" لو طال البعد عمر الحُب مايذبل "

بارت ( 3 )

بسم الله الرحمن الرحيم
الساعه 6:12 المغرب
صحت هيام ودخلت الحمام تاخذ شور - يكرم القارئ-
خلصت وطلعت تنشف شعرها ولقت جوالها يدق
رفعته وردت : هلا فراس ؟
فراس : آنسه هيام نسيت اقولك قد اننا مشينا ووصلنا بس طحنا على وجيهنا من التعب ونمنا
ضحكت هيام : بعذركم والله ، للحين تعبانين ولا فيكم حيل اجيكم وامركم ؟
فراس بابتسامه : لا عادي مو تعبانين
هيام وهي تحط ميكب : متأكد ؟ ترا مشوارنا طويييل وبحث ودنيا
فراس : ايوا ماعليك
هيام : تمام عشر دقايق وانا عندكم
فراس : تمام
وفعلاً قفلت ولبست وطلعت وشعرها مويه ماجففته وطلعت مستعجله
ركبت سيارتها ودق جوالها : هلا هموس
همس : بتجيننا؟
هيام بابتسامه : ايوا بس عندي شغله اشويه بس بخلصها واجي
سحب الجوال عبدالعزيز وفتح السبيكر : وش شغلته يابزنس ومن تعالي بس
ضحكت هيام : البزنس ومن بتعلمك بعدين سر المهنه وانت شغلتك متبطح وانا اطلع ملايين بالثانيه ياحمار ههههههههه
عبدالعزيز بتحسس : يكذابه وربي اني اداوم وتعبان هههههههههه!!!
ضحكت هيام : وربي امزح يولد شفيه ذا تحسس
سمعت ضحكاتهم ومن بينهم ضحكه "فيصل"
فز قلبها وبنفس الوقت حست بكره شديد له : عزوز تبي شيء ؟ دز وصلت تراني
عبدالعزيز : انتي عند الباب حقنا؟
ضحكت هيام : ياغبي اقولك عندي شغله بسويها وارجع شفيك فاهي انت
عبدالعزيز : مدري ، لاتطولين ترانا مجتمعين ننتظرك نجد مسويه حلا يجنن
هيام : تمام
قفلت ودقت على فراس : فراس انا تحت انزلوا
فراس : تمام
نزلوا وركب فراس قدام ومساعده هيام ورا
هيام بابتسامه : كيفكم ؟ وحشتونييي ههههههههه
ايلين : والله مو كثرنا آنسه هياام!
فراس : والله امريكا مو حلوه بدونك
ابتسمت هيام : شكراً ، اسمعوني انا عندي مهمه بتكون صعبه اشوي بس مابتكون صعبه علينا
ابتسم فراس : وش هي ؟
هيام ناظرت قدام ونطقت بّثقه : راح نروح لبيتي القديم
ايلين بصدمه : آنسه هيام !!
فراس بوهقه : آنسه هيام بيكون الموضوع صعب حيل !
هيام ابتسمت : بتكونون معاي ولا لا ؟ تراني حالفه لا تحاولون
فراس ابتسم بثقه : انا معاك بالخير والشر !
ايلين : وانا برضوا
فراس : بس ماقلتي لي ؟ ليه تبين تروحين
هيام تنهدت : ابي اشوف ممكن في اشياء تخص جواد هناك
فراس : تمام
وفعلاً اتجهوا لبيتها القديم ووصلوا
طلعوا من السياره وسكرتها ووقفت امام البيت الي هّجرته رعب وذعر وخوف 4 سنين !
