" لو طال البعد عمر الحُب مايذبل "

بارت (8)

                               بسم الله الرحمن الرحيم
- نرجع للأحداث -
تقدمت للسياره مغمضه عيونها وحاطه يدينها على وجهها وتبكي
عبدالعزيز بحّنيه : اهدي ماهو حاصل الا كل طيبّ
بدت تبكي اكثر : خايفه يسوون شيء ما احب المستشفى!
تنهد عبدالعزيز : لاتخافين مابيسوون شيء
اتجهوا للمستشفى
~عند عائله آل جابر ~
محمد يدور على نفسه ومتوتر
غسان : يبن الناس اجلس احولتني
محمد لف عليه بتوتر وعصبيه : كل تراب
عساف : يابن الناس تراه يبي يهديك ومايعرف يعبر تعال اقعد
نجد : منجد محمد اجلس وترتنا مابيصير شيء
لطيفه : شصاير شفيكم متوترين ؟
ياسمين وهي ماسكه الدله وتصب : شفيكم وش هالحركات والتشفيرات ؟
تنهد محمد ومسك وجهه يمسحه بتوتر : مافيه شيء ياعمه بس افكر بدوامي
لطيفه ناظرت له بشك : هالحتسي مايمشي علينا
محمد ناظر لها : عمه هيام طاحت من الجبل وانجرحت عينها
لطيفه شهقت : تقولها صادق !
ياسمين حطت الدله على الطاوله : متى! ووين البنت؟؟!
محمد ابتسم يهديهم : اهدوا بالمستشفى راحت
نهى ناظرت لمحمد : دق الان الان تدق عليها
استسلم وهو كان وده يدق من الاساس
دق على عبدالعزيز : ها ياعزوز شصار
ضحك عبدالعزيز : اخخخخ محمد هههههههههههههه
محمد توتر : ياحمار انطق شفيه
عبدالعزيز وهو يضحك بقوه : اختك كنها شمشون بعين وحده ههههههههههه هههههههههههههه هههههههههه
هيام من ورا الجوال : كلل تببنن ياشرشبيل مايضحك!!!
ضحك محمد بقوه من ذبه عبدالعزيز : تكفففى ههههههههههه طيب شصار عليها
عصبت نجد ورمت المخده على محمد : ياحمار تكلم وترتنا!
محمد لف عليها : اسكتي اشوي ، قل لهيام تصور شكلها اهلي يبون يتطمنون عليها ههههههههه
ضحك عبدالعزيز : يلا يلا
قفل ووصلته رساله هيام وهي مصوره عينها المسكره بغطاء وبعين وحده ومسويه حبتين
بدا يضحك بقوه : اخخخ ههههههههههه
لف الجوال عليهم وجميعهم ضحكوا وتطمنوا عليها
محمد لف : يلا نرجع لبيوتنا
الجد جابر : حنا بنمسك طريق انتو ارجعوا
حاتم : يبه مايصير! ماهو الحين تمسكون خط ناموا اشوي على الاقل
الجد جابر : لا ياولدي مايحتاج فيني طاقه اتحمل وهالمزيونه جنبي
وأشر على الجده غزيل
ابتسمت الجده غزيل بحياء : جااابر استح على وجهك
ضحك الجد جابر وجميعهم
عبدالمجيد : يلا اجل الله يسهل دربكم حنا نتفرق مع الباقين وناخذهم
ابتسم الجد جابر : اجل يلا يازوجتي المزيونه مشينا
ضحكت الجده غزيل : جدكم انهبل هههههههههه
همس غمزت للجد جابر : العببب جدي حركات غزل وكذا
ضربها بالعصى بخفه : وانتي وشعرفك بالغزل ؟
همس بوهقه : يعني جدي والله شوف..
الجد جابر ضحك : ابك لايكون تحبين احد ببالش يابنت !
