" لو طال البعد عمر الحُب مايذبل "

بارت (5)

بسم الله الرحمن الرحيم
( تسريع احداث وصلوا للديره واصر الجد جابر يغيرون جو فيها لـ اسابيع وتغيرت معامله هيام لفيصل من شافت اطباعه القذره وانه يبيها كـ شهوه وحب بفلوسها لا اكثر )
-
يوم جديد ~
الساعه 4:46 الفجر
استقام الجد جابر واتجه لغرفه العيال
الجد جابر بصراخ : لابارك الله بعدوكم يهالسلق قوموا !
فز صالح : سم ياجدي !
الجد جابر بعصبيه : قم انت وهالسرابيت هاللي نايمين والحقوني للمسجد وخليني اشوفكم مو موجودين
صالح بـ أبتسامه : سم
وفعلاً بدأ صالح يقوم العيال واتجه يتوضى
خلص صالح وجاء على جيه الجد جابر يتأكد منهم
الجد جابر مسك عصاته وضرب أمجد : الله لايبارك بعدوك قم يهالكلب !
أمجد استقام بـ ألم : جججدي !!!! شفيييكم
الجد جابر لف على صالح : ماقلت لك تقومهم ؟!
صالح ضحك : ياجد قسم بالله قومتهم وشف هذولي كلهم قاموا الا هالسربوتين امجد وعز
الجد جابر لف على عز المتعّمق بالنومه : عز ولعنه ! 
عز بصراخ وبـ عدم وعي من النعاس : انتو ماتعرفون تنطمون !
الجد جابر ضربه بـ عصاه : ايا هالسربوت ! تحتسي على جدك زي كذا ؟؟؟؟؟؟
فز عز من ضرب وكلام جده : ججددي!! والله ماكنت ادررري
الجد جابر بـ عصبيه : انا الان بروح لكن والله ثم والله وثم والله وهذاني حلفت ثلاث مرات ، الي مايجي ويطول ويتأخر مارح يحصل له طيب
اتجه الجد جابر للمسجد مشي بـ حكم أنه مقابلهم
بينما العيال خافوا من تهديد جدهم لأنه صدق قول وفعل
وفعلاً اتجهوا للمسجد جميعهم بـ أسرع وقت وحصلوا اباهاتهم رايحين قبلهم
عند البنات ~
دخلت الجده غزيل للمطبخ بـ ابتسامه : آييه عااشن حفيداتي الحلوات
ابتسمت همس : اويللييي عليك ياجده
الجده غزيل بـ خرشه : وراه وش سويت
نجد طاحت بـ الارض من الضحك : اههخ بطني هههههههههههههه
الجده غزيل : ياهالسلق وش تقصد ذي
ضحكت هيام : ماعليك منها ياجده ، ترا الفطور على البنات والحلى والحركات ذي علي انا
الجده غزيل : اجل تم ، وين اماهاتكم
لفت هيام تكمل شغلها بينما حكّت همس : ياجده مدري شعندهم متكين بالمجلس شكل عندهم سالفه قويه الحقي على بناتك هههههههههه
ضحكت الجده غزيل : ياحبك لتنقيل العلوم ياهمس هههههههه
اتجهت الجده غزيل تقعد مع بناتها بينما البنات كملوا الفطور

عند العيال ~
صالح همّس : يعيال اقلعوا هالمراهقين من جنبي بيضحكوني بنص الصلاه
محمد تقدم ودف امجد وعز بشويش : وخر انت وياه تقلعوا لمكاني وانا بجي هنيا
امجد ناظر لصالح من فوق لتحت : يعني ميتين على وقفتنا جنبك وخر بس
فيصل ناظر لهم بعصبيه : وغدان انتو ؟؟؟
اما عز ماكان يمهم وكان كل اشوي يغفي بالغلط بـ حكم أنه سهران ولاجاه نوم لعيونه هالليله
حاتم التفت عليهم وحكّى بـ همّس : ياولد انت وياك انطموا !
