" لو طال البعد عمر الحُب مايذبل "

بارت ( 4 )

بسم الله الرحمن الرحيم
يوم جديد ~
صحت هيام وكالعاده سوت روتينها اليومي
دقت على رانيا : رانيوشي اخبارك
رانيا بابتسامه : هلا حبيبتي بخيير وانتي ؟
ابتسمت هيام : وووالله بـ افضل حاال
رانيا : سمي وش بغيتي حبيبي؟
هيام : اسمعي عندي نادي ملاكمه يييجنن وسجلت به تخاويني ؟
ابتسمت رانيا : جوووي ! تم ، متى تروحين له ؟
هيام : هذاني قاعده اتجهز عشان اروح له امرك ؟
رانيا : اسمعي اليوم عندي عزيمه مقدر
هيام : تم هو يومي ترا يعني عادي بكرا
رانيا : تم اجل
وفعلاً قفلت وخلصت ولبست لبس مُناسب للملاكمه واتجهت للنادي
دخلته واتجهت للموظفه : السلام عليكم
الموظفه بـ أبتسامه : اهلاً اهلاً بمُصممه الآزياء حقتنا
أبتسمت هيام : عرفتوني يعني ههههههههه
الموظفه بـ ضحكّه : وكيف مانعرف أول سعوديه بنّت أفضل شركه بـ امريكا !
ضحكت هيام : ياحيياتي ، المهم جايه انا ابي اسجل ومع ذلك ابي vip
ابتسمت الموظفه : من عيوني
وفعلاً دفعت هيام وخلصت
الموظفه : تعالي معاي أوديك الجناح الخاص الي تتلاكمي به
ابتسمت هيام : يلا
وفعلاً اتجهت بـ هيام للجناح ووصلوا
ابتسمت الموظفه : حلو عجبك ؟
ضحكت هيام : ييييجنن مرتتب وكبيير
الموظفه : بنجيب لك المدرب
هيام بـ أبتسامه : لا انا مو مبتدئه ما أحتاج مدرب
الموظفه : اوه تمام يعسل ، أبدي من الان
هيام : تمام
وفعلاً نزلت الموظفه وبدّت هيام تتمرن وتلاكّم الكيس

~بعد ثلاث ساعات تمرين مُستمر~
طاحت على الارض جنب جوالها بتعب : ياربي التعب
قاطع هواجيسها صوت جوالها يدق
مسكته وشافت الي داقه همس وردت
: هل..
قاطعتها همس برّعب وبكاء : هيام هييام تعالي البيت بسسرررعه!!!!!
استقامت هيام بخوف : شفيييكم!!!!!
همس وهي تشاهق : هيء هيام في واحدء داهمنا وكان يسبك ويقول والله ماخليهاء وفيصل مسكه وضربه وجاء ذا ومو راضي يترك فيصل الا لما تجيين!!!
استقامت هيام برعب : تكذبيين!!!! جايتكم
قفلت بسرعه ولبست شوزها واخذت الكاب حقها وركضت للسياره بجنون
وفعلاً كانت تسوق بجنون
نزلت دموعها وضربت الدركسون : والله ماخليك ياملعون الوالدين
وفعلاً بدقيقتين قدرت توصل من سرعتها الجنّونيه
اخذت السلاح الي بالدرج وحطت به طلقات وحطته بخصرها
ونزلت وطقت الباب بجنون ومحد استجاب لها
وماقدرت تصبر وتسلقت الجدار وقمزت ودخلت البيت
دخلت البيت وهي تتمنى ان جدها ماشاف الي صاير
سمعت صوت البكاء والشهاق من الجميع
تنهدت وعرفت ان الموضوع من جواد
دخلت ونطقت بصراخ : شصاير !
نطق جواد بخبث : اهلااً اهلااً واخيراً تقابلنا ياحلوه ؟ هههههههه
هيام : ياليل ياجواد!!!!!
جواد بضّحكه : اوه طلعتي تتذكريني قبل اربع سنين تتذكرين صح ؟ هههههههههه
تحولت ملامح هيام لحدّه من شافت جواد ماسك فيصل
ونطقت بحدّه : اتركه
جواد بسخريه : مين ؟ ذا هههههههههه
هيام مسكت وجهها بعصبيه : موضوعك معاي انا لاتدخل احد ماله دخل
جواد : ماينفع معاك انتي ياما لاحقتك ومع ذلك تهربين !
ضحكت هيام بسخريه : لانك فاشل ولا انا اهرب من هالأشكال ؟
جواد ناظر لها بخبث : تحبينه ؟ هههههههههه
قربت هيام بشويش : مين ؟ فيصل
جواد : ايه
هيام ناظرت لفيصل الي كان يناظر وينتظر اجابتها ونطقت ببرود : لا
جواد : اوه زين عشان ما اخلف بوعدي
هيام بـ استغراب : اي وعد ؟!
جواد ضحك : كل شخص تحبينه وغالي عليك بقتله قدامك
ناظرت هيام له بحدّه بينما كمل كلامه بخبث وحقاره : يمكن.. زي امك وابوك؟ هههههههههههه
ماتحملت هيام وطلعت السلاح بوجهه : لو ماتركته الان بفرغ الطلق بنص وجهك
الجد جابر : هييام!!! لاااا!!!!!
نجد : هيام راح تصيرين مجرمه لااا!!!!
جواد ضحك ودف فيصل الي كان ماسكه على الارض : انتي قد كلامك ؟ سويها ! هههههههههههه
ضحكت هيام : لو انك كنت رجال كان قتلتني بذاك اليوم الي قتلت فيه امي وابوي ، لكنك مو رجال هههههههههه
ضحك جواد بسخريه وتقدم منها : عيدي كلامك ؟
ناظرت هيام له بحدّه : لكنك مو رجال ، تبيني اعيدها كم مره بالضبط
جواد بسخريه : عيديها وبقتلك زي ماقتلت امك وابوك قدامك ورميت عظامهم للكلاب
اشتّدت ملامح هيام من سمعت كلامه ونطقت بعمد تنرفزه : مو رجال ورخمه بعد عندك شيء ؟
رفع السلاح عليها ونطق بعصبيه : قدها صح ؟
هيام ناظرت له بضّحكه : انت قد الي تسويه صح ؟ يلا سوها كانك رجال
جواد نطق بعصبيه : لاتجيبين الموت لنفسك !!!!!
هيام ناظرت له بثقه : يعني تبيني اخاف من الموت مثلاً ؟ بتشوف كل شعور سيئ فيني لكن الخوف عمرك مارح تشوفه بعيوني
الجد جابر ناظر لجواد : نزل سلاحك عن بنتي !
جواد ناظر له : والله بنتك الي تبي الشقى لنفسها
وبحركه سريعه من ناظر جواد لـ الجد جابر
تقدمت هيام ولّوت يده الي كانت موجهه عليها بـ السلاح على ظهره
واخذت السلاح ورمته عند الباب وقربت من جواد ونطقت بضحكه : لما تكون رخمه كذا يصير بك
وفعلاً قدرت تطيحه وتخليه يطيح على ركبته قدامها : ها وين القوه حقتك ؟ ههههههههههه هذا وانا ماستخدمت سلاح ادقّ وجهك دقّ
جواد : والله مارح اخليك يابنت ****
ضحكت هيام ودقت على فراس : تعال لي الان برسل اللوكيشن
فراس بـ استغراب : تم
وفعلاً مسكته هيام وربطته وبالمده الي كان جاي فيها فراس
كانت تهدي اهلها انه مارح يصير شيء ابداً
التفتت على فيصل وقربت منه : عورك؟
فيصل تنهد : لا
جذب نظرها رقبته الي كان في جرح كبير عليها
قربت منه بعدم استيعاب قدام انظار الجميع وتكلمت بهمّس : والي على رقبتك ؟
مسكه فيصل : مايعور عادي
استقامت بعصبيه ولفت على جواد : انت الي مسوي فيه كذا ؟
جواد بسخريه : ايه عندك مانع ؟
تقدمت وعطته كف : هذا كف بس يبرد حرّتهم لكن انا ؟ مايبرد حرتّي الا لما اموتك بيدي
حاتم بعصبيه : ياهيام لا!!!! انتي صغيره على السجن
ضحكت هيام : مين الي بيدخل السجن !!! انا ؟ هههههههههههه
جواد ضحك : مردك للسجن لو قتلتيني
لفت هيام عليه : طيب اشوفك يوم قتلت اهلي مادخلت السجن ؟
جواد ضحك بسخريه : هذي سر المهنه مو وحده بزر جايه تقتل وماتدري وين الله حاطها
ضحكت هيام بـ اعلى صوتها : طيب وجريمه **** مين مسويها ؟
ناظر لها جواد بـ استغراب وصدمه : شعرفك فيها !!!!!
هيام بثقه : سر المهنه ياحبيبي هههههههههههه
جواد بعصبيه : مين معلمك عليها !!!!!!
هيام ضحكت : شفت البزر ؟ تقدر توديك ورا الشمس لكن انا احترام مني بوديك لربك ارحم
جواد بخوف : اقتليني سوي اي شيء لكن لاتعلمين احد عن هالجرايم
هيام ضحكت : ايه بقتلك وبنحرك بعد ليه يعني انتظر اذن الموافقه منك ؟
عمر : هيام انتي صغيره على السجن يابابا افهمي!
هيام ضحكت بحزن وقربت من عمها ومسكت يده وحطتها على قلبها : شفت هاذا ؟ به جرح كبييييير تدري مين سببه ؟
لفت على جواد : هاذا !
عبدالمجيد : مهما صار يابنيتي مايصير تردين له الحركه !
لفت هيام وضحكت : اشوفكم ماخذتوا حق امي وابوي ! ولا الي تفلّحون به تبكون بس
حاتم : احترمي نفسك !
هيام بحدّه : اذا انتو ماقدرتوا تاخذون حقهم انا باخذه بيدي
وقفت بالنص وتكلمت بحدّه : راح اقتل المريض هذا وللمعلوميه مارح ادخل السجن ، اهله يحبون الفلوس لذالك راح ادفع لهم ومقابل اقتل المتخلف ذا ومارح يقولون شيء
الجد جابر بزعل : يابنيتي وشوله هالحتسي كله !!!!
ضحكت هيام وحضنت جدها : جدي والله مارح تبرد حرتي ! لاااازم اشووووف قتله قدامي ياجد
ابتسم الجد جابر بحزن : ان شاء الله مايصير لك شيء يابنيتي
ابتسمت هيام ونجحت بـ انها تهديهمّ وفعلاً جاء فراس
تقدم ودخل بـ ابتسامه : السلام عليكم
الجميع : وعليكم السلام
توسّعت عيون فراس من شاف جواد الي مرمي على الارض ومربطّ : جواد !!!
وناظر لهيام الي كانت تضحك : شف شف !!!! مسكتيه من دوني !!!!
ضحكت هيام : والله لا هو جاي لآهلي يتهدد يبيني اجيه ويوم جيته ماقصرت معاه
ضحك فراس : ايوا شبغيتي
ابتسمت هيام : ابيك تاخذه للمكان **** وعاد مايحتاج اعلمك وش تسوي
دق تحيه فراس : ابشررري ! هههههههههههه
وفعلاً اخذ جواد واتجه للسياره
لفت هيام على اهلها الي كانوا متضايقين : طيب طيب مثلاً لو طلعنا طلعه عائليه كـ تمشيه شرايييكم
تداركوا البنات نفسيات اهلهم وصاروا يعززون لهيام
همس : اييي تكفييين هههههههههه
نجد : اكيييييد !!!
ابتسمت هيام ولفت على عمامها وزوجات عمانها وجدها : تم ؟
ياسمين : اكيد تم ليه لا يابنتي
نهى : انا بسوي القهوه
ساره : وانا الحلا
الجده غزيل : وانا العشاء
لطيفه : وانا الشاهي والفطاير
ياسمين ضحكت : وانا وش اسوي !
ابتسمت همس : ماما انا وياك بنسوي الفعاليات وكذا
ابتسمت هيام : ايييه هذول الناس الحلويين ، يلا اجل الصبح ترا نروح
الجد جابر ناظر لهّيام بهم وحزن : بنتي ، لاتروحين للشقه نامي عندنا
قربت هيام من جدها ومسكت خدوده : ووه وه جدي يزعل !!!! من عيوني ياجدي
ضحك الجد جابر : عاااشت بنيتي ، اجل تم على الطلعه
الجده غزيل : يلا كل واحد يروح ينام هالحين
ابتسمت هيام : ياجده خليهم علي انا بجلدهم
ضحكت الجده غزيل : ايييه زيين اجل مشينا ياجابر
وفعلاً اتجهوا جدانها لغرفتهم وكذلك عمانها وزوجاتهم وبقاء العيال والبنات
هيام : يلا انت وياه على سريرك
امجد : يليل ذي صدقت انها القائده
هيام مسكت اذنه : انت لسانك طولان يبي له قص
امجد مسك اذنه ونطق بضحك : هيهيهيام اترركييني ياكككلبه
ضحكت هيام : يلا انت وياه للنوم
عز : ابك سمي يابنت عمييي
ابتسمت هيام : اببو العزز الافضل
عبدالعزيز ناظر لها بغيرّه : وانا ياحيوانه !
هيام نطت عليه : اووف انت الحُببب كلله ههههههههههه
صالح بـ استغراب : دانا ! وراك تبكين
فّزت هيام من سمعت حديثّ صالح ولفت على دانا : دانو!!!
دانا بـ كذب : مابكي !!!
قربت منها هيام وحضنتها : ليه يادانو شفيك؟
دانا مسحت دموعها وضحكت : هرمونات بسس!
هيام ناظرت لهم بمعنى "خلونا لحالنا"
وفعلاً فهموا وطلعوا جميعهم وبقاء هيام ودانا
هيام بحّنيه : شفيك يامي ؟
دانا تنهدت : ياخي هيمو متى ترجع حياتنا الطبيعيه ؟ نكمل دراستنا ونروح للديره زي قبل بالصيف
هيام ناظرت بـ استغراب : تحبين الديره ؟
دانا زادت دموعها : هيام مو احبها لكن جدي يحبها ! جدي صارله كم مشتاق للديره لكن مايبي يتكلم ويعلم احد لان المصايب تجي ورا بعض !
هيام : جدي قالك شيء ؟
دانا نزلت راسها : هيام تعرفين جدي لو كان متضايق يبّان عليه علطول
هيام : شوفي ابيك تعلميني كل شيء عشان اعرف اتصرف ، جدي قالك انه مشتاق للديره ؟
دانا بحزن : ايه
بينما هيام كانت تفكر بالموضوع قاطعتها دانا بحكّيها : هيمو قالي بالحرف الواحد ، هيام احبها واعزها ولو تبين الصدق يابنتي هي اغلى حفايدي من يوم امك حامل بها وانا اقول هيام انا مسميها وبتطلع غير وماكذبت وفعلاً هيام غير لكن يابنيتي انا ماني مرتاح احس في شيء غلط بيصير وهالحين هيام ماهي عندي العام اقول معذوره مشغوله بشركتها بـ امريكا لكن هالحين يابنيتي هاذي هي هنيا عندي وحجزت شقه ويوم قلت لها اقعدي عندي وشفت ان غرفتها تسبب لها أزمه ماقلت شيء لآجل راحتها وصار عندها اشغال واجد لاني قادر اشوفها ولا اقعد معاها
دمعت هيام من سمعت كلام جدها لـ دانا وتنهدت : والله يادانا كل همي اني اتخلص من جواد الي يلاحقني وادري مقصره معاكم كلكم
تنهدت دانا ونزلت راسها
ناظرت هيام لها ومسكت فكها ورفعته : ارفعي راسك ! انتي بنت سليمان يادانا !!! بنات سليمان راسهم ماينّحني ياختي !
ابتسمت دانا : انشهد والله
هيام ناظرت لها بتفكير : طيب مثلاً لو حققت مبتغاكم وش لي ؟ ههههههههههه
دانا فزّت : تمزحيييين!!
هيام ضحكت : ماقد قلت لك كل شيء بتطلبونه مني بقول تم وحاضر ؟
دانا حضنتها : احببك ياهيمو
هيام : بس متى تبينها شرايك ؟
دانا : شوفي انا اقول كنسلي طلعه اليوم وناخذ جدي للديره مع عمامي وكذا كـ مفاجأه
هيام ضحكت : اجل الطلعه بخليها نسويها بالديره
دانا : عااااشت اختييي احببكك
استقامت وحضنت هيام بفرحه
ضحكت هيام : يلا امشي ننام
دانا بـ أبتسامه : يلاا
وفعلاً استقاموا وناموا زي ما ناموا الباقيه
-
~ الساعه 8:43 الصباح ~
هيام صحت وقومت الجميع
هيام ناظرت لجدها : يجدي
الجد جابر بضيق : هلا يبنيتي
هيام : جدي مثلاً لو قلت ان طريقنا للديره مو لكشته وش بتكون رده فعلك ؟
الجد جابر ناظر لها بصدمه : تحتسين صادقه !
ابتسمت هيام : وليه ! جدي متغير علي تراك
الجد جابر ابتسم : شسوييت يابنيتي
هيام : صاير تفضفض لغييري !!
الجد جابر حضنها : انتي غير يابنيتي غييييير
ضحكت هيام : يلا مشينننا للدييررره
امجد : والله ماروح !
هيام : انت اول من تروح ، قدامي يلا
ضحكوا على امجد وفعلاً اتجهوا للديره

                                   انتهى

اعذروني البارت قصير عارفه والله لكن ضغط علي بالحيل لاني اصوم واخلص قضااي فا اكون تعبانه بالحيل يعسولين
وعندي فكره حلوه بالحيييل راح تعجبكم مررره لكن ان قدرت بنزل البارت وان ماقدرت انزله بعد العيد مباشره
+ رمضان مابكون انزل فيه شيء لانه شهر عباده وبس ❤️