ناظرت همس لغسان ورجعت ناظرت للجد جابر : لا يبه انا ويني ووين الحب
ابتسم عساف وناظر لغسان : ماتدرين يمكن الحب يطق بابك بيوم
غسان همس : ياحمار والله اوكلك تراب اسكت
ضحك عساف : ايه ياهمس الحب جايك مثل ماجاني وجاء نص الموجودين
الجد جابر ناظر لعساف : اجل جايك يالسلوقي ؟ ومين تعيسه الحظ
نجد مسكت ضحكتها : جدي وتعليقاته اموووتتت عليها ههههههههههه
عساف ضحك : ياجد وحده بنت اصّل لاخلصت اموري وخطبتها تعرفونها
شرقت نجد بالقهوه الي تشربها
ضحكت سارا : صحه صحه ههههههههههه
نوره مسكت بطنها وهي ميته ضحك : اخخخ نجدد هههههههههههههه
الجد جابر : انتظروا الاسابيع الجايه اشوف وش بلواكم واحد واحد
ابتسموا جميعهم ونطقت رهف : ياجد تراهم كذابين مايحبون ولاشيء
الجد جابر ضحك : اجل انتي الي تحبين؟
ضحكت رهف بتمثيل للحزن : اخخخ عذبننني الحب ياجد هههههههههه
الجد جابر بضحكه : انتي لو تكفيّنا من مشاكلك بالمدرسه بس ههههههههههه
رهف لفت على الجد جابر : جديي! هههههههههههههه
الجد جابر ضحك : وانا عند ربي صادق ! ههههههههه
لفت الجده غزيل : امش قدامي لامسك العصى واكسرها على راسك اخرتنا!
ضحك الجد جابر : سمي طال عمرشَ هههههههههههه
ضحكت دانا : جدتي ممشيه جدي على السراط المستقيم هههههههههههه
ضحكت لولو : تعجبيينيي ياجده ستروننق ومن عشتتي هههههههه
راما ضربت لولو بخفه : اسكتي ياحيوانه حرام عليك ههههههههههه
نوره : يبنات والله جدتي لازم نتعلم منها
نادر ضحك : انتي مشي امورك على السراط المستقيم بعدين فكري تمشين رجال على السراط المستقيم
ضحك عز : اخخخ نادر بطننني هههههههههههههه
امجد : حلوهه حلووه هههههههههههههه
فارس ناظر له : بالله لاعاد تذب
ناظرته نوره : شايف راسك كنه كوره تنس ؟ بالله سد فمك لاعاد تتكلم انت تبي تقول ذبه تقول سالفه ههههههههههه
ضحكت دانا بقوه : اااخ يانوووني اموت علييك هههههههههههههه
رهف ضحكت : القم والله انك تستاهل هههههههههههههه
نادر ناظر لنوره وشمق لها
ضحكت نوره بشماته : لاتطير بس هههههههههههههه
حاتم : يلا عاد بس انت وياه
عبدالمجيد : يلا مشينا لبيوتنا
وفعلاً الجميع اتجه لبيته
محمد اخذ سياره هيام : انا بسوق بها تعالوا معي
عمر : والله انك تعقب تبي تفحط فيها وتخرب سياره اختك ؟ مافيه
عساف انت سوق فيها وخذ محمد وفارس و سارا ونجد ولولو ورعد ورهف وعز وغسان وهمس ونادر ونوره
لف على حاتم : وانت خذ زوجتك ويارا والليّث ودانا وصالح وراما وامجد
ولف على عبدالمجيد : وانت خذ زوجتك وروحوا لحالكم
وغمز له وضحك
عبدالمجيد ضحك : لبى الاخ الي يفهم يلا مشينا
اتجهوا على حسب ترتيبهم
-
~ عند عساف ~
ركبوا جميعهم واتجهوا بطريقهم
نجد : عساف شغل اغاني طفش
محمد : شغل اغاني نردّح عليها يبو خالد
ضحك عساف : تبّشر بي يولد سليمان
ابتسم محمد وشغل ساجده "خاله وياخاله"
بدوا يرقصوا محمد وعساف وغسان وعز ورعد على الاغنيه
بينما البنات يضحكون عليهم
نجد : عسسااففف حط هيفاء وهبي
عساف ناظر لنجد من المرايا : منجدك وهيبتنا ؟
نجد ضحكت : يبوي اي هيبه اخلص حط بوس الواوا
ضحكت لولو : جووووي جوي جوي
لف رعد عليها يتأملها
لفت تناظر له تبادله الابتسامه ولفت للشباك
ناظرت نوره لنظرات رعد لـ لولو وهمست لها : الععبب يالنظرات هههههههههه
همست لولو : ياحيوانه استحي اسكتي هههههههه
التفتت لولو لـ نادر الي يناظر لـ نوره وضحكت : جايك الدور وانا بنت عمك ههههههههه
ناظرت نوره لها بـ استغراب : وش قصدك؟
التفتت لنّظر لولو وقلب وجهها احمر وهمست : أنسي !
