عشقت عذابي 🤍

البارت الرابع

فتون ارتعبت منو ومن نظراتو وشاورت براسها بمعنى ايوه بس انتفضت برعب لما سراج حط سلاحو في دماغها وعنيه كلها غضب مرعب وقال ...مراتو اتجوزتيه وحامل منو كمان حامل من ابن النوري يا زبا*له

فتون بلعت ريقها برعب وغمضت عنيها وقالت بتهتهه..انا...انا..كنت..كنت هقولك ا..

بس سراج شد اجزاء السلا*ح بسرعه وقال...ممكن تجتمعو في جهنم انما على الارض ...لا

ولسه هيض*رب نادر وقف قدامها وصوب سلا*حو على سراج وقال بغضب....نزل سلا*حك يا سراج احسنلك
نادر عمل كده وكل رجالتو رفعو سلا*حهم على سراج وابوه...وفي المقابل الحراسه بتاعت قصر الطحاوي رفعو سلا*حهم على نادر ورجالتو

هنا بقى خالد اتقدم على نادر وسراج الي كانت مسدساتهم في وش بعض ووقف ما بينهم وقال...اهدو يا جماعه علشان نتفاهم وبص لسراج وقال نزل سلا*حك يا سراج علشان نحلها بهدوء

سراج ضحك بسخريه وقال...وانت بقى هتحل طب كنت حل مشاكلك في الاول وانت مشغلينك مرمطون عندهم وانت المفروض لك النص في كل حاجه

خالد اتنهد وقال..اظن الي بتقوله ده ملوش دعوه باللي بنتكلم فيه يا سراج موضوعنا دلوقتي اختك فتون و
بس قاطعهم صوت فؤاد بيقول...مش اختو..انا مليش بنات بنتي ماتت يوم ما كسرت كلمتي خدوها انا مش عايزها
سراج قال بغضب...ياخدو مين انت بتقول ايه انا اقتلها دلوقتي وميخدهاش.... اصلا لازم تموت الفا*جره دي
سراج هجم على فتون ونادر وقف في وشو ولسه هيتخانقو فؤاد قال بغضب....سراج كفايه قولتلك سبهم يا خدوها انا متبري منها ليوم الدين

فتون نزلت دموعها ومشيت بصدمه ناحية ابوها وقالت ..بابا..انت بتقول ايه..انا..انا اسفه وانبي ما تقول كده..انا غلطت و

فؤاد قال بغضب والدموع في عنيه..اسفه..اسفه على ايه على انك خذلتيني وصغرتيني قدامهم ..انا حذرتك منو من ده بذات فاكره لما شكيت ان خالد بيحبك قولتلك ايه قولتلك يا فتون لو اي راجل على الارض اجوزهولك سواء ابن وزير او ابن غفير لاكن بره عيلة النوري ..بس ياريتك اتجوزتي خالد على الاقل عارفين اخره بس انتي فضلتي تكسري ابوكي وتدخلي جهنم برجليكي اشربي يا بنتي انا مش هعاقبك ولا هقتلك لانك هتتمني الموت على وجودك مع الحيو*نات دول روحي مع جوزك وتنسي ان ليكي اب انا كمان معنديش بنات
كان هيمشي بس فتون مسكت ايده وبقت تبكي وقالت بدموع..لا وانبي يا بابا..انا مليش غيرك ارجوك متقولش كده انا..

فؤاد ابتسم بسخريه وسط دموعو وقال....انتي ايه انتي انتهيتي يا فتون هتروحي معاه دلوقتي بس بعد ما ياخد كفايتو منك ويرميكي رمية الكلاب مترجعيش هنا لاني ساعتها هقتلك انا بايدي

وزقها وقال بغضب..يلا يا سراج ندخل نكمل غدانا
سراج بصلو بزهول وقال... انت هتسيبهم ياخدوها ده على جثتي دي لازم تموت دي...