" لو طال البعد عمر الحُب مايذبل "

بارت (9)

بسم الله الرحمن الرحيم
يوم جديد
قامت هيام وهي تهمس لمحمد : ميمي صاحي
فز محمد لها وهمس : سمي
ناظرت له وابتسمت : عادي تطلعني نتمشى؟
محمد ابتسم : يلا البسي عبايتك وامشي
ابتسمت هيام ولبست عبايتها وحطت الطرحه على راسها
ناظرت لعبدالعزيز النايم وابتسمت بخفه وناظرت لمحمد : روح انا الحين اجيك
ناظر لها محمد بـ استغراب : ليه ماتجين معي؟
همست هيام : جايه اسبقني
محمد ناظر لها وابتسم : تمام
راح محمد وناظرت هيام لعبدالعزيز وهمست : عزوز
همس عبدالعزيز بنعاس : همم
ابتسمت هيام وهمست : قوم نام بالسرير
قام عبدالعزيز وهو نعسان ومو مدرك ولاحاس باللي حوله
ساعدته هيام وغطته بالبطانيه : تمسى على خير
ابتسمت بخفه تناظر له تتامل بهدوء
مدت يدها تبي تلعب بشعره ترددت وبعدت يدها بهدوء
واستقامت للسياره
الساعه 5:21 المغرب
~ عند عبدالعزيز ~
فتح عيونه بنعاس وفز من شاف نفسه بالسرير
بدا يدور هيام بعيونه بـ خوف عليها
مسك راسه بـ صداع من بدت تجي افكار براسه سيئه
لف راسه من دخلت هيام لوحدها ومعها كوب القهوه
ناظر لها وقلبه ينبض بقوه
بدون شعور ركض يحضنها
اتسعت عيون هيام من شافت عبدالعزيز يحضنها
همست بـ خوف : وش بك؟
دمعت عيون عبدالعزيز وهو لازال حاضنها : وين كنتي !!!
هيام بتوتر : عبدالعزيز مايصير تقرب مني كذا
بعد عبدالعزيز من استوعب : انا اسف انا اسف بالغلط وربي
هيام ناظرت له : طيب ايش فيك وش حالتك هاذي ؟
مسح على راسه يهدي من نفسه وتنهد : كنت احسب ان في احد اخذك مدري
غمض عيونه من حسّ بـ احراج الموقف قدامها ونطق بهدوء:
انا اسف محد كان عندي وانتي مو موجوده وراح بالي بعيد
نظرت له هيام وابتسمت : محمد جاء على الساعه ثمانيه الصباح وقلت له يطلعني اشوي
مد عبدالعزيز يده لشعره وحكه بـ احراج : ماتوقعت
هيام ناظرت وهي متوتره وماتدري شتقول
قاطع جوهم المتوتر دخول دانا وصالح ولولو ورعد ومحمد وساره
اتجهت هيام للسرير وانسدحت بتعب
دخلت لولو تركض : هيمووو
ضحكت هيام : عيون هيمو
ناظرت دانا لـ هيام : هيمو تدرين انو بعض الناس
ووجهت نظرها لـ محمد : قبل اشوي طاح من الدرج وفشلنا هههههههههههههه
بدت تضحك هيام بقوه : اخخخ محمد هههههههههههههه
محمد بـ الم : والله توجع هههههههههه
رعد : خلك رجال وش الي توجع
نزل محمد ياخذ شوزه رفعها موجهها لـ رعد : تبي اوريك الرجوله كيف تجي ؟
ضحك رعد بقوه : امزح يانفسيه هههههههههههههه
هيام : الا اقول ترا بنسافر
لف صالح : مين
هيام : احنا كلنا
لفت دانا بحماس : كذابه! كيف
هيام ضحكت : بروح لشركتي بعد ثلاث ايام وحسيت انو ليش ماتصير سفره جماعيه؟ وحجزت لكم كلكم معي
بدت تصفق لولو بـ حماس : ويلوموني لاحبيت اختييي
ضحكت هيام بـ مزح : يعني كنتي تحبيني مصلحه!
