تخيل معايا كدة انك في الجنة يعني كلللل حااجة هناك
حلوة و فيها حياة أبدية يعني أحنا مش هنموت
ما فيش حاجة أسمها موت و اي حاجة تخطر على بالك
هتلاقيها موجودة و مش بس كدة ده حتى الشجر اللي في الجنة مش زي اللي في الدنيا الشجر هناك بتكون
قصيرة اوي و انت لو عايز بس تفاحة منها تقطفها بكل
سهولة ما هى قريبة منك و مش بس كدة لا ده انتَ بعد ما تقطفها هتطلع تفاحة تانية مكان اللي قطفتها و تفاح الجنة مش زي الدنيا خاااالص ده فيه حلاااوة ان شاء الله يااارب نذوقها كلنا و مش بس التفاح اللي حلو ده كل الفاكهة و كمان غير الفاكهة يعني من الآخر دي حياة اي حد بيتمناها يعني ياااارب كل واحد مسلم يسكنه ربنا فسيح جناته .......
طب ما سألتش نفسك كدة و أنت بتقراء الكلام ده
انت هتدخل الجنة ازاي و انت لا بتصلي و لا بتفتح
القرآن ولا تعرف عنه حاجة و مش بس كدة ده انتَ غرقان في الذنوب و المعاصي شوية ماشي مع بنات و شوية مع أصحاب السوء و كل غلط بيعملوه بتتعلمه منهم و تعمل زيه بس دي مش النهاية على فكرة أنتَ ممكن تتوب و تستغفر ربك عن كل غلط عملته
"إن الله غفوراً رحيم "
لازم دايماً تفتكر الجملة دي أن ربك غفور رحيم يعني
حتى لو كانت كـ " زبد البحر " يعني لو ذنوبك دي قد زبد
البحر ربنا هيغفرلك ......
و انتي ما سألتيش نفسك نفسك ولا ايه؟
اه صح معلش كنتي بتصالحي خالد طب و لما خلصتوا
كلام برضوا ما فكرتيش شوية بالكلام ده؟
اه كنتي بتحطي مناكير اهاا معلش احنا آسفين اننا قاطعناكي لما تخلصي ابقي قولي لنا
كفاااااية حرام عليكي جهنم قاعدة بتناديكي ي شيخة و بتقولك انا هنا مستنياكي !!!
ي جماعة بجد حرااام اللي بيحصل ده الناس هجرت دينها و هى مش حاسة ليه كدة يعني انتَ عايز يكون
مصيرك جهنم ؟...... رد عليا انتَ عايز كدة؟
يعني تخيل لو انت دخلت النار !!!!!!!
و نار الآخرة مش زي اللي في الدنيا لأ دي أشد بكثييير
و مش هتفضل في النار يومين ثلاثة ده انتَ هتفضل في النار إلى أجل غير مسمى يعني إلى مالا نهاية مافيش موت يا بابا انتَ هتفضل تتشوي في نار جهنم
للأبد يعني عذاااب مش بيخلص انتَ متخيل الموضوع !!!!
بس انت عارف، انتَ تقدر تغير ده و هو انك تتوب و تستغفر ربنا و تقوم بالأعمال الصالحة و تحافظ على صلاتك كاملة الأركان و في وقتها و تقراء وردك اليومي من القرآن صدقني حياتك هتتغير 🤍
و بسس
___________________________
