موردت تنفارگ وسويتها..
مو عيوني الحبتك بجيتها
أنا مو غلطة بحياتك..
بعد ليش تعيدها...
_________________________________
هدى:: هههه لا والله مااعرف شي بعد هية بس هاي السالفة وگتلجياها
ندى:: مممم ماشي يلة لعد اني نازة لأمي گام تصيح
هدى:: نزلت ندى. ضليت صافنة ياترى هسة شنو شعورك احمد حسيت بل خيانة من اقرب الناس الك هه لا ويريد يتزوج بس فهمني شلون گدرت تنسة كول العشنا سوة شلون انطاك گلبك وانتة جنت اتگول (للموت مااعوفج) وهسة عفتني!
ندى:: نزلت جوة سئلتني ماما
اسماء:: وين اختج؟
ندى:: فوگ ليش
اسماء:: ماما نداوي لتعوفين هدى وحدها مشفتيها شلون تصفن ودمع عيونها خليج دائما وياها
ندى:: لتخافين ماما اني وياها بس خلينة نعوفها وحدها شوية احسن صدگيني
اسماء:: والله ماادري يايمة انتي ادرة بس اهم شي ترجع هدى مثل ماجانت
ندى:: ترجع ترجع لتخافين احنى وياهة
هدى:: گمت غسلت وجهي ونزلت جوة نحضر الغدة ل3 اجة بابا وعامر
عامر:: يابويةة جوعان ميت جوع
هدى:: ههه ولك شبيك اصبر هسة اصب. لااا عامر لتاكل بيدك
عامر:: هاي شبيج والله مغسل شوفي
هدى:: ييي وين غسلت مو هستوك طبيت؟
عامر:: برة بصوندت ابو علي ليرش بيها زرعاتة
هدى:: ههههه ديلة يلة روح بدل على مااصب
راح عامر اجت ندى صبينة الغدة طول الگعدة وهمة ينكتون وبضحكون يحاولون ينسوني. مر اليوم مابي احداث تذكر. گعدت من الصبح اليوم لازم اداوم لبست جبة ماروني وياها شال وحذاء كريمي حطيت مرطبات لاادية وجهي وطلعت لميقات
ميقات:: يصباح الخير شهل جمال
هدى:: صباحج نور عمري عيونج الحلوات
ميقات:: يبووو على حضج اليوم عدنة امتحان لستاذ حمزة هههه
هدى:: عليج الله يوو هذة شقنعة جنت مريضة
ميقات:: خلي يروح الجامعة كولها تدري بس هوة يغلس
هدى:: صفنت يعني الجامعة كولها تدري اني انفصلت؟
ميقات:: هااا لااا ايي يعني ماادري بسس اگيد يدرون بعدين انتي شعليج بيهم
هدى(بدموع):: ههه بس شوفي الحجي لراح يصير
ميقات:: شحدة اليحجي اموتة غير دخلي يشوفون نفسهم بعدين يحجون على العالم.
هدى:: هزيت راسي ودخلت للجامعة احس الكل يباوعلي حتلو مو قصدة بس عقلي يفكر انو هذا ديحجي علية. حست بية ميقات ورحنى گعدنة على مسطبة