لولو ناظرت بضحك : لا ياحيوانه فهمتيني غلط هههههههههههههه
ابتسمت دانا : ومتى نروح؟
هيام ناظرت لـ دانا : الحين حتى انا بكتب خروج وبطلع اجهز شنطتي لان مالي خلق اجهزها بيوم السفره
ساره بحماس : احببكك هيمووو
ضحكت هيام : وانا بعد يلا روحوا وانا بلحقكم
دانا ناظرت لـ هيام : هيمو
هيام ناظرت لها : ايوا بدينا وش تبين ههههههههههه
دانا ضحكت : فاهمتني يعني
هيام ابتسمت : كيف ما افهم اختي يلا وش بغيتي
دانا : تكفين احنا الثلاثه بنروح معك صالح كسر ظهري من سواقته تكفييين
ساره : اي هيام تكفين والله اغانيه كلها شيلات!
لولو ضحكت : واقوله حط هيفاء وهبي ويقول انا رجال ومدري وش يهبد!
صالح ناظر لهم بصدمه : شف الجحده شف
ضحكوا البنات على منظر صالح المنصدم
نطق صالح : دامها كذا السالفه حتى العيال مالي دخل فيكم برجع لحالي هيام رجعيهم كلهم
طلع وتركهم يضحكون عليه
وقف رعد ومحمد من الضحك واستوعبوا : الحين اصبروا مين يودينا منجد هههههههههههههه !
لف رعد على عبدالعزيز : شرايك
عبدالعزيز قام وهو يضحك : انسى انت وياه بروح اسوي شغله ماني فاضي لكم
توجه عبدالعزيز برا الغرفه وراح هو كذلك
ناظر رعد ومحمد لـ هيام : هيام تكفين
هيام : انسى مستحيل
محمد : هيمو تكفين انا اخوك
رعد ضحك : وانا ولد عمك تكفين مافي غيرك
تنهدت هيام : الشكوى لله امشوا قدامي
طلعوا وكتبت هيام خروج على مسؤوليتها وركبوا السياره
فتح الباب الاول محمد وناظر لـ ساره الي جالسه : قومي قومي بسرعه
ساره ناظرت له : تعقب وتبطي والله ماتحرك
محمد : يليل البزر ذي خلصيني قومي
ساره : والله ما اقوم لو تموت قدامي فارق بس
لفت ساره على هيام : هيمو شوفي اخوك الغثيث!
هيام ناظرت لهم وتأففت : بزارين انتو بزارين ! محمد ارجع ورا لافصل عليك وانتي سكري الباب اشوف
رجع محمد ورا وهو معصب وسكرت ساره الباب
لفت توجه نظرها لـ لولو ودانا الي جالسين جنب بعض ومحمد بالنص وجنبه رعد من جهه الباب : اول شيء ، الاغاني على كيفنا وكل شيء بكيفنا وبمر اخذ قهوه لنا
رعد : تكفين لاتخلين لولو تحط اغاني كلها حقت دلع وبنات ومدري وش
لولو لفت على رعد : رعد خييير! شقصدك
ضحك رعد واستغل فرصه ان محد حولّهم ويناظر لهم وعطاها بوسه بالهواء 
توسعت عيون لولو بصدمه وهمست : ياكلب !
صدت للشباك متجاهلته وهي منحرجه ومستحيه
نطقت هيام كاسره صمتهم المفاجئ : اول الشروط يا السلق الي ورا
محمد ضحك : عشانك بتودينا صرنا سلق يا اختي الحلوه
ضحكت هيام : امزح والله بس باخذ قهوه الحين عادي ولا تتاخروا ؟
رعد : لا عادي مرّي مابنتاخر
محمد : ايه عادي
ابتسمت هيام بخفه : تمام
اتجهوا للكوفي ولفت عليهم : وش تبون مشروبات
الجميع قال طلباتهم وطلبتهم ودفعت ومدت الاكواب ورا : امسكوا يدي عورتني من ثقل الاغراض!
الكل اخذ قهوته وشغلت هيام اغاني
~ تسريع احداث ~
نزلت رعد ومحمد وكمّلوا فرفرتهم
دانا : الا بنات ماتدرون عرس رانيا صحبتنا بكرا؟
ضربت راسها هيام : يااربيي نسييت!
ساره شهقت : ياويلي حتى انا!
