عشقت عذابي 🤍

البارت الثاني

خالد برق بزهول وقال بصدمه...ابنك..ابن مين هو انتي ...
فتون قالت بصر*يخ..ايوه ..ايوه حامل ..حامل الحقنيييييي
خالد شالها بسرعه وهو مصدوم جدا من اللي قالتو وقعدها في عربيتو وطلع على اقرب مستشفى

بعد فتره من الانتظار طلع الدكتور وقال..النز*يف وقف الحمد لله والجنين بخير بس ضعيف شويه ...حضرتك جوزها
خالد بلع ريقه وغمض عنيه بوجع وقال..ايوه
الدكتور قال..طب خد بالك لصحتها جسمها ضعيف ومش لازم تتعرض لاي تعب او مجهود لاننا كنا هنخسر الجنين لولا ستر ربنا ..عن اذنك
بقلمي..زهرة الربيع

الدكتور مشي وخالد سند على الحيط بالم وحاسس الدنيا بتلف بيه نزلت دمعه من عيونه بس مسحها بسرعه ودخل لفتون يطمن عليها ويفهم منها

استوووووووب ثانيه ناخد فكره سريعه عن ابطالنا الحلوين...

اولا: نادر النوري ابن عيلة النوري رجل اعمال ناجح جدا شاب وسيم بملامح رجوليه جذابه عمره ٢٧سنه بس الحلو ميكملش لان اطباعو تختلف عن شكلو عصبي ومغرور جدا ولسانو مبيرحمش

ثانيا :بطلتنا الجميله فتون الطحاوي بنت جميله جدا جمالها لايوصف شقرا بعيون رمادي رهيبه بيضا وشعرها طويل مموج فتون عمرها ١٩ سنه وطيبه ومتواضعه رغم مركذ عائلتها المرموق

خالد اتعرفنا عليه وبقيه الابطال هنعرفهم مع الأحداث

نرجع بقى لخالد دخل عند فتون والدموع بتلمع في عنيه قال بهدوء سلامتك...الدكتور بيقول لازم تاخدي بالك من صحتك علشان...علشان الي في بطنك
فتون بصتلو بدموع وقالت...شكرا يا خالد الله اعلم ايه اللي كان هيحصل لو مكنتش موجود
خالد ابتسم بحزن وقال...ولا يهمك الحمد لله انك بخير ..احم..هو ..هو ليه نادر عمل كده..هو والد الطفل مش كده

فتون قالت بدموع..ايوه..هو ..بس..بس فتون مقدرتش تكمل وبقت تبكي بشده
خالد بصلها بحزن وقال..اهدي ..اهدي يا فتون علشان نتصرف ايه الي حصل فهميني

فتون قالت وسط دموعها...روحتلو علشان يروح لاهلي بس قلي انو مش عايزني ولا عايز الي في بطني وانو مش هيعتبرو ابنو اصلا
خالد اتنهد بألم وقال..انا اسف يا فتون بس انتي الي غلطتي ازاي تعملي في نفسك كده ازاي تسمحيلو يستغلك وكمان حامل و

بس فتون قاطعتو وقالت بدموع..انت فهمت ايه..انا مراتو احنا متجوزين
خالد بصلها بزهول وقال متجوزين.... ازاي..قصدي امتى
فتون قالت..انا ونادر حبينا بعض او بمعني اصح انا الي حبيتو وطبعا لان اهلي مش هيوافقو على جوازنا هو اقنعني اننا نتجوز ونقلهم على مهلنا ولما يلاقونا اتجوزنا هيوافقو وفعلا اتجوزنا من ٣ شهورعلى ايد مأذون وشهود
خالد قال..مأذون..طب كده محلوله نقدر نطلع القسيمه ونجبرو يعترف بابنو

فتون قالت بدموع..انا فكرت زيك بس لما روحت اطلع القسيمه لقتها مش متوثقه في المحكمه يعني قانونا مفيش عقد جواز اصلا وطلع الندل عمل كل ده ومخططلو وهو الي متفق مع المأذون وخد القسيمه منو وموثقهاش بس المشكله مش في كل ده المشكله في اهلي هما ممكن يقفو جمبي اذا قلتلهم ان فيه حد ضحك عليا بس لو قلتلهم اني حامل من نادر هيقت*لوني حتى لو هو اعترف بيه
خالد قال بعصبيه..يقتلو*كي..يقتلو*كي ده ايه هيه سايبه
لا طبعا محدش هيقربلك

فتون ضحكت بسخريه وقالت..لا سايبه يا خالد انت متعرفش كرههم لنادر وعمك حتى لو بابا سكت سراج مش هيعديها انا عرفاه انا كنت مرتاحه وبطمن نفسي ان نادر معايا ومش هيسيبني بس الواطي طلع بيمثل عليا علشان الي بينه وبين اهلي طلع زي ما بابا ديما بيقول ..واطي و حيوان

خالد قال ..انتي اهدي انا هحاول معاه وان شاء الله يقتنع ويكتب عليكي ولو العقد القديم معاه ممكن نوثقو وخلاص
وبالنسبه لاهلك متقلقيش لو اقنعنا نادر هو هيقدر يحميكي سواء من ابوكي او سراج

فتون قالت ببكا..لا انا خلاص مبقتش عايزاه ولا عايزه حمايه منو انا هروح اقول لبابا كل الي حصل ولو هيقت*لني اهون عندي من اني ارجع للحيو*ان ده تاني انا خلاص كرهتو اضعاف ما حبيتو ومبقتش عايزه اعيش معاه حتى لو هموت
خالد بصلها بحزن شديد وقال..بلاش سيرة الموت دي يا فتون وانا هطلعك من الدوامه دي ارجوكي اديني فرصه ومتتسرعيش

فتون بصتلو بحزن ودموع وقالت..مفيش حل تاني يا خالد انا لازم اواجههم وارجوك متجيش ورايا لو فعلا عايز مصلحتي خليك بعيد وقامت وكانت هتمشي

بس خالد مسك ايدها وقال بخوف..لا..لا طبعا مش هسيبك لوحدك انا مستحيل اخليكي تروحي للموت برجليكي
فتون ابتسمت وسط دموعها وقالت انا اسفه...قلبي مش بايدي اسفه اني كسرت قلبك واستبدلتك باللي ميستهلش بس انت تستاهل الي احسن مني انت تستاهل كل حنية الدنيا... ومشيت من قدامو بانكسار شديد

خالد نزلت دموعو بالم وقال...بس مفيش احسن منك يا فتون وغمض عيونه بالم بس اتحولت ملامحو لغضب رهيب وطلع جري على قصر النوري
بقلمي ...زهرة الربيع

نادر كان قاعد بتوتر شديد وبيزعق للخدم على اتفهه شئ وبيقول..انا مش ميت مره قلت الغبار ده يتنضف ليه محدش بيسمع الكلام
الخدم واقفين بتوتر واحد منهم قال..بس مفيش غبار يا باشا احنا دلوقتي نضفنا
نادر اتعصب وكسر فازا كانت جمبو وقال... يعني ايه يعني انا مجنون ولا ايه مش فاهم و

بس قاطعو خالد وهو بيقول بغضب...لا انت مش مجنون انت بس اعصابك تعبانه او يمكن حاسس بالذنب مثلا ..وشاور بايده للخدم بمعني يمشو
الخدم مشيو ونادر قعد على الكرسي وقال ..ايه لحقت شكتلك
نادر قرب منو وقال...لا هيه مشكتليش انا قابلتها على الباب وهما بيرموها زي ما امرتهم يا نادر بيه

نادر اتنهد وقال ...عايز ايه يا خالد ارغي وخلصني
خالد قال بعصبيه ..عايز اعرف هيه ذمبها ايه بالي عملوه اهلها ذمبها ايه تضحك عليها و ترميها كده
نادر قال بعصبيه....ومين كان له ذمب يا خالد انا كان ليا ذمب تقى كان لها ذمب ونزلت دموعو بالم وقال..وطارق... طارق كان له ذمب يا خالد

خالد حس بحزن شديد عليه اتنهد وقال..تمام محدش فيهم له ذمب بس انت عايز تصلح غلط بغلط ..علشان الي عملوه اهلها ترمي مراتك في الشارع لولا وجودي كانت نز*فت لحد ما ماتت
نادر بصلو بزهول وحاول ميبينش اي اهتمام وقال.. نز*فت...هيه...هيه سقطت
خالد ضحك بسخريه وقال..لا متخافش ابنك عايش هيه الي في حكم الميته لانها راحت عند اهلها هتقلهم على كل حاجه انبسط الي نفسك فيه هيتم

نادر بلع ريقه وقال..هيه ..هيه فتون راحت لاهلها
خالد قال بعصبيه ودموع..ايوه راحت وهتقلهم انها حامل منك ومستحيل يسيبوها عايشه يا رب تكون ارتحت وووووووو

#يتبع
#زهره الربيع