيره الغريب : وشدخل الي وصلت له اتحدى ابن امه من بينكم يوصله انا سويت الي مايسويه رجال هذا اولاً ثانياً وهم كيفهم ترا صغار وانت اخوها مو ولي امرها
رعد : وانتي يالكبيره ومع البنات وراكم ماتغطيتوا ؟
هيام : كم مره بقول شعليك ؟ هههههههههههههه
محمد : يبوي انت وش ملقفك المفروض انا اهاوشها
هيام : مانخلقت عشان تأمروني وانا زي الغبيه اتبع أمركم يلا مناك بس
تجاهلتهم وراحت ولحقوها البنات وفعلاً اتجهوا لكوفي ثاني وتمشوا وانبسطوا ورجعوا
دخلوا بينما نجد حكت : بنات انتبهوا لايشوف جدي الاغراض وربي يشقنا ترا
ضحكت هيام : انا بروح احجز شقه باخذهم معاي خليهم بالسياره
نجد : وش شقته وانتي هنيا !
الجد جابر : اسمع طاري شقه ؟ منهي الي تبي تروح لشقه
هيام بابتسامه : انا ياجدي
الجد جابر : عوذا ! ما اكبر البيت واوسعه وراك يابنيتي !!
هيام بقله حيله : ياجدي مابي ادخل غرفتي القديمه تذكرني بماما وبابا
الجد جابر بقله حيله : خلاص براحتك يابنيتي
وفعلاً طلعت وركبت سيارتها وفتحت الشباك على جيه العيال
درعم عليها عز وامجد ووراهم العيال : بووو
فزت هيام وضربت عز كف بعدم استيعاب
امجد : اح ! ههههههههههه
عز بألم: الله ياخذ عدوك عورتيني شهاليد متأكده انتي بنت ؟ هههههههههههههه
ضحكت هيام : انا اسفففه عززوزز!!! ههههههههههه
عز مسك خده بألم : اصلاً مايعور
مسكت ضحكتها هيام وشافت يدها : متأكد ؟ ههههههههه
عز ضحك : ياليل حركات الوغدنه يااااليل انقلعي هههههههههه!!
تقدمت هيام وباست الخد الي ضربته منه وتكلمت بضحك : خلاص انا اسفه
عز برضى : ابك لابو الي يزعل عليش ياهيمو
ماتت ضحك هيام : يناس عشقي هههههههه ، يلا توصي على شيء ؟
عز : سلامتك بس وين رايحه
هيام : بروح انام بشقه
عز : الخلا ! والبيت شكبره ورا ماتقعدين هنيا
هيام : بحجز الشقه ثم ارجع نسهر وارجع انام هناك
والتفتت على محمد : تخاووني ؟
محمد نط من الشباك الثاني : ابك ماقول لا
ضحكت هيام : مطفوووق !! هههههههههههههه
ولفت على الباقيه : اركبوا كلكم يلا
فيصل : انا برجع البيت
امجد ناظر له : والله ماتروح يا كلنا نروح يا كلنا نقعد
بينما فيصل ناظر لهيام وكان يفكر يروح عشان العيال ولا يقعد
هيام : فيصل
فيصل : هلا
هيام فتحت الشباك الي ورا بصمت
بينما هو ضحك وظهرت غمازاته الي كانت مّعذبه قلب هيّام اربع سنين ! نط من الشباك وركبوا كلهم
لفت عليهم : ياويلكم تقولون للبنات ترا يزعلون علي
امجد : ناديهم يجون معانا
لفت هيام : ترا احجزها واشوفها ثم ارجعكم وارجع للشقه وانام تعبانه
عز : انفدى هالوجه صدز ! يخوان هيام الافضل ههههههههه
هيام ضحكت : يلا خلصوا واحد يشبك
غسان : فيصل اغانيه اسطورييه
محمد وهو يطقطق : ايه فصوليا اشبك هههههههه
تنهد فيصل من تذكر بان هيام كانت تطقطق عليه وتستفزه بهالدلع : لاتناديني كذا
محمد : وليه
تنهد فيصل وناظر لهيام : ما احبه
لفت هيام بعدم اهتمام لانها عارفه انه خاطب والي يسوونه غلط
: اشبكوا خلصوني
شبك فيصل وفعلاً حط اغنيه "على كثر السنين"
على كثر السنين اللي عرفتك ما عرفتك زين
تمنيت إني ما شفتك ولا لحظة ولا شوية
حسبت إنت وأنا نبقى حبايب نبقى أحلى إثنين
حسبتك تبقى لي طول العمر مخلص وفي ليا
على كثر السنين اللي عرفتك ما عرفتك زين
تمنيت إني ما شفتك ولا لحظة ولا شوية
حسبت إنت وأنا نبقى حبايب نبقى أحلى إثنين
حسبتك تبقى لي طول العمر مخلص وفي ليا
وأتاري حبنا كذبة نسيت العشرة في يومين
زرعت الشوك أنا بنفسي غرست الهم بإيديا
(وأتاري حبنا كذبة نسيت العشرة في يومين)
زرعت الشوك أنا بنفسي غرست الهم بإيديا
أنا ما كنت أظن اللي يحب، يحب له شخصين
على بالي أنا لحالي حبيبي يموت بس فيا
على النية مشيت وما عرفت أمشي معاه لوين
إلين الوقت يبين لي نوايا غدر مخفية
تعال وشوف وش كثر الدموع اللي تخون العين
كثر ما خانني حظي وعرفتك وإنت مو ليا
(تعال وشوف وش كثر الدموع اللي تخون العين)
كثر ما خانني حظي وعرفتك وإنت مو ليا
أنا إيش اللي يصبرني على همي معاك للحين؟
خلاص إبعد وأنا ببعد ولا تسأل أبد فيا
وإذا قصدك تبيع وتشتري قلبي أنا بحرفين
أبي أمحي الحب من قلبي وأعيشك ذكرى منسية
أناني مثل ما أنت ولا يفرق معاك البين
وأنا ما عاد تعني لي وخسارة فيك ماضيا
(أناني مثل ما إنت ولا يفرق معاك البين)
وأنا ما عاد تعني لي خسارة فيك ماضيا