تنهدت هيام : مشينا ؟
فراس : متأكده انك تبين تسوينها ؟
هيام : انا ماعدت ذيك الضعيفه الي تتآثر من اي شيء
فراس : طيب نحتاج سلاح
هيام فتحت جاكيتها الجلد الاسود : معاي مايحتاج
ابتسم فراس : احب احتياطاتك هههههههه
ابتسمت هيام ودخلوا
شافت البيت مليان تراب وغبار وانكتمت
وركض فراس يجيب لها مويه من السياره وجاب لها فعلاً وشربت
هيام : شكراً
فراس : هذا واجبي
وفعلاً اتجهوا يدورون بانحاء البيت عن اي شيء يخص جواد
تنهدت هيام وشافت موقع الجريمه الي صار ومكان موت ابوها وامها
تقدمت ونزلت للآرض ومسكتها بحزن : انا حلفت زي ماطلعت من هالبيت خايفه واحتاجكم ، راح اجيه وانا بكامل قوتي وراح انتقم منه الحقير
بينما فراس وايلين كانوا ساكتين ويناظرون لها بحزن
سكتت هيام واستقامت ونفضت التراب الي على ملابسها السوداء ولفت عليهم : وراكم محزنين كذا ؟
فراس : الموضوع صعب عليك اشوي وصعب علينا نشوفك كذا
ابتسمت هيام : مافيني شيء ، صدقني انا مبسوطه اني رجعت وحققت الحلم الي كنت اكرره على اذن كلٍ من يشوفني ضعيفه وحساسه وصغيره
فراس ابتسم : قوتك وصبرك يُدرس فعلاً
ابتسمت هيام : امشوا للدور الثاني للغرف يمكن نلقى شيء
ايلين : يلا
وفعلاً اتجهوا للدور الثاني وكانت الدموع بعيون هيام لكن هيام ماتبي تنزلهم ابداً
ابتسمت من شافت الغرف : والله اشتقت
اتجهت للغرف ودوروا فيها وحده وحده
وصلوا لغرفه سليمان وساره
تنهدت هيام : يلا ندخل
فراس : هيام اذا ماتبين تكملين لاتقاومين عادي !
هيام ناظرت له : انا عدّيت البيت كله بتوقف على غرفتهم ؟
تنهد فراس على حاله هيام الي كان يحس بمشاعر تجاهها ومايرضى يشوفها كذا قدامه !
وفعلاً دخلوا وكانوا يدورون بالدروج وماكان في اي شيء يخصه
هيام تأففت : ياربي ! معقوله مافي ولا ...
سكتت من شافت صندوق كبير حيل ومقفل بقفل وجنبه شنطه سوداء صغيره
ابتسمت هيام : يارب انه يخصه !
فراس فز : لقيتي شيء؟!
هيام : اي
شالت الصندوق الكبير وحطته على السرير
فراس : بشويش نزليه ثقيل حيل عليك !
هيام بضحكه : عادي متدربه واشيل اوزان وباحجام كبيره عادي
فتحت الشنطه الصغيره ولقت المفتاح
ابتسمت هيام بآمل : يارب لاتخيب ظني
وفعلاً فتحته ! وفتح ..
فتحته وكانت فيه اوراق كثيييره وصور واشياء حرفياً كثيره بالحيل
تنهدت هيام وناظرت لفراس : تعال ساعدني نقراهم كلهم
وفعلاً قعدوا على السرير وكانوا يقرون ويدورون اي شيء يخص جواد
ابتسمت هيام بانتصار : بسّ!!! لقيييتهاا هههههههههه
فراس فز : وششووو وش لقييتي
هيام ورته الاوراق وصور لجواد : شوف ! اثباتات بجرايم جواد ، جواد قتل اهلي لانهم عندهم نسخ لجرايمه كلها عشان كذا اعتداء عليهم وقتلهم وتركني لاني كنت صغيره وقتها ويدورني الان عشان مافتح هالصندوق ، وكان مهدد بابا انه يقطع الورق ويحرقهم لكن بابا رفض عشان كذا جواد قتله !
فراس : الله ياخذه المريض!!!
ابتسمت هيام لكن ابتسامتها تلاّشت من شافت ورق مجمع على بعض وبدباسه وكأنه ملف ومكتوب "وصيه"
استغربت هيام : فراس شوف !
