سهما من الماضي..
اصاب الحاضر وشوه المستقبل.. 💔
حب في رفوف الماضي
********************************
هدى:: جربت الثالث فتح ابتسمت وفتحتها باوعت جان بيها اوراق هواي طلعتهم يخصن الشغل والبيت باوعت هيج اكو فلوس وصندوگ سحبتة وطلعتة فتحتة وهنا جانت الصدمة
جان عبارة عن صور كومة كلبتهم صور رحمان ورقية من جانو صغار وعمة بديعة وياهم رجال ماادري منو بس اعتقد عمو ابو رحمان كلبت اغلب الصور هوة وياهم واكو لا همة بيت جبير وداير مدايرهم ناس زلم ونسوان وتترأسهم حجية جبيرة. ضليت اگلب بل صور لحدمت وصلت اخر صورة كلبتها جانن لرحمان ويا وحدة حاط ايدة على كتفها ويضحك وهية هم صفنن هاي منو؟ باوعت ليجوة مكتوب (بتول حياتي) بنتو منو؟ جاي اگلب حسيت اكو حركة ركضت رجعت الغراض مثل مجانن وسديت القاصة باوعت وجان اشوف صورة بتول بعدها موجودة مطببتها سديت الدولاب وطلعت دخلت للغرفية شفتة بعدةنايم همزين رجعت المفاتيح واجيت تمددت
هدى:: اففف يمة رعب بس منو ها لبنية ضليت شاكة من ناحيتها
اثناء تفكيري غلب علية النعاس ونمت...
گعدت الصبح على صوت رحمان وهوة يحجي
رحمان:: صباح الخير
هدى:: صباح النور
رحمان:: اذا تكدرين سويلي ريوگ اريد اطلع
هدى:: ضليت صافنة اول مرة يطلب مني هيج
_يي رايحة رحت حضرتلة الريوگ شوية وطلع
رحمان:: عاشت ايدج
هدى:: وانتة العايش
گعدنة نتريگ خلصنة گمت عزلت لماعين حسيت احد وراية التفتت لكيت رحمان واكف
_هاا محتاج شي
رحمان:: لا بس
هدى:: بس شنو
جاي احجي ومحسيت الة طبع بوسى على خدي
رحمان:: هيج اني رايح يلة باي
هدى:: خلة واخذ غراضة وطلع
حطيت ايدي على خدي واني مبتسمة هذا شبي اليوم فززني صوت عمتي
بديعة:: يي عيني يتهنة لماخذ بالج
هدى:: هاا صباح الخير عمة
بديعة:: صباح النور حبيبتي طلع رحمان
هدى:: ايي طلع بس اشعجب مكاعدة من وكت بيج شي؟
بديعة:: ههه ولج يمة اني تقدت مااكعد حتى انتي تقومين بواجبة حتى يحس عندة مرة واني اعرفة ميطلع بدون ريوگ
هدى:: ههه تسلمين عمة
بديعة:: حبيبتي
هدى:: مر اليوم على خير لليل جنت گاعدة دخل رحمان
هدى:: الله يساعدك
رحمان:: هلا بيج شلونج
هدى:: زينة الحمدلله اسويلك اكل
رحمان:: لا اكلت وية اصدقائي
هدى:: بل عافية
رحمان:: الله يعافيج
