تبقى ماشي انتَ و صاحبك في الشارع مروحين من الدرس او اي مكان فـ تلاقيه مخلص زجاجة البيبسي
و يروح راميها على الارض !!!
انت هنا تحب تنصحه و تروح قايله " ي عم ما ينفعش ترمي الزبالة في الارض كدة انت بتلوث الشارع"
يروح صاحبك قايلك و هو بيرفع ايده بدون اهتمام
" و الشارع هيتلوث بسبب ازازة البيبسي بتاعتي
يعني هى جت عليا "
ستووووووووب
حضراتكوا رايكوا ايه باللي شفتوه من شوية او بشكل أصح قرأتوه دلوقتي هنسأل الاستاذة نادين و نشوف وجهة نظرها باللي حصل
نادين 👧🏽"على فكرة اللي حصل ده مش كارثة ولا حاجة
زي ما حضرتك بتقولي و بعدين هى ازازة بيبسي و في الآخر هييجي حد من الزباليين يرموها و خلاص خلصنا"
انا 🧐 "امممم الصراحة وجهة نظر تترمي في الزبالة"
و دلوقتي هنسمع رأي الاستاذ حسام في اللي بيحصل ده
انا 🧐 "ايه رأيك ي أستاذ حسام باللي قالته الاستاذة نادين"
حسام 🙍🏼♂️ "انا حبيت بس اصحح الكلام اللي هى قالته
اولاً اسمهم عاملين نظافة مش زباليين ثانياً هى كارثة فعلاً و ثالثاً و الأهم لما هو هيرمي ازازة بيبسي و يقول عادي في غيره هيعمل كدة و فيه غيره هيتأذى بسبب الازازة دي انا مش بتكلم عن الزجاج بس لأ كلوو 👍🏼"
انا 🧐 "الله ينور عليك ي حس هو ده اللي انا عايزة اوصله للكل و اشكرك جداً جداً و آسفين على الازعاج"
حسام 🙍🏼♂️ "العفوو ي استاذة سهى و طبعاً مافيش ازعاج"
________________________________
اتمنى حلقتنا الخفيفة اللطيفة تكون عجبتكوا و وصلت رسالتنا و بكدة خلصت حلقتنا للنهاردة و اشوفكم في حلقة جديدة معايا انا سهى محمد ✨
وبسسسس