لولو ناظرت : هيام مو انتي مصممه ازياء؟ دبري لنا
ناظرت هيام بلهفه : صح!! في مجموعه جديده يبنات حلووه حلوه ما ارسلتها للشركه بزرف لنا منها شرايكم ؟
ضحكت دانا : لبى الاخت بس مابيقولوا شيء ؟
هيام : لا حبيبي بسوي جديد بيومين كذا يكفيني القى تصاميم جديده
دانا : امشي لشقتك اجل نجهز ونشوف فساتيننا
ابتسمت هيام : تم ، تبون شيء قبل اروح؟
لولو : هيام تكفين جوعانه
هيام : اصبري بس نجهز فساتيننا راح نروح مطعم ماعندنا شيء ولا جدول
ساره : تتتم
اتجهوا للشقه ودخلوا الشقه
تأففت هيام من كثر الاغراض والحوسه : يالله ذا كله سويته بيوم ههههههههه
ضحكت دانا : يخربيتك ياحوسه كيف كذا!
هيام بتعب : والله انهلكت ههههههههه
ساره : بنات خلونا نقسم التنظيف اول
هيام : ما احب نروق والبيت حوسه ننظف اول
انا المجلس دانا الصاله لولو غرفه النوم اما ساره المطبخ مافي شيء به حوسه كثير
البنات : تم
اتجهوا كل وحده لشغلها وحطت هيام اغاني وكملوا شغلهم
طاحت هيام على السرير : افف اخيرااً
ضحكوا البنات
لولو : هيمو كنك نسيتي شيء ؟
ناظرت هيام وضحكت : البسوا عباياتكم حتى انا جوعانه
ضحكت لولو : أعشقك لما تفهميني هههههههههه
اتجهوا برا وقفلت باب الشقه
اتجهوا للسياره والتفتت على ساره : دقي على همس ونجد ونورا وراما ورهف خليهم يجون للمطعم
ابتسمت ساره : يلا
دق جوال هيام وردت : هلا عساف
عساف : هيام تكفين سمعت ان نورا ورهف بيروحوا معكم مريهم مالي خلق اقوم تعبان
ضحكت هيام : وليش ماتقوم يالكسول
عساف : ما اضمنهم مع غسان الخبل اثق فيك ولا اثق فيه
هيام : يابابا تراهم بنات عماني شقصدك ههههههههه
عساف : يلا يالهياامه تكفين
هيام : طيب طيب لاتبكي
عساف : عششتي
هيام : تعيش
اتجهت هيام لبيت نوره ورهف
دقت على نورا : نونيي وينك انا برا
نورا : يلا جايات
~انتظروهم بينما عند نوره ورهف ~
نوره : رهففف هيام برااا البسي عبايتتتك
ركضت رهف تلبس عبايتها وتاخذ احد شناطها اليوميه
اتجهوا لحاتم ونهى
رهف : بابا بنطلع
نوره : هيام براا
حاتم : وين رايحين
رهف : مطعم بابا ونتمشى شوي ونرجع
نهى : مين معاكم ؟
نوره : تكفون مو وقت تحقيق ههههههه كل بنات عماني
نهى : روحي بحفظ الرحمن
رهف : امواح بابا ومامااا
اتجهوا برا ولبسوا شوزاتهم ~ يُكرم القارئ ~
وركبوا السياره
لفت هيام بهدوء : وجع !
نوره : اح
هيام : لاطعيني برا نص ساعه!!!
رهف ضحكت : اسفين
نوره : طيب هيمو حطي اغنيه ماجد انا اسف
هيام : احط لك تراب شين وقوي عين بعد
ضحكت دانا : عصبت وخروا عنها ههههههههه
اتجهت هيام للمطعم وهي معصبه
هدت اعصابها شوي ونطقت نوره : هيمو سوري ياعصبيه انتي
رهف ضحكت : اويلي ابوس المعثب انا ابوووسه ههههههههه
ماقدرت هيام تمسك ضحكتها وضحكت : مايضحك! ههههههههههه
نزلوا المطعم وطلبوا
نجد : يبنات بموت جوع
راما : يالمشفوحه اصبري
نجد : شف البزر عيب انا اكبر منك لاجيك
لولو : انطموا لا ابكي جوعانه!