وفعلاً اتجهوا لمكان محمد ومحمد جاء لمكانهم وبدلوا
أبتدت الصلاه وخلصت وفعلاً رجعوا للبيت جميعهم
الجد جابر لف على عمر : ياعمر
عمر ناظر له : سم يابوي
الجد جابر : ابيك تنقز للبنات وتقولهم متى يخلص الفطو..
قاطعت حدّيثه هيام بدخلتها بالصحون ومعاها لولو ودانا  : جدي خلص الاكل
ابتسم الجد جابر : يامرحببا ببنيتي الهيّامه !
ابتسمت هيام : يابعد حيي ياجدي
دانا بغيره : وحنا بنات البطه السوداء يعني
لولو بزعل : شكل !
ضحك الجد جابر : كلكم بناتي واحبكم هههههههه
دانا بزعل : لنا الله ياختي
محمد بضحك : تعالي يياروحح اخووك انتييي هههههههههههههه
ركضت دانا لحضن محمد وهي تضحك : يووه يازيين اخوي الحنووون
لولو بـ انفعال :  لو ابوي هنا كان يرحب بي زي ما جدي يرحب بهيام كذا
سكتت من استوعبت الي قالته ونزلت راسها
دخلت جملّتها بمسمع هيام بعد ما داهمتها ذكرياتها مع ابوها وامها
تنهدت هيام واستقامت
وقفت من سمعت كلام الجد جابر : وين بتروحين فيه يابنيتي
ابتسمت هيام بحزن : بروح اجيب الفطور
ناظرت للولو بحزن مع ابتسامه خفيفّه وطلعت
تنهد محمد : ياليتك ماهرجتي بشيء يالولو
لولو بـ ندم : ياخي ماستوعبت ونسيت ان هيام موجوده
ناظر لهم فيصل بـ استغراب : يعني تخافون تجيبون سيره ابوكم وامكم رحمه الله عليهم عشان هيام ؟
محمد ناظر له : لان هيام تتأثر وتتضايق مره
فيصل ناظر لهم بـ اشمئزاز : وانتو عيال مين ؟
دانا : عيال وبنات سليمان !
فيصل ضحك : اجل ؟ ولا صرتوا زي اخوكم مُلهم ماتتأثرون بسيرتهم !!!
محمد بـ حده : الزم حدودك لا تلقاك بقبرك الحين
لولو بعصبيه : جدي ؟؟؟ شوف وش يهرج المتخلف ذا !!!!
الجد جابر لف على فيصل : فيصل ! اسكت لاوريك الويل هالحين
فيصل ناظر لهم بضحك وتجاهل حكيهم وطلع
تقدم فيصل من شاف هيام واقفه وتهوجس : بووو
ناظرت له هيام : خوفتني مايضحك
فيصل : شفيك منفسه هاو !
هيام بعصبيه : فيصل ليه ماتفهم اني مابيك ليه قاعد تلاحقني من مكان لمكان !!!
فيصل ناظر لها بنرفزه : الشرهه مو عليك الشرهه على الي جاي يغير بجوك
هيام بعصبيه : خلصت ؟ كثر الله خيرك
وأشرت للطريق : تدل دربك اتوقع
فيصل تنهد : ياخي انا احبك ليه قاعده تعامليني كذا !!!
هيام وهي لازالت تحاول تمسك اعصابها : فيصل شوف اقسم بمن احل القسم لو ما انقلعت عن وجهي الحين لا اقول لزوجتك عن كل كلامك !!!
فيصل ضحك : اول شيء مملكين مو زوجتي ، ثاني شيء مارح تسوينها لانك خوافه
هيام ناظرت له بـ تحدي : يعني تتحدى ؟
فيصل بـ ثقه : اتحداك
ضحكت هيام وفتحت جوالها : انتظرني
واتجهت داخل وحطت الفطور : هيا تعالوا كولوا
الجد جابر : يابنيتي تعالي اقعدي عندي
ابتسمت هيام : والله ياجدي تبشر
جت جنبه وحضنها : يوه ياجعل كل البنات هيام
ضحكت هيام : وياجعل كل الجدااان جااابر هههههههه
ضحك الجد جابر وبدا يوكلها وهي ميته ضحك على غيره البنات
دانا : جدي !!!
همس : جدي والله السيره هاذي بتولعني نار ههههههههه
غسان : بدت همس بـ الرياكشنات هههههههههههههه
الجد جابر : ابك وش سيرته ووش جاب النار لابارك الله بعدوك 
ضحكت همس : رياككشنن ياجدييي هههههههههههههه
الجد جابر لف على هيام : ابك هذي وش تهرج وش ركاشن ذا
هيام ضحكت : ماعليك منها جدي خبله خبله تراها هههههههههه
الجد جابر : والله العقل نعمه وانا جدك
همس بضحكه : اححح ياجججدي !!!!! ههههههههههه
الجد جابر ضحك : امزح معاك يابنيتي ههههههههه
همس : الممشكله ماقدر ازعل مننه ياخيي
هيام ناظرت له بغيره : اقول هاذي السيره الي بتولعني نار صدق !
الجد جابر بضحكه : ابك وش هالبليه وش سييرتتته!!! هههههههه
بينما الكل كان يضحك ومبسوطين
على ما دخله الجده غزيل : افا تضحكون بدوني
الجد جابر : هلا والله هلا بالحلى والزيين كله
هيام ابتسمت : اويييلي يجده ماتكمل الجلسه بدونك
الجده غزيل استحت : الله يسلمكم
ضحكت هيام : استحححت استحححت استحتتت!!! هههههههههههههه
الجد جابر لف على فيصل : الا اقول متى قررت زواجك انت وحرمتك
فيصل : والله مدري غثتني تبيها بعد اسبوع لانها جهزت كل شيء حتى القاعه اختارتها بس مادري
الجد جابر لف على البنات : وانتوا جاهزين للعرس ؟ عندكم اغراضكم كلها ؟
نجد : اي مجهزين الاغراض بس الفساتين بقت وبقى هيام ماجهزت شيء
ضحكت هيام : حبيبتي نسيتي اني مصممه ازياء ؟ مصممه لي فستان يبنات يييمموت يموووت
نجد بزعل : هذا وانتي بنت عمي ماسويتي لي فستان من تصاميمك يالحيوانه !
ضحكت هيام : عاد مسويه تصاميم جديده بعطيكم اياها كلكم ههههههههه
ضحكت همس : اجل ياجدي تقدر تقول اننا جاهزين
الجد جابر بـ اهتمام : هيومه هالحين التصاميم مجهزتها خطيتيها ولا بس راسمتها
ابتسمت هيام من تفكير جدها الكلاسيكي الي كان يعجبها بالمّره : ياجدي هاذي ماتاخذ مني يومين كذا
ابتسم الجد جابر ولف على فيصل : قل لها تم الان
هيام : جدي بس العرس بالرياض وحنا بالديره شلون ؟
الجد جابر بـ ابتسامه : ايه مايخالف نروح للرياض ونخلص من زواجه ويطس عند زوجته وانا وجدتك نرجع للديره وانتو تكملون دراستكم وتجونا بالاجازات زي قبل
ابتسمت هيام : من عيوني اجل
فيصل : جدي ! انتو جاهزين انا مو جاهز
الجد جابر بعصبيه : وانت متى حضرتك تكون جاهز صارلك سنين ماتزوجتها يهالتسلب ! دق الان ولا بفرك وجهك بهالصحن
فيصل ناظر لهيام من سمع ضحكتها المتشمته الي تحاول تكتمها وتنرفز
وفعلاً سوا الي قاله جده وتمتّ الأمور زي ماقال الجد جابر