: اصحى يا ابني قوم صلي الفجر .
؛ تمام يا ماما هبقى اصليه مع الظهر لما اصحى عشان عايز اكمل نومه !!!!
: ماشي يا حبيبي نوم العافية !!!!!!
####################
بجددددد انتوا بتتكلموا بجد ؟
قولوا انكوا بتهزروا
لا ده طلع بجد يعني النوم ده اللي هتنامه اهم من صلاة
الفجر يا اخي ده حتى بيقولك الصلاة خيراً من النوم
يعني الخير مش هيجيلك و انت قاعد نايم روح صلي
الفجر يمكن ربنا يرزقك مش تقعد سهران طول الليل على الموبايل بتكلم حبيبة القلب او بشكل ادق حبيبات القلب ما هم مش واحدة دول كتييير و وقت صلاة الفجر بتبقى عامل زي القتيل ؟!!
على فكرة الكلام ده مش للأولاد بس لا ده للبنات كمان
و بعدين هم مش ملايكة يعني لأ هم زيهم زي الأولاد
يعني واحد راجل بـ شنب و تسأله بتصلي يقولك لأ
تسأله ليه يقولك انتَ عارف بقى مذاكرة و دروس و شغل الواحد مش فاضي !!
ي اخي و ياريته قعد يذاكر ده شوية بيلعب كورة في الشارع و شوية في النادي و شوية بيصيع مع أصحابه
و أهله كل ده قاعدين نايمين على ودانهم اه والله زي ما بقولكم كدة ولما تسأل أهله انتوا ما بتقولوا له يصلي ليه
يقولوا ده الواد لسه صغير و بعدين يعني لما يكبر هيهتم
بصلاته من غير ما نقعد نقوله
لا الصراحة و جهة نظر تترمي في الزبالة ااا قصدي
تحترم
و بعد كل ده ييجي في النتيجة يبقى جايب درجة زي
وجهه ؟!!
مش انتَ ي خويا كنت سايب الصلاة عشان تذاكر فين بقى المذاكرة دي
انا هقولك انتَ حتى لو كنت بتذاكر و مش بتصلي يبقى
انتَ كدة بتذاكر على الفاضي عشان ربنا مش راضي عنك
ربنا يهدي جميع المسلمين يااااارب 🤍
و بسسس
_________________________
