عشقت عذابي 🤍

البارت ١٣

سراج قال بصوت عالي..للاسف مراتك مش بنت وكانت في سريري اكتر من مره والدليل معايا اهوه وطلع صور ليه مع علا في اوضة نومو باوضاع مش تمام وبقي يوريها للصحافه والمصورين الي ما صدقو يلاقو فضيحه

علا صرخت وقالت.انت حيو*ان انا عمري ما شوفتك حتي
خالد بص للصور وقال بصوت عالي ..اهدو يا جماعه واضح ان الصور دي متركبه ده واحد مريض اصلا وحالا هيطلع وشاور للحرس بس نادر سبقهم ومسك سراج وقعو على الارض ونزل فيه ضر*ب بكل قوتو لحد ما بقى ينز*ف بشده وشالوه من عليه بالعافيه وهو بيزعق ويقول..والله ما هعديهالك يا حيو*ان يا وس*خ اقسم بالله هندمك

سراج كان بينهج بتعب وبينز*ف جامد بس بيضحك بطريقه مستفزه وخالد اتقدم عليه وزقو وقال..غور من هنا بدال ما اصفي دمك احسنلك امشي
سراج قال..ليه بس كده يا عريس انا بنورك على العموم انا ماشي.. خيرا تعمل شرا تلقى… ومشي ناحية سالم وهمسلو وقال..دي ولا حاجه حتة فضيحه صغيره مش اكتر يعني قلت مينفعش تفرحو وانا موجود بس لسه التقيل ورا وضحك وبص لفتون بحزن ومشي

سالم فضل باصص لطيفه بحزن شديد واتقدم على علا الي كانت منهاره وبتبكي جامد وقال..بس يا بنتي اهو مشي كفايه بقي
نادر قال..احنا اسفين يا جماعه الحفله خلصت..و شكراعلى وجودكم ويا ريت محدش يهتم بالي حصل ده بني ادم مريض وهو غار في داهيه ..

وميل على الحارس الشخصي بتاعو وقال…الناس تخرج والصحافه تتاخد منهم كل حاجه صوروها الخبر ده مش لازم تنزل منة حاجه مش ناقصين شوشره في موضوع تافه زي ده
الناس مشيت وعلا طلعت الاوضه الي جهزوها علشانهم وقفلت الباب وبقت تبكي

فتون جريت وراها وبقت تخبط على الباب وتقول..افتحي يا علا يا حببتي افتحي مش كده
سالم قال بزعيق…سبيها مالك ومالها المفروض متنطقيش بعد الي عملو اخوكي
فتون بصتلو وقالت بغضب ودموع …انا مليش دعوه بالي عملو اخويا زي ما علا كمان ملهاش دعوه احنا التنين ملناش ذمب ولا نادر له ذمبو ولا حتى طارق وتقى ولا سراج كلنا ملناش ذمب بالي بينك وبين بابا انتو دمرتونا وكرهتونا عشتنا بسبب خلاف مش عارفينو حتى ربنا يسامحكم وطلعت على اوضتها بتعب وبكا

سالم فضل ساكت ودموعو بتنزل حس بكل كلمه قالتها كأنها سكين حس انو نفسو يطبطب عليها ويعتزر لها لاكن حاول ميبينش اي مشاعر وقال بجمود…اطلع لمراتك يا خالد يمكن تتكلم معاك

خالد قال… حاضر وطلع يشوف علا
نادر قال ..انت كويس يا بابا
سالم قال..انا تمام خدت الصور من الصحافه
نادر قال..متقلقش مفيش حاجه هتتنشر والحيو*ان الي اسمو سراج ده انا هعرف شغلي معاه كويس
سالم بصلو وقال بغضب..انا كام مره هقولك ملكش دعوه بيه اغنيهالك وحاول يهدى وقال..انا تعبان وهدخل انام تصبح على خير

نادر اتنهد وقال..اصبر عليا يا سراج الكل*ب وطلع هو كمان على اوضتو
سراج بقى طلع من عندهم وهو مش قادر يقف من كتر ما نادر ضربو وكان بينز*ف ومتعور مرضيش يروح القصر وطلع عند تقى
اول ما دخل وقفت وقالت بفرحه… سراج
سراج اتسعت عنيه بشده وبقى مش مصدق انها فرحت بشوفتو