ضحكت لولو : نشوف نشوف هههههههه
محمد ضحك : سارا تهوجس شوفوها
سارا ضحكت تمسح عيونها بنعاس : نعست وربي هههههههههه
همس : يلا حطوا هيفاااء وهبييي
غسان ضحك : جت الغنوجه
همس لفت عليه : كلنا غنوجات مو زيكم طعوس ايو هههههههههه
ضحك غسان : يااااااي
همس ناظرت له بطرف عين : كل تراب هههههه
حط عساف الاغنيه وبدوا يغنوا معاها البنات
بينما محمد يهز كتفه على الاغنيه ويتدلع بـ أستهبال : اييوه عااشش ههههههههههه
ضحكت سارا : يبوي انت تطقطق على جونا وانت كنك حبيب اخوه؟ نظاره وجل هههههههههههههه
ضحك محمد : بتلثم اجل
تلثم ولف عليها : والحين ؟
ضحكت سارا : الحين ايوه انسان طبيعي هههههههههههههه
ضحك وصد للشباك يناظر الطريق
اما فارس كان يفكر ومو حولهم ولامشارك معاهم ابداً
لف رعد على عساف : يبو خالد امش للمستشفى عند هيام خل نشوف شصار عليها
ضحك عز : قد انها فاطسه ذلحين هههههههههههههه
لفت رهف بعصبيه : بسم الله عليها الله لايقولها ياحمار!
فارس لف على عز : لاتتفاول لا اسدحك الحين
لف محمد بضحك : الحين اهتميت وصرت الحنون ؟ ههههههههه
عز ضحك وناظر لرهف: من غير شر لاتبكين
صدت وهمست بعصبيه : غبي
عز ناظر لها وهو رافع حاجبه : سمعتك !
لفت رهف تناظر : طيب؟؟؟
عز ناظر لها بـ استغراب : هاذي شفيها منفسه
ضحكت نجد : رهف شكل نفسيتها ذا الاسبوع ماش خلها يازق عز
عز لف على الجدار بـ استغراب وبدا الهدوء من رهف وعز ومالهم حسّ
لفت نجد : عساف منجد ودنا المستشفى خلنا نشوف الشمشون حقتنا شصار عليها هههههههههههههه
لولو ناظرت لهم وابتسمت : هييي الا اختي !
