عشقت عذابي 🤍

البارت الثامن

بس تقى زقت ايده وقالت بزعيق.. متلمسنيش شيل ايدك الوس*خه دي يا قاتل يا مقرف انا بقرف منك بكرهك بككككرهك

سراج اتنرفز واتعصب وبقى على اخره مسكها من شعرها وقال بغضب ...طب اكرهيني يا تقى اكرهيني براحتك بس مش هتطلعي من هنا ويا تفضلي عاقله يا اما وربي اندمك يا تقى فاهمه

تقى قالت بعصبيه..طيب ندمني.. ندمني يلا اقتلني وخلصني يلا موتني لو راجل اقتلني زي ما قتلت جوزي يا واط*ي يا حيو*ان

سراج بصلها بغضب مرعب وقال وهو بيضغط على اسنانه ...انا مش هقتلك ..بس كويس انك فاكره اني قتلت قبل كده وكمل بهمس مهلك وقال... واقدر اقتل تاني وزي ما قتلت حبيب القلب اقدر اقتل ابوكي او امك او اختك حتى ها هنهدى كده ونعقل ولا اتصرف انا

تقى نزلت دموعها وقعدت على السرير بيأس وبقت تبكي بقهر شديد

سراج بصلها بالم وقرب منها وقال...هو انا ممكن اعمل ايه علشان تحبيني او تتقبليني حتى اوتديني فرصه مره واحده يا تقى صدقيني محدش هيحبك قدي انا ..حتى هو ..هو محبكيش قدي..انا....

تقى رفعت عينها ليه وقالت بدموع...انت ايه...انت مريض يا سراج مريض ازاي متخيل اني ممكن اقبل بيك بعد كل الي عملتو معايا انا كل ما بشوفك بتمنى لو ماشوفش ابدا كل ما بتلمسني ببقى قرفانه من كل حته فيا ارحمني يا سراج لو انت بتحبني زي ما بتقول رجعني لاهلي بقى

سراج نزلت دموعو من كلامها وقال...هو انا لو اقدر اعمل كده كنت استحملت كلامك ده يا تقى... وقام ومشي من البيت كلو وهو مخنوق ونفسو يصرخ من التعب

في قصر النوري كان خالد مصدوم جدا من طلب عمه وقال بصدمه..انت بتقول ايه يا عمي اتجوز مين ..علا ..علا دي زي اختي احنا اتربينا سوا و
سالم اتنهد وقال...علا مش اختك يا خالد مش اختك وصدقني ده الاحسن ليك وليها

خالد قال بغضب..احسن في ايه هو انا مش لازم افهم سبب طلبك الغريب ده لو على تعلقي بفتون فانا قولتلك اني هبعد عنها مفيش داعي تدخل علا في مشاكل هيا ملهاش ذمب فيها
سالم قال..اسمع يا خالد انا هكلمك بصراحه انا خايف على علا من سراج سراج هيعمل مع علا الي نادر عملو مع فتون هو اكيد هيفكر يردلنا الضربه ارجوك يا ابني لو ليا خاطر عندك تطمني عليها

خالد قعد على الكرسي بحزن وقال...يا عمي انا مقدرش لا هيه بتحبني ولا انا

سالم قال بسرعه..هتحبها والله يا بني علا طيبه واكيد هتتفاهمو بس انت ادي نفسك فرصه ارجوك انا بترجاك يا خالد
خالد قال بحزن..العفو يا عمي بس والله الموضوع صعب ..صعب

سالم لسه هيرد لكن نزلت علا من على السلم زى الاعصار ونادر وراها بيقول ..طب اسمعي الاول
بس هيه بتزعق وتقول ..وانا قولت لا يعني لا هو انتو كل حاجه هتدخلو فيها
بقلمي...زهرة الربيع