فراس انصدم : وصيه ؟ لايكون اهلك كانوا حاسين انه بيقتلهم !!!
هيام باستغراب : يمكن !
فراس : تبين اطلع وتكملين تقرينها لحالك ؟
هيام ناظرت له : لا عادي خليك معاي منت غريب
ابتسم فراس بينما ابتدت هيام تقرا بصوت عالي لآجل فراس يسمع معاها :
"وصيه"
السلام عليكم ورحمه الله وبركاته ، ماعرف مين الي بيقرا هالكلام ، وهل بينقرا الكلام او لا وهل عيالي بيقرونه او لا لكن احطها برقبتك ياللي تقرأ ليوم القيامه انك من تشوفها وانت مو من عيالي ولا تجمعني بك قرابه انك ماتكمل تقراها وتوصلها لعيالي واهلي ، اهلاً عيالي
انا ابوكم سليمان ، اكلمكم من الحاضر الي تعيشونه انتو الحين لاني مو عارف هل انا بكون عايش او لا ، انا اخطيت خطأ كبير وبأذن الله ربي يغفرلي واتمنى تسامحوني على البلاء الي ابليتكم فيه بعد موتي ، في عايله اسمها آل صقر يبيعون المخدرات والحشيش والعياذ بالله ، ومع الآسف جذبوني لهم وصرت منهم الين ماتعافيت تماماً الحمدلله وسلمت نفسي للشرطه واعترفت باني كنت زيهم لكني تبت وتعافيت وتخلصت من كل المخدرات والحشيش والخ... ، وماعاقبوني لاني بالأخير تبت وتعافيت وجو وفتشوا بيتي احتياط وفعلاً كان مافي ولا حبه مخدرات ببيتي تخلصت من كل شيء يؤذي عايلتي مستقبلاً لكن الا شيء واحد الي هم عايله آل صقر ، ضلوا يلاحقوني من مكان لمكان لآجل يرجعوني للمجتمع المريض الي هم فيه من مخدرات والخ.. ، ومع ذلك محاولاتهم باتتّ بالفشل وماقدروا لاني كنت صارم وصامل اني مارجع ابداً ، لكنهم ماوقفوا ضلوا يهددوني ويلاحقوني من كل مكان ، بتقولون ليه مابلغت عليهم ؟ هددوني لو تكلمت بشيء واحد راح يرسلون لي لو انهم من السجن ناس يتعقبوني لآجل يقتلوني وهذي مو اول مره يسوونها سووها من قبلي كثييير ، وانا مابي افقدكم ابداً من غير شر لو قتلوني وتعرضوا لي ولآمكم اتمنى تسامحوننا وتترحمون وتدعون لنا بالغفران والعفو ، ماعرف متى بنموت منهم لاني عجزتّ وهم لا زالوا يلاحقوني ، مع ذلك حاولت آمن لكم حياه سعيده قبل موتي انا وامكم واكرر اتمنى تسامحوني ، وصيتي ابيها تتنفذ بالحرف الواحد ايش ماكانت الظروف لآجل اكون مرتاح بقبري على عيالي وبناتي ،
هيام انا اخبر انك تحبين فيصل وفيصل يحبك ، يابنتي طلبتك انك تتزوجون بعض وتعيشون حياه سعيده
فيصل ياولدي تكفى اعتن ببنتي وآمن لها حياه سعيده ، انا داخل على الله ثم عليك ، طمني بقبري انها باحضانك مو باحضان الغريب بنتي امانه برقبتك ليوم القيامه ياولدي .
اما ملهم ومحمد ويارا وهيام ودانا ولولو
انتبهوا لخواتكم يامحمد وملهم خلوهم زي ماطلعوا من بيتهم معززات مكرمات يكونون ببيوتهم معززات مكرمات ويرجعون معززين مكرمين ، خلوكم البيت الحنون لخواتكم من بعد الله ياعيالي واتمنى لكم حياه سعيده ولاتنسوننا من دعواتكم ❤️