ضحكت همس : يوووه نسينا اختها معانا والله بعير ذي ان حقدت ماتفكك ! هههههههههههههه
ناظرت لولو لها : كووولي تبن!!!! هههههههههههههه
ضحك محمد : وانا يالطيبه نسيتيني؟؟؟ ههههههه
همس ضحكت : يليل يا هالعايله ذي ههههههههههه
غسان : يطلعون لك من تحت الارض كنهم نمل هههههههههههه
ضربت همس غسان : كل تبن بس انا اذب عليهم انت لا
ضحكت لولو : اخ منك احبك هههههههههههههه
ضحكوا واتجه عساف للمستشفى زي ماقالوا له
دق عساف على عبدالعزيز : ترانا جايين عزوز
ابتسم عبدالعزيز : حياكم الله
قفل وناظر لهيام : وش كنتي تقولين ؟
ابتسمت هيام : بليز قبل انام ويجون اذا صحيت ابغا اطقطق اني ما اعرفهم لاتعلمهم
عبدالعزيز : لا مستحيل انسي
هيام ناظرت له : عزوووز بليييز لاتخرررب
عبدالعزيز : لا لا
هيام تأففت : عيني مجروحه ولا عطيتك الوجه البريئ بس مايضبط بعين وحده ياحيوان
ضحك عبدالعزيز بقوه : اخ موتتينييي ههههههههههه هههههههههه هههههههههه ههههههههههه
هيام : يلا بنام وخر
ضحك عبدالعزيز : نوم العافيه
-
~ عند العيال والبنات ~
دخلوا المستشفى همس وغسان ومحمد ونوره ونادر وسارا ورعد ولولو يتسابقون
اما نجد وعساف وفارس يضحكون عليهم
نجد : تكفى عساف شوف البزارين هذول !!! هههههههههههههه
ضحك عساف : والله كنهم روضه مب أبتدائي بعد هههههههه
فارس : ياليل ذول كنهم تيلي تابيز ! هههههههههههههه
ورهف ونادر ساكتين ويمشون بهدوء
اتجهوا للموظفه
وقفت لولو وهي تضحك : رعد ليش ماخليتني افوز ياحييوان! هههههههههههههه
رعد ضحك بقوه : شكلك يضحك وربي هههههههههههههه
لفت لولو على الموظفه : السلام عليكم
الموظفه بـ أبتسامه : وعليكم السلام : آمريني مين بغيتي ؟
لولو : هيام بنت سليمان ، موجود الاسم عندكم ؟
لفت الموظفه للكمبيوتر وناظرت لها بـ ابتسامه : ايوه موجود ، غرفه 109
ابتسمت لولو : شكرراً
اتجهوا يركضون للغرفه ودرعموا عليهم بقوه وهم يضحكون
فز عبدالعزيز من ضربه الباب وفتحته القويه ولف بعصبيه : بشويش ياسملق ! بالغصب تنام من الم عينها
وقفوا وسكتوا كلهم
محمد : شصار عليها ؟
عبدالعزيز : توهم حطوا لها مسكن بـ ابره من كبر الجرح مايقدرون بـ قطره او علبه لذالك بـ ابره حطوا لها وبالغصب نامت
ابتسم محمد وحضن عبدالعزيز : ماقصرت عزوز الله يسعدك
ضحك عبدالعزيز بخفه : مابيننا ياحمود ، جايبين القبيله كلهم معاك ! هههههههههههههه
ضحك محمد : مو كلهم من غير شر نصهم هههههههههه
ابتسموا ودخلوا وجلسوا للصباح بالمستشفى مع هيام
الساعه 7:32 الصباح
مسكت راسها بصداع تحاول تستوعب : رااسي
فزوا جميعهم من صوت هيام والتفتوا
محمد : هييمو شفيك سمي
لولو : هيام فيك شيء؟
مسكت راسها ب الم : راااسي يوجعننني
تقدم عبدالعزيز بسرعه ينادي الدكتور
تقدم الدكتور بسرعه : ايش تعانين منه ؟ قولي الي تحسين فيه هيام
هيام ماسكه راسها ب الم : احس بصداع وعيني تعورني
التفت الدكتور للممرضه الي معاه : جيبي ابره واحقنيها بمسكن ب اسرع وقت والكريم والقطره بسرعه
توجهت الممرضه تركض وسوت زي ماطلبها الدكتور
بينما الجميع متوتر حولها
تقدم الدكتور يفك الغشاء الي على عينها
مسك مناديل وحطها بمويه دافيه وبدا يمسح بقايا الكريم الي حطه امس لها
محمد مسك راسه من شاف كبر الابره : هاذا كيف يحطها بعين اختي!