دانا : يبنات الحين متى العرس
هيام ناظرت لهم وضحكت : والله كلٍ على همه سرى وانا على همي سريتّ هههههههههه
همس ضحكت بقوه : تكفين مشاكلهم تضحك هههههههههه
راما : يابنت ذي مدري شفيها من اليوم جوعانه جوعانه وش نسوي اصبري
نجد : راما لو ماسكتي قمت عليك الحين
راما ضحكت : خلاص طيب
هيام : بنات في تصاميم كثيره بوريكم اياها
وبدت تنسق للبنات نوع الميكب وشعرهم وفستانهم الي بيلبسونه
قاطع حديثها من دق جوالها
تبلدّ وجه هيام بشبّه صدمه وناظرت للبنات ورجعت نظرها للجوال
لولو : مين الي يدق؟
دانا : ردي على المكالمه طيب
ناظرت لوجههم ووجهي مصدوم واخذت الجوال ورديت برسميه
: وعليكم السلام
مُلهم : هيام ؟ رحتي للرياض ورجعتي وانا ماعندي خبر ؟
هيام برسميه : مين معي ؟
مُلهم : انا اخوك مُلهم !
هيام : طيب ، جيت من زمان
مُلهم : وليش ماعندي خبر ليش مادقيتي تكلمتي ؟
هيام ببرود : الي يبيني يجيني والي مشتاق يدّل دربي
مُلهم : كلام جديد يالاخت هيام ؟
هيام : مُلهم عطني اياها من الاخير وش تبي ادري منت داق عشان اخبّاري !
انصدموا البنات من نطقت اسم ' مُلهم '
همس : خير وش يبي ذا!
دانا : ماقام يسأل الا الحين
لولو : مسوي فيها مشتاق الكذاب
رهف : قفلي بوجهه!
ناظرت للبنات ونطق مُلهم : أبي 500 الف
رفعت حواجبها هيام بـ استغراب : ايه ولمصلحه آيش ؟
مُلهم : زوجتي بتولد
ضحكت هيام : ماشاءالله هي حامل بعد ؟ طيب ووش له الـ 500 الف ؟
مُلهم : تجهيزاتها وللمستشفى بوديها خاص وبحجز vip
تنهدت هيام : افكر بالموضوع
مُلهم : انا اخوك!
هيام : واذا اخوي ؟ اخوي اركض عشانك وابتلش وانت حتى قبل اول من وقف بوجهي بسالفه الابتعاث انت لاتقعد تتمصلح الحين ولافكرت يصير خير
قفلت وناظرت للبنات بهدوء
راما : وش يبي ؟
لولو : ووش الميانه يدق عليك اصلاً!
هيام : يبي 500 الف تعرفوا اخوكم مصلحجي يعاتب على اخباري عشان يفتح الموضوع تدريجي
نجد : والله يعقب ماتعطينه !
نوره : هيام ولا تفكرين حتى
دانا : هاذا طول عمره مايتعدل اساساً!
هيام : مادري يبنات بس رحمته من ناحيه ان زوجته حامل وبتولد بعد يومين ومعرف ماعنده فلوس هو ويبي يحتاج يعني
همس احتارت : ياخي والله اكرهه بس بنات احس انه عشان النونو على الاقل
دانا : منجد مو عشان حتى زوجته الحيه
تنهدت هيام ومسكت جوالها وحولت له وقفلت جوالها
شافت اشعاراته الكثيره حوال 10 رسايل واكثر وتركته وناظرت للبنات : حولت له
سكتوا الجميع وبدت لحظه توتر بينهم وكسر التوتر من وصل الآكل
~الساعه 12:03~
الجميع اتجه لغرفته ونام نومه عميييقه
الساعه 4:02 العصر
اتجهوا البنات لشقه هيام عشان يتجهزوا معاها
فتحت الباب
هيام : هلا والله بنات ادخلوا حياكم
دانا ابتسمت : الله يحييك
دخلوا كل البنات ونطقت نجد : شصار على الفساتين؟
ضحكت هيام : الله وكيلك للساعه خمسه الفجر وانا اسويهم
ضحكت راما بحماس : لنا كلنا؟
هيام : كلكم كلكم ماخليت احد كلكم سويت
اخذت التصاميم كلها وبالوان وتنسيقات وموديلات لكل وحده تختلف
عطيتهم ونطقت : حتى نسقت لكم وش تسووا كل وحده بشعرها مع الفستان
بدوا يتجهزوا وهم حاطين اغاني ومروقين
الساعه 7:30
دقت رانيا على هيام : وينكم تكفين تعالوا عندي متوتره
هيام ابتسمت : جايين بدري ماعليك
التفتت هيام لهمس : مين بيودينا القاعه ؟
همس : مدري تصدقين
التفت هيام للولو : محد يدري مين بيودينا القاعه؟
رهف : فيصل
نوره : اي عساف قالنا فيصل بيودينا كلنا
هيام بـ استغراب : فيصل ؟ وش يجيبه ذا وين يودي زوجته! لايكون يسحب عليها عشاننا بعد بنات مو منجدكم
ساره : والله علمي علمك ياهيام قلت له
هيام ناظرت لها ورفعت حاجبها بـ استغراب : اي ؟ ووش قال
يارا تأففت : هيام قلت لليث تعال ودنا بداله بس فيصل مصّر ولا الليث اصلاً قام قال يلا
هيام نطقت : خير ؟
دانا : والله الصدق ماهمني مين يودينا المهم نحضر بسلام
تأففت هيام ودقت على عبدالعزيز : عزوز
عبدالعزيز : سمي
هيام : عادي تودينا انت؟
عبدالعزيز ضحك : انا بكون معكم اصلاً انا وفيصل طالعين وبنمر ناخذكم الحين جايين وننزلكم ونروح للاستراحه
هيام تأففت : خلاص تمام
عبدالعزيز بـ استغراب : فيك شي ؟
هيام : لا والله
عبدالعزيز ابتسم بخفه : تمام قولي للبنات والبسوا عباياتكم ترانا على اللفه واصلين لاتطولون
هيام : ماعليك لابسين ننتظركم
عبدالعزيز : يلا انزلوا
قفلت وبدوا يلبسون عباياتهم
~ عند عبدالعزيز وفيصل ~
فيصل الي كان متوتر من ردود عبدالعزيز : مين ذي؟
عبدالعزيز : هيام
فيصل فز قلبه : اي ووش تقول ؟
ضحك عبدالعزيز : مدري عنها تقول ليش ماتجي تاخذنا قلت انا اصلاً معكم مو انا الي اسوق
فيصل تنهد : أها
دخلوا البنات وسلموا : السلام عليكم
عبدالعزيز وفيصل : وعليكم السلام
جلسوا بهدوء بينما فيصل طاحت عينه من المرايا على هيام المكشفه ومو منتبهه للباقين : ليش مكشفه ؟
ناظرت له هيام ببرود : وانت شعليك ؟
فيصل مسك نفسه : يعني مكياج وكاشخه ورايحه عرس وفوقها مكشفه ؟؟؟
هيام رفعت حاجبها : وانت شدخلك ولي امري وانا مدري ؟
عبدالعزيز التفت لهيام : طيب على الاقل بس غطي وجهك هيام السياره مو مظلله
ناظرت هيام لعبدالعزيز ونطقت : تمام
تغطت وتغطوا البنات معاها بينما فيصل يناظر لها من المرايا من فتره لفتره
بدت تشغل نفسها وتتجاهل نظراته بنرفزه من حركاته
نزلوا القاعه ودخلوا ورموا عباياتهم
استقبلتهم ام رانيا : يامرحبا بالهياام ببنيتي وحبيباتي
بدت تسلم عليهم كلهم وابتسمت بفرح : تعالوا رانيا من اليوم على اعصابها ابلشتنا وين هيام وين هيام
ضحكت هيام : بنسلم على الي داخل ونصعد فوق من عيوني
دخلوا وسلموا عليهم وفعلاً حطوا اغراضهم على طاوله وصعدوا فوق
دمعت هيام من شافت صحبه عمرها ونطقت : رانييا شكلك طالع يييجنن!!
تقدمت تحضنها بقوه ورانيا شافت دموع هيام ودمعت معاها
ضحكت دانا : لا يبنات لا لا
نجد : ياهووه انتي العروسه لاتخربي الميكب
تقدمت همس : ياربي رانيا ههههههههه
تقدمت لولو تمسح دموعها : معي ميكب بضبط الي خربتيه
ضحكت هيام : خلاص لاتبكين انتي بس انا
رانيا ضحكت ببكاء : كله منك هههههههههه
تقدمت لولو تضبط الميكب خفيف ولمسات خفيفه
ضحكت هيام : ايه والمعرس راشد ؟ هههههههههههههه
رانيا ضحكت : هيام اسكتي
هيام دمعت من الضحك : يابنات راشد كنا انا وياها اربعه وعشرين ساعه نسبه ونتهاوش معه والحين ؟ سبحان من فرق الآحوال ههههههههههه
رانيا ناظرت وابتسمت : تراه تغير
ضحكت همس : يمكن مو تغير
ناظرت لها نجد وفهمت قصدها وكملت الكلمه : يمكن الحب اعمى ؟ هههههههههههههه
ضحكت لولو بخفه وناظرت لها هيام وغمزت
دانا : ياخي حقين الحب هذول تخيلوا احب؟ الله لايبلانا
رفعت رانيا الخاتم : تزوجنا تزووجننا هههههههه
ضحكت دانا بقوه : امزح ياقلبي انتي الله يديمكم ويسعدكم ياعمري
نزلوا البنات تحت من جاء الوقت الي تنزل فيه رانيا
رانيا ماسكه يد هيام : يمه متوتره شوفي يدي ترجف
ضحكت هيام : تنفسي اول شيء التنفس كل ماتوترتي حاولي تضبطين معدل النفس عندك وبترجعين لطبيعتك
ضحكت نوره : يبنت ترا مب ولاده
هيام ناظرت لها : اقول ضبطي فستان البنت من قدام وانتي ساكته
نجد : الا منجد اذا توترت يمكن تنسى كيف تتنفس وتنصرع
بدت تهدأ رانيا ونزلت بهدوء بينما البنات محاطين فيها يرتبوا فستانها ويمسكونها
واخيراً انزفت رانيا لراشد
ابتسمت هيام وبدت تصور صحبتها من بعيد وهي تركب السياره مع راشد ومبسوطين لها بالحيل
كملوا العرس وجلسوا على الطاوله
نجد ناظرت لساحه الرقص ومن اشتغلت اغنيتها
~ فز له ~
ناظرت لهيام : تقومين معاي؟
هيام ضحكت : يماما ادركت انك تعشقين الاغنيه ترا هههههههههه
جت ام رانيا وناظرت لهيام : حطيتها عشانكم قوموا يلا
ابتسمت هيام بخفه : ما اردّ لك طلب ياخاله
قامت بهدوء هي ونجد ونوره ورهف
وبدوا يتمايلون مع الاغنيه والانظار جميعها عليهم
اتجهوا لطاولتهم وقاطع طريقهم وحده كبيره بالسن وبنتها
: السلام عليكم يابناتي
هيام ابتسمت بخفه : وعليكم السلام ياخاله بغيتي شيء؟
نزلت ظهرها لها عشان تسمعها
نطقت الجده: انتي من هي بنته؟ من هو جدك
هيام : جدي جابر
ابتسمت بخفه الجده من عرفت عايلتهم : متزوجه انتي ؟
هيام ب استغراب : لا
ناظرت لها الجده بـ امل : ابي اخطبك لولدي عطيني رقم جدتك
هيام ارتفعت حواجبها ببعض صدمه : هاه؟ انا؟
الجده ناظرت لها من فوق لتحت : ايه انتي ، ولدي طيار ومزيون مايليق له الا المزيونه زيك
ناظرت للبنات الي ماسكين ضحكتهم وتحاول تدرك الوضع
عطتها رقم جدتها ب احراج ومشوا لطاولتهم
هيام نطقت : يبنات عطيتها رقم جدتي صدق قسم بالله معرفت اتصرف! هههههههههههههه
همس ضحكت : يامجنونه هههههههههههههه
نجد : ماتدرين يمكن نصيبها شتبين انتي
ساره : اي ووش مواصفاته؟
ضربت هيام راسها بخفه : الله ياخذ عدو رانيا النكبه ههههههههه
ضحكت رهف : تقول لها طيار ومزيون ومايليق له مزيونه الا زيك تقصد هيام هههههههه ههههههههه
ضحكت ساره بقوه : اخ ياهيام رياكشن وجهك ههههههههه
ناظرت هيام للبنات : يابنات عطيتها منجد طيببب استحيت اعطيها رقم احد ثاني خاصه انها عرفت عايلتنا فشله
نطقت دانا : زين الي سويتيه عشان محد يمسك على عايلتنا شيء
لولو : منجد ولو ماتبغينه ارفضيه وبس
قاطع حديثهم مكالمه عبدالعزيز
مسكت هيام جوالها وردت : هلا عزوز
عبدالعزيز : هيام ترانا بالطريق قريب لكم اطلعوا
هيام : تمام
ناظرت للبنات ونطقت : يلا بنات امشوا عبدالعزيز برا
طلعوا وركبوا السياره وكانت ميهاف مع فيصل وعبدالعزيز
تجاهلوا وسلموا عليها طبيعي وبدوا يتكلموا
ناظرت نجد لهيام : نبي ننزل ببيتنا منها عبدالعزيز ينزل معنا
البنات : تم
اتجهوا لبيت نجد ونزلوا ونزل عبدالعزيز ودخلوا
اتجه عبدالعزيز ل امه وابوه يسلم عليهم بينما فيصل وميهاف اتجهوا لبيتهم وكان الجو بينهم متوتر
ابتسم عمر من شاف البنات : يامرحبا تو ماينور البيت
لطيفه : وانا اقول ليه البركه فجأه دخلت بيتنا اثاريكم جيتوا
ابتسمت هيام والبنات وبدوا يسلموا على عمهم وزوجته
اتجهوا للصاله وجلسوا ومن ضمنهم جلس عبدالعزيز
ضحكت نجد وناظرت لهيام : بقول لابوي عن الي صار بالعرس
هيام تذكرت وتحول وجهها للون الاحمر من الاحراج
نطقت نجد وهي تضحك : بابا تدري وشصار اليوم بالعرس؟
عمر : وش صار يابنتي
اخذ كاسه الشاهي من عبدالعزيز وبدا يشرب ويستمع لكلام نجد
نجد ضحكت : انخطبت بالعرس
شرق عبدالعزيز بالشاهي من الصدمه والصدمه واضحه بعيونه وهو يناظر لهيام
ضحك عمر : يا ماشاءالله ومن هو ولدها
هيام نطقت : ولد الحاكم عبدالله
رفع حاجبه عمر : ايييه هذول والله ماشوف منهم الا الخير وانتي استخيري عاد والله يكتب الي فيه الخير
سكتوا كلهم بينما مشاعر عبدالعزيز بدت تتلخبط
قام ونطق : استأذن
راح لغرفته ودق على عساف : عساف تكفى
عساف قام بخوف : وشفيك!!
عبدالعزيز نطق بصوت باكي : بياخذونها!
عساف : ياولد الله يلعنك من هي مين ومين بياخذها ووش فيه
عبدالعزيز : هيام انخطبت
عساف : كذاااب!!!
عبدالعزيز : قسم بالله توها قايله لابوي !
عساف قام من نومه بصدمه : ومين الي خطبها ومتى
عبدالعزيز تنهد بضيق : بالعرس انخطبت وبيجوا بكرا يخطبونها رسمي!
عساف : ياولد لازم تسوي شيء
عبدالعزيز : وش اسوي! اقولها لا تتزوجينه ! بتشك
عساف : تتحمل انها تكون لغيرك !
عبدالعزيز دمعت عيونه : لا!
عساف : طيب روح وخذها على جنب واعترف بحبك لها يمكن انها تبيك بس ماحسستها بمشاعرك تجاهها ياعبدالعزيز
عبدالعزيز ب حيره : كيف؟
عساف : زي ماقلت لك اذا شفتها لحالها استغل الفرصه واعترف وبعدين قول لاتتزوجينه وبتتزوجها افضل من ان البنت تروح من يدك
عبدالعزيز: الله يعين بحاول بينامون عند نجد اليوم
عساف : حلو! هيام معروفه ماتنام بدري ماتسوي تصاميمها وشغلها الا الفجر حاول
عبدالعزيز : بحاول وبقولك
~ الساعه 3:11 الفجر~
بينما هيام جالسه لوحدها بالصاله مع الايباد وكوب v60 بارد وهدوء جالسه تصمم فساتين وتخلص شغلها زي ماقال عساف
ناظر عبدالعزيز لها ونطق : انتي مانمتي؟
فزت بخوف : خوفتني عزوز!
عبدالعزيز : معليش اسف بس متعود ادرعم على نجد كذا
ضحكت هيام بخفه : ما انام الوقت ذا لازم اخلص
جلس عبدالعزيز جنبها : وش تخلصين ؟
هيام لفت الايباد : تصاميمي
نطق عبدالعزيز : بتوافقين عليه
بينما هيام لازال نظرها على الايباد وترسم : اوافق على ايش
رفعت نظرها له بهدوء وتوتر عبدالعزيز وسكت
هيام : فيك شيء؟ على ايش اوافق مافهمت
عبدالعزيز شتت نظره : ولاشيء خلاص
جلس على جواله يحاول يشغل نفسه
تذكرت هيام وفهمت قصده وهي لازالت منتبهه على الايباد وترسم : الخطبه ؟
عبدالعزيز فز قلبه ونطق بصوت هادي : اي
هيام : ما ادري للحين بستخير على كلام عمي وبشوف
عبدالعزيز : انتي تبينه؟
هيام ناظرت له : عبدالله؟ مو ابيه ومو ما ابيه مادري
عبدالعزيز : هيام لاتتزوجينه
مسك يدينها وبدت تلمع عيونه بالدموع
اتسعت عيون هيام بصدمه ونطقت: ليش؟
عبدالعزيز : هيام انا احبك
انصدمت هيام اكثر من تراكم الكلمات عليها وماعرفت وش تنطق
حضنها ونزلت دموعه : هيام انا كنت مخطط اخطبك بعد شهر لان الشهر الجاي بننشغل ومابيكون عندنا وقت وجهزت كل شيء اخر ذا كله تروحين لغيري؟
اما هيام الي ماكانت مبادلته الحضن ولازالت مصدومه من تعابيرها
ناظر عبدالعزيز لها ونطق : يمكن تنصدمين الحين من تراكم الكلمات وكل شيء رميته عليك فجأه بس انك تكونين لغيري شيء سيئ هيام ما اقدر اتحمل الفكره! ومابقولك شيء وبعذرك عطيني اجابتك بالجوال ارسليلي وقولي وش مبتغاك لو انه شين بس ضميري مايسمح اني اتركك تروحين من يدي بهالسهوله ياهيام عطيني اجابتك متى ماحسيتي انك متاكده
قام بهدوء واتجه لغرفته تارك هيام ب حيره وصدمه
كملت شغلها وتفكيرها بكلام عبدالعزيز
استقامت وراحت تنام محاوله الهرب من كل شيء من التفكير الزايد
~ الساعه 7:21 ~المغرب
نطق ابو عبدالله : والله ياجابر حنا جايين نطلب القرب منكم ومافي احسن منكم يناسبنا ونبي حفيدتك هيام لولدنا عبدالله
جابر نطق : والله يابو عبدالله مافي احسن من نسبّكم لكن كلمه البنت قبلنا كلنا ونشاورها ونرجع لك
نطق ابو عبدالله : خذوا راحتكم ولاتضغطون عليها
استقام جابر واتجه لهيام : ها وشرايك يابنتي ؟
نطقت هيام بتوتر : جدي عادي تخلي الرأي بعد ثلاث ايام ؟ ماقدر استجمع نفسي
نطق جابر : الي ودك ولاتفكرين تضغطين على نفسك عشان احد تراها حياتك ياهيام ومحد له كلمه فوق كلمتك
ابتسم لها واتجه لابو عبدالله وعبدالله : البنت تبي تستخير عطوها مهله اسبوع ونرد لكم خبر
ابتسم ابو عبدالله : يلا حنا نستأذن
استقاموا و راحوا وركضت هيام واخذت همس وعلمتها باللي صار امس بينها وبين عبدالعزيز وشهقت همس : كذابه! عبدالعزيز! يمه كيف ماكان يوضح حتى
هيام نطقت : تكفين حتى ماعطيتهم موافقه او مو موافقه حيره مادري
همس نطقت بجدّيه : انتي تبغين عبدالعزيز ؟
هيام مسكت راسها بصداع : ما ادري!
همس : هيام هذا زواج مو لعبه انتي وش تحسين عبدالعزيز؟
هيام : ماكنت اعتبره اخو بعض تصرفاته الي بيني وبينه ماكانت مجرد اخوان همس مادري
همس : يعني تبينه؟
هيام نطقت بهمسّ : ابغا استخير بينهم الاثنين معرف
همس ابتسمت : خذي وقتك اسبوع كامل كله ارتاحي وصفي راسك وابدي استخيري وادعي ربك ياعمري
ابتسمت هيام وحضنت همس من طمنت قلبها

                                           انتهى
توقعات
هيام بتوافق على مين ؟
  عبدالعزيز- عبدالله ؟
_
مين يحب عساف ؟
مين بينخطب قريب ؟