بلاش ثم بلاش ثم بلااااش ⚠️❌
بلاش تقارن او تقارني ابنك او بنتك بحد تاني بلاش تقول لأبنك شوف فلان شاطر ازاي شوف علان مجتهد ازاي مش زيك ما بتعرفش تعمل حاجة،قاعد مالكش لزووم،ومن الكلام السم ده ......... بلاش انتي الام تقولي لـ بنتك شوفي بنت خالتك بتعرف تعمل وتعمل وانتي ما بتعرفيش ....... شوفي صاحبتك جابت درجة اعلى منك وانتي قاعدة بتلعبي ....... وكلام كثيييير من ده
لو عايز/ة تغيّر من ابنك او بنتك للأفضل فـ احب اعرفك انه مش بالطريقة دي انما بالتشجيع وانك دايماً لازم تعرفه او تعرفها ان الفشل مش آخر حاجة عادي يفشل مرة واثنين وثلاثة لكن اهم حاجة انه يوصل للي عايزة واللي يرضيه
يعني مثلاً لو جاب درجة ضعيفة عااادي
العالم مش هيدمر، يشوف هو ضعيف في اي مادة ويشد عليها اكثررر ويذاكرها كويس و لو جاب درجة متوسطة
خليه يسعى انه يجيب الممتاز يشوف ايه المادة اللي واقفة معاه ويركز عليها اكثر من باقي المواد
و عشان انت تشجعه ممكن توعده بجائزة لو جاب درجة
حلوة ومش لازم تبقى جائزة كبيرة اللي تقدر عليه جيبه
ومش شرط ابداً تكون حاجة مادية عادي ممكن تخليها
خروجة يعني اوعده لو اجتهد في دراسته هتوديه للمكان الفلاني .
وبسسس
اشوفكم في البارت الجاي ❤❤❤
