حًسِـبًنِأّ الله سِـيِّؤتٌـنِأّ أّلَلَة مًنِ فُـضًـلَهّ..
أنِأّ أّلَيِّى ربًنِأّ رأّغُبًوٌنِ..
حب في رفوف الماضي
Insta:: er_ww_
واتباد::_er_ww
*****************************
هدى:: كملت امتحانات على خير وتحدد موعد العرس بعد اسبوعين گاعدين اني وامي وندى
اسماء:: وين صافنة عروستنة
هدى:: هاا ماما لا هنا وياكم
ندى:: ياا ويانة غير صار ساعة نحجي وانتي ماكو
هدى:: يي سهيت شوية شردتوا
اسماء:: ندى ماما روحي شوفي ريحان وين
ندى:: وين يعني لو بل شارع لو خانسة فوگ على الغراض
اسماء:: يي كومي شوفيها
ندى:: ممم خو گولي اريد احجي وية هدى وحدنة
اسماء:: همزين من عرفتي وحسيتي يلة گومي
ندى:: گايمة بس الكم نص ساعة واجي هاا مو تگولين
اسماء:: ههه يلة هم انعم الله عليج
هدى:: طلعت ندى اجت ماما گعدت يمي
اسماء:: هداوي ماما ادري بيج خايفة ومتوترة من حياتج الجاية بس خلي اگلج شغلة حياتج الماضية انسها ابد لتحاولين ترجعين ليورة لان راح تأثر على حاضرج صدگي وراح تتأذين عيشي حياتج انتي هسة رايحة لبيت ناس متعرفيهم واني اشهد خوش ناس خليج وياهم صافية گانو هاي اول مرة تفتحين عيونج للدنيا صيري ام كلمة الطيبة والوجه السمح خلي يذكروج بل خير دائما حسبي حماتج امج ورقية اختج تعايشي وياهم. اما بل نسبة لحياتج انتي وزوجج فهاي خصوصيتج بس انتي الج الحق تتصرفين بيها ابد لتحاولين ادخلين شخص غريب بحياتج حتى اني وانتي جبيرة واعية وفاهمة ميحتاج اني اعلمج بس كول يلي اگولة الج عيشي حياتج ويا رحمان وبس خلي اول اهتماماتج هوة وبعدين تجي العالم واتذكري بيت ابوج مفتوح الج دائما بس من تكونين انتي على حق.
هدى:: تحجي ماما واني دنوعي تنزل مااتحملت شبگتها وكمت اشهگ
اسماء:: ياااا يااا هاي شبيج بنتي شوو رفعي راسج منو وياج هداوي ماما شبيج
هدى:: مابية شي بس مخنوگة
اسماء:: افف الله لينطي لجان السبب بحق محمد. ماما شنو حجيت هسة مو گتلج انسي كولشي ترة والله تعبين هيج
هدى:: لا ماما مو على مود هيج بيجيت بس شلون راح اعوفكم بعد مااصابح بوجهج ولا ارزل ريحان لان مامشطة ولا اتحارش بندى من تطبخ ويخرب
اسماء:: هههه اسم الله يمة ليش انتي وين رايحة لا حبيبتي لتفكرين هيج شوكت متردين تعالي هلا بيج وبعدين ياحبيبتي هاي سنة الحياة كل بنية خطار بيت اهلها