مسك ضحكته عساف : ياغبي مابيدخلها بس ينزل المسكن على عينها
لف نادر : طيب ليه حطها ب ابره ليه مو ب قطره؟
عساف : لان الابره الحده حقتها تحدد مكان الجرح اكثر من القطره الفتحه حقتها سميكه عكس الابره تحدد مكان الجرح وتحط المسكن بدقّه فهمت ؟
نادر : اهاا
ضحك غسان : اتحداك ان فهم شيء ذا مسبّك ههههههههه
تقدم الدكتور ياخذ الابره وبدا يحط لهيام ويحط كريم اخر شيء
حط غشاء جديد وسكر عينها المجروحه : زي ماقلتلك ياهيام استغلي كل ماحطيت لك المسكن تنامين فيها وتشافين عينك بالنوم والان حاولي تنامين وبتقومين بعدين وبرجع احط لك مسكن الين ماتطيب عينك تماماً بأذن الله ، سلامتك
هيام بـ الم: الالم ماراح
ابتسم الدكتور : دقيقتين ويبدأ مفعوله والان استأذن
التفت على عبدالعزيز : اي شيء يصير نادني
عبدالعزيز : يعطيك العافيه
ابتسم الدكتور وطلع هو والممرضه
اما هيام كانت ساكته وماسكه راسها بـ الم تنتظر المفعول يبدأ
تقدم فارس يناظر لها : هيام اخبارك الحين
هيام ناظرت له بـ استغراب : مين انت؟
فارس توتر : اذا زعلانه مني انا اسف
هيام : مين انت عشان ازعل عليك طيب ؟ ماعرفتك
فارس ناظر للعيال بـ استغراب وهمس : شفيها؟
اما عبدالعزيز حاول يمثل انه حزين : فقدت نص ذاكرتها ولو استمر الصداع معاها بتفقدها كلها
شهق محمد : ياحيوان!!!!
تقدم محمد ولولو منها
محمد : هيمو تعرفيني ؟
لولو : وانا؟
عبدالعزيز : لاتضغطون عليها ويزيد صداعها وخروا عنها
هيام ناظرت لهم : ما اعرفكم ، اعذروني بنام
نامت متجاهلتهم
مسك راسه محمد بصدمه وهو يرجف : بتنسى الذاكره!
لولو تناظر لرعد المصدوم وعيونها دموع تحاول تمسكها : يعني نستها نستها؟
رعد ناظر لها : يمكن مانستكم لاتضغطون عليها عشان ماتنسى اكثر
ابتسمت هيام وهمست بتعب وهي مغمضه عيونها : قلنا تحبها بس ماتواسيها قدامنا كذا
لفت لولو عليها : وش يعني؟
ابتسمت هيام : مصدقه اني انسى الذاكره ؟
لولو بدموع متخالطه بـ أبتسامه : يعني مانسيتينا !!!
ابتسمت هيام : انسى اخواني ؟
نادر : وعيال عمامك ؟ هههههههههههههه
ضحكت : ماعليك مانسيتكم ههههههههه
عبدالعزيز ناظر لمحمد وهو يضحك : شف بالله كنها قرصان هههههههههه هههههههههههههه هههههههههههههه هههههههههه
تكتفت هيام بزعل : حمودي شوفه من امس وهو يطقطق علي
محمد قام وضرب عبدالعزيز : عزوز ياحيوان لاتزعل اختي
عبدالعزيز بضحكه : والله تضحكني من امس وانا ماسكها جدوله هههههههههههه
محمد : ياحيوان تعقب هههههههههههههه
ضحكت هيام وبدوا ياخذوا ويعطوا
التفتت رهف : هيمو نامي
هيام : اسكتوا بنام
ضحكت رهف : من عيوني
~ عند السياره الثانيه ~
صالح : يلا دانا انزلي
لفت دانا : كل البنات والعيال موجودين بالمستشفى ابي اروح!
صالح تأفف : يبنتي زياده عدد ليش نروح
دانا عصبت : اختي! بروح اشوفها!!!!
صالح ناظر لها : اذا جينا بنزيد عليهم دانا ! بلا حركات بزران
دانا : صالح تكفى
استسلم صالح : لابو الي يرفض لك طلب امشي
ضحكت دانا ولفت على يارا وراما : تجون ؟
يارا : اي انا معك
راما ضحكت : خذيني من امجد البلشه
الليّث : وانا معاك بجي
يارا : مو على اساس تعبان ؟
الليّث : مالك دخل
ناظرت له بنرفزه وشمقت له
لفت دانا على امجد : تجي ؟
ضحك امجد : قاعد على قلبك ياراما جاي جاي ههههههههه
راما تأففت : يليل النشبه
توجهوا للسياره مع صالح وللمستشفى
~ عند عساف والعيال ~
لولو ناظرت لرعد النعسان : رعد شكلك يضحك وانت تقاوم قوم نام
رعد مسح عيونه يطير النوم : لا مابي مافيني نوم اصلاً
همس ضحكت : انا مو نايمه انا مسترخيه هههههههههه
ضحك رعد : ياحبك للرياكشنات ههههههههه
همس : معرف أعيش بدونهمم
لفت نجد : يبنات ترا دانا والباقيه بيجوا
ضحكت سارا : القبيله كلها هنا ههههههه
محمد : ايه حبيبتي اختي تراها كلهم يجوا غصباً عنهم ههههههههههه
سارا ناظرت له : يووه يازين هيمو بس ، مدري كيف انت اخوها
ناظر لها بـ استغراب : وش يعني؟ وشفيني انا عشان اكون مو اخوها؟
ضحكت همس : يابنت اسكتي عنه الحين يتحسس ويضيم هههههههههههههه
سارا ضحكت : هاذا المطلوب هههههههههههههه
ناظر محمد لها : ياشينك بس كنك غراب اسكتي بس
ضحكت سارا بقوه : تحسس تحسس هههههههههههههه
تجاهلها وكملوا حديثهم
~ وصلوا صالح ودانا وامجد وراما ويارا والليث ~
اتجه صالح للموظفه : السلام عليكم
ناظرت الموظفه لـ صالح وأبتسمت : وعليكم السلام كيف اخدمكم ؟
صالح : في وحده..
قاطعته دانا : في وحده هنا اسمها هيام بن سليمان ، حابين ندخل عندها
ناظر صالح لـ دانا بـ استغراب وهمس : وش مبرر حركتك ؟
ناظرت له ووجهت نظرها للموظفه
: ايوه ياحلوه بغرفه 108
ناظرت لها دانا : شكراً
تجاهلته ومشت ومشوا وراها راما ويارا والليّث وامجد
ناظر صالح لقفاها وهو رافع حاجبه ولحقهم
اتجهوا للغرفه ودخلوا
ابتسمت دانا : هلا ووالله
راما ضحكت : اوف نوره ورهف تكفون هههههههههههههه وحشتوني
نجد : امداك هههههههههههههه
ضحك رعد : ذي لو تختفي عنهم ثانيه اشتاقت لهم
لولو : راما وحنا !
راما ضحكت : افا عليك
عبدالعزيز : اصواتكم هيام نايمه
صالح : شصار معاها
محمد : مافيها الا كل خير بس يبي لها تتنوم كم يوم تحت مراقبتهم وبعدها نطلعها
دانا ابتسمت براحه : الحمدلله يارب
رعد : تبون نجيب قهوه ؟
دانا : انا بروح اجيب هاتوا طلباتكم
اخذت طلباتهم كلهم ولفت على العيال : مين يوديني منكم
صالح قام : امشي
تأففت من عرفت انه مابياخذها الا عشان يعرف سبب حركتها
لحقته واتجهوا للسياره
جلست على جوالها بينما صالح فتح السياره واتجه للكوفي ومليون تساؤلات براسه
وصل للكوفي وطلبت طلباتهم كلهم وانتظرت عبال مايخلصوا
لف صالح على دانا : اتركي الجوال
ناظرت له بـ استغراب : بصفتك مين تآمرني ؟
صالح ناظر لها بتنهيد : ما ادور المشاكل سولفي معي طفشان
تركت الجوال دانا ولفت عليه : ادري وش بتسأل ووش سالفتك
صالح ناظر لعيونها : وعطيني أجابه واضحه لسؤالي الي لحد الأن ماطرحتّه
دانا رفعت اكتافها بعدم معرفه ولفت قدام
ناظر صالح لها : وش يعني
ضحكت دانا : يعني معرف
صالح : كيف معرف ؟
دانا ناظرت له : الموظفه بنت مب ولد عشان تتكلم معاها طيب
صالح : ووش فرق ؟
دانا التفتت له : اذا كلمت ولد قدامك بترضى ؟
صالح ناظر لها بعصبيه : أعقبي وش هالهرج الي تقولينه!
دانا ضحكت : نفس الشيء أجل بتعقب أنت ومابتكلمها دامها بنت
التفت صالح للطريق ب أستغراب وهو يفكر بكلامها بمنطقيه وبعدم منطقيه لأجل يرضي جميع تساؤلاته
اخذوا الطلب واتجهوا للمستشفى
دخلوا الغرفه : بنات تعالوا ساعدوني يييوجع كثييرر
نجد نطت : بسم الله عليك تعالي
تقدموا البنات يساعدونها وياخذوا القهوه والحلا
رعد ضحك : والله انك اسطوره ياخي ههههههههههههه
ضحكت دانا : توك تدري يعني هههههههههههه
قامت هيام على ريحه القهوه ونطقت بـ نعاس : أبي
التفتوا كلهم لها ونطق محمد : سمي وش بغيتي
هيام أشرت على القهوه : أبغا
ضحك محمد : هاذي اختي الي اعرفها
قام عبدالعزيز واخذ قهوته وقدمها لـ هيام : تفضلي
هيام : v60 صح؟
عبدالعزيز أبتسم : ما اشرب غيرها يفداك خذيه
أبتسمت هيام : شكرااً
ابتسم عبدالعزيز ورجع لمكانه
همس له محمد : يولد ماكان له داعي تعطيها قهوتك
دانا لفت : تبي اروح اجيب لك؟
عبدالعزيز : لا لا مايحتاج اساساً ماكنت مشتهيها
رجعوا لسوالفهم وضحكهم الا عبدالعزيز
كان يناظر بـ هيام الي تشرب القهوه ومبسوطه
عبدالعزيز : عجبتك؟
أبتسمت هيام : مررا حلوووه طعمها راييق
ناظر لها بتأمل وسرح فيها وماكان يمّ سوالفهم ابداً
وكان تركيزه بـ تحركات هيام وافعالها لا أكثر
هيام ناظرت لـ عبدالعزيز وأشرت بيدها بمعنى تعال
أبتسم لها وجاء جلس مقابلها بالسرير وهمس : وش بغيتي سمي
هيام وهي تناظر للقهوه ونطقت بـ همس : ودي أسافر
ناظر لها عبدالعزيز بنفس مستوى صوتها نطق : أول تتشافى عينك مافي روحه وعينك كذا
هيام ناظرت له : ترا بتشافى بسرعه!
عبدالعزيز تنهد بـ ضيق : ووين تسافرين؟ نفس شركتك ؟
هيام تنهدت : ايوا لازم اروح خلال اربع ايام عندي
ناظرت له بتفائل : بس عندي فكره!
ناظر لها عبدالعزيز ولحماسها واستغرب : ايش هي
هيام أبتسمت : شرايكم نروح كلنا مع بعض سفره انا اخلص من شركتي وبعدها ننبسط اشوي ونرجع؟ مو تحس أفضل من اني اروح لوحدي
ناظرت للقهوه وتنهدت : المكان موحش لو كنت مبتعث ولوحدك
رفع راسها وناظر لها : خلاص أبشري بس لا اشوفك زعلانه
ابتسمت بـ حماس : بحجز لكم كلكم معااي
أبتسم عبدالعزيز : ماله داعي انا احجز لنفسي ان كانك بتحجزين للسملق ذول نتقاسمهم ياكثرهم ماشاءالله
ابتسمت هيام : مايهم حجز والله ادفع ملايين بس تعالوا معييي
ابتسم عبدالعزيز : خلاص أبشري بس خليك مبسوطه دايم هههههههه
ناظرت هيام له ولعبت ب اظافرها : تم

 

                                        انتهى

حبيت اشكركم على دعمكم العسل
ومعليش على البارت المختصر
توقعوا الكوبلات بالانستا
             👇🏻
         mf_xwi