جبت العمر ناطو واركض لجلهم؟
من مرني هسة العوز عافوني كولهم!
____________________________
هدى: فزيت على صوت ماما وهية تگعدني.
اسماء: يلة هداوي ماما حتتأخرين يلة گعدي
هدى: ييي گايمة. گمت غسلت وجهي ولبست جبة زيتوني وشال بيج وجنطة بيج حتة اكسر اللون حطيت مرطب لدية وجهي ولبست الشال
نزلت لگيت بابا جاي صبحت علية وبوستة
هدى: هاي شنو بابا شوكت اجيت؟
محسن: اجيت بليل ومحبيت اگعدكم خطية گلت الصبح اشوفهم
هدى: واللة لو تدري ريحان اجيت ومسلمت عليها اول وحدة تقيم عليكم الحرب
محسن: ههههه روح ابوها بوستها وهية نايمة
هدى: دنحجي واندكت الباب!
اسماء: هلة هلة حبيبتي شونج
ميقات: هلة بيج خالة زينة الحمدلله انتي شونج
اسماء: بعد گلبي زينة تعالي طبي!
ميقات: لا واللة ملحگ عدنة امتحان بس صيحيلي هدى اتأخرنة
اسماء: اللة يسهللكم هداوي ماما هاي صديقتج اجت
هدى: اجيت اجيت. خلصت ريوگ واخذت كتبي وجنطتي وطلعت. لك هلا هلا بل حب
ميقات: هلا بيج حياتي يلة تأخرنة
هدى: يي طلعت اني وميقات يلي هية صديقة الطفولة وياي من الابتدائي ودخلنة جامعة سوة ونفس القسم بيتهم قريب على بيتنة تجي وروح سوة. صعدنة نفرات ذبتنة بشارع الجامعة وكملنة مشي. التفتت على ميقات لگيتها حاطة الكتاب بوجها!
هدى: لج كافي هدي الكتاب مو انطبع بوجهج؟
ميقات: اريد اشوف منين يجيب الاسئلة درخت المادة درخ حتة المكتبة لنطبع بيها حفضت اسمها.
هدى: يي وهسة تجي الأسئلة وتلطمين وتصيحين ممجاوبة مو؟
ميقات: يي واللة هية تصير الاسئلة كبالي واني انسطر مدري ليش
هدى: لانو متقرين بتركيز. يلة وصلنة طبينة الجامعة لگينة الطلاب كولها تراجع وترجع ليورة صار وقت المحاضرة وامتحنة والاسئلة تشوي شوي ماادري منين يجيبها؟
ميقات: لججج شنو هاي شنو ترة ميصير هيج كولشي محليت ادري منين جايبها؟
هدى: يمعودة صوتج اني ادري منين.
ميقات: روح يااستاذ عساك بمرة عورة وجگمة وصخة ومعفنة يارببب
هدى: هههه عابت منين تجيبين هاي الدعاوي؟
ميقات: شدراني من حرگة گلبي هية تطلع وحدها
هدى: ضحكت عليها وتوالت علينة المحاضرات خلص الدوام ورجعنة للبيت طبيت لگيت بيت عمي رضا يمنة
