أّعٌطِشُـ مًنِ أّشُـوٌفُـ عٌيِّوٌنِجّـ.. أّلَحًلَوٌأّتٌـ
جّـنِتٌـ لَشُـوٌفُـتٌـجّـ صّـأّيِّمً...
وٌأّلَلَةّ يِّسِـأّعٌدٍ عٌيِّوٌنِيِّ عٌلَى خِـدٍوٌجّـ
بًوٌجّـنِأّتٌـجّـ گمًر نِأّيِّمً...
////////////////////////////////////////////
هدى::گعدت الصبح كلي نشاط صليت وبدلت نزلت اتريگت ويا اهلي لحدما اجت ميقات ورحنة للجامعة اتفجئت الكل يسلم علية ويباركلي شبسرعة وصل الخبر بس اگيد ميقات محد ميلحگها بنشر الاخبار.. خلص الدوام رجعت للبيت وجان انصدم....
نصدمت باحمد واگف يكنس الهول وريحان ويا يغنون ضليت صافنة هذا شيسوي هنا؟
ريحان:: يوووو اجت هاي الثانية كافي اريد انضف
هدى:: على حجيها التف احمد باوعلي ابتسم
احمد:: لاهاي عادي اطب
ريحان:: مو جاي انضف
احمد:: معليج اني اشيلها
هدى:: احمد شهل حجي بعدين انتة شجاي تسوي؟
احمد:: واللة شوفة عينج جاي انضف البيت حتى انتي لتعبين گلبي
_هههه صدگ تحجي وين راحت الهيبة والاسم؟
_هوة انتي خليتي هيبة اشو سحلتيني سحل يالة وافقتي وهسة جاي اخدمج بعد شتردين
_لالاالا ماقصرت وعاشت ايدك
ريحان:: كافي تحجون وانتة احمد تعال نضف هاي الثرية عالية لتضل بس تسوف
احمد:: لا ياطايحة الحض صارلي ساعة اشتغل وانتي بس تتأمرين
هدى:: راح احمد وياها ينضف الثرية.. طبيت للمطبخ اضحك
هدى:: سلام عليكم شونج ماما
اسماء:: هلو حبيبتي.. شبيج تضحكين؟
_ههه هاي شديسوي احمد هنا؟
_يي واللة خطية اجة من الصبح شافني وحدي گعد ينضف وياي گتلة اگعد ماقبل گال انضف مقابل تسويلي سمج
_خطية يلة لعد راح ابدل واجي اساعدج
_براحتج
_صعدت بدلت هدومي وجاي الف بشعري انفتحت الباب وطب احمد..
احمد شسوي هنااا عزة انزل لتشوفك ماما
احمد:: حرام عليج من الصبح لسة اگرب ماخليت شي منضفتة صرت ميري لمج مقابل تخلي اشوفج
_هههههه صدگ تحجي شجابرك؟
_جابرني شوفة هل وجهة الحلو
_يحجي وهوة يتقدم علية..
_احمد شبيك ابتعد ليطب احد
ماسمع مني ضل يتقدم لحدما وصل يمي جرني من خصري علية
_تدري شنو اكثر شي احبة بيج؟
هدى(بخجل):: شنوو
_شعرج.. مرة شفتج بعيد ميلاد ريحان جنتي فالتة ونازل على ضهرج بوكتها ضل بالي صرت تخيلت اني امشطة الج واضفرة
هدى:: يحجي واني احس وجهي حيطگ من الخجل
_شبيج ليش ساكتة؟
_احمد كافي ليجي احد
_وليش كافي؟
_هستوة ديريد يتقرب اكثر وندفعت الباب كمزنة ثنينة
ريحان:: هاي شسوون؟
احمد:: خرب بغيرتج على هل خرعة شتردين ريحان لهنا لاحگتني
ريحان:: يي تعال خلي نروح نشتري انتة مو گتلي راقبي امج اذا تصعد گوليلي حتى اشتريلج يلة تعال شتريلي
احمد:: انعل امة وابو ليحجي وياج بعد بتل الاوادم نصي صوتج نفضحنة
ريحان:: ييي يلى تعال لا اروح اگولها؟
هدى:: يحجون واني خربانة ضحكك تالي اخذها احمد وهوة يدردم عليها..
نزلت وراهم لگيت ماما حاطة السمج بل فرن سويت وياها الزلاطة والروبة شوي واجة بابا فرشنة السفرة وتغدينة طبعا معرفت اكل من ورة احمد گاعد گدامي ومن يشوفهم ملتهين يدزلي بوسة واني اخزر بي لينتبهون خلصنة غدة راح احمد وكلمن صعد لغرفتة طبيت للغرفة شفت ندى صافنة
هدى:: خيرر شبيج ليش گالبة وجهج؟
ندى:: اگولج شي بس مو تضوجين
هدى:: لا گولي
ندى:: شوفي بحفلة الخطوبة سمعت ابتهال بنت خالة احمد تحجي وية عمتي نوال گلتلها
ابتهال:: شفتي شفتي خالة هاي خطب
نوال:: ههه لتخافين متضل
ابتهال:: شون متضل انتي شفتي مشال عينة منها
نوال:: يي شفتة بس هسة خليها شوي تفرح بعدين راح اصدمها بل شي لراح اسوي
ابتهال:: شسوين؟
نوال:: معليج خليها علية
////////////////////////////////////
هدى:: ضليت صافنة معقولة اكو هيج بشر ادرث تكرهني بس مستعدة تخرب حياة ابنها علمود تحقق لتريدة
ندى:: لعد شعبالج مشفتي ليش ماما جانت معارضة بل بداية
هدى:: يي واني هم سمعتها حجت وية بابا مدري على شنو بس جانت تحذرة من نوال
ندى:: اللة يستر شمسوية صراحة اني خايفة عليج منها
هدى:: لا متگدر اتسوي شي احمد وعمو ميخلوها
ندى:: شوف هاي حبيبتي اذا حطت شي بالها محد يوگف بطريقها بس هية هسة منطيتج مجال ترفحين شوية وبعدين بممم تخرب كولشي
هدى:: عليج اللة خوفتيني هسة شسوي
ندى:: اني اگولج تمسكي بأحمد وحاولي تجيبي لصفج واذا گدرتي خلي يعزلج بيت وحدج بعد الزواج حتى تخلصين
هدى:: ماادري بس اخاف ميقبل
ندى:: لا يقبل بس انتي تلحلحي شوي يعني لتضلين اول مايجي گبل صرتي حمرة
هدى:: هههه عابتلج بس اني هيج بسرعة اخجل منة
ندى:: هاي هسة شوي شوي تتعودين وتكسبي
هدى:: ان شاء اللة...
ضلينة نسولف اني وندى شوي وراحت نامت اني هم تمددت ضليت افكر بحجيها معقول تگدر تخرب كلشي دخيلك ياللة...
//////////////////////////////////////////////////
ياترى شحسوي نوال؟ وشنو حيكون موقف احمد؟
لتنسون التصويت ❤
