حب في رفوف الماضي

بارت تاسع عشر

أّلَلَهّـمً أّغُفُـر لَيِّ
وٌعٌأّفُـنِيِّ
وٌأّرحًمًنِيِّ
  
                 حب في رفوف الماضي
                
                  بقلمي:: "ريما"
___________________________________

رقية:: اففف راح اسولفلج بس هدى متكولين الاحد ابد ولا يطلع حرف واحد

هدى:: معليج احجي واني مااگول

رقية:: بل بداية احنى من محافضة ذي قار من عشيرة ال...  كلش معروفين هناك اني عندي ثلث عمام وعمتين(كاضم "جابر"ابراهيم"وسمية"ونادية) جنة عايشين على حب الله بيت جدي جانت جدي هوة الشيخ مالتنة وبعد وفاتة استلم مكانة عمي كاضم هوة لتكفل بينة بعد موت بابا ومخالنا نحتاج اي شي وخلة رحمان يكمل دراسة وتكفل بي لحدما كبرنة ورحمان صار شاب جانت عند عمي ابراهيم ابنية اسمها بتول جانت جميلة اجمل بنات عمي والعزيزة عند بيبي والكل جان يحبها كبر رحمان وانعجب بيها وحبها وهية هم حبتة والكل جان شاهد على حبهم بس منتضرين رحمان يتخرج ونخطب مرت الايام وكلشي مصار غير رحمان زاد تعلقة بتول صار يهتم بأدق تفاصيلها وهوة ليصرف عليها لحدما تخرج رحمان وخطبنالة بتول وجانت الفرحة عامة على الكل واكثر شي رحمان جانت الكاع مسايعتة من الفرحة واشترة النة بيت واثثة احس اثاث حتى ننتقل بي بعد الزواج بس يلي جنة منعرفة هوة زهرة (بنت عمي جابر) جانت معجبة برحمان وحاولت بكل ماعدها اتخرب الخطبة بس مگدرت لانو حبهم جان اقوة بس مع ذالك كدرت تنجح ولفقت تهمة على بتول انو عدها علاقة بل جامعة بل بداية محد صدگها بس بعدين جابت دليل رسالة مكتوبة بخط ايد بتول للولد لو ياها.. 
هنا رحمان تخبلل من شافها وراح لبتول بس هية جانت تحلف انو مو الها الرسالة وزهرة هية لطلبت منها تكتبها عود لحبيب زهرة بس غضب رحمان جان اقوة وهددها گدام الكل بانو يقتلها اذا طلعت السالفة صح مرت فترة ورحمان متخبل ويحقق بل موضوع لحدما يوم مشؤم طب علينة ميشوف بعيونة كبل صعد لغرفة بتول واخذها وطلع ضلينة نصيح ورا بس مجان يسمع مرت ساعتين وندكت الباب طلع عمي

ابراهيم:: هااا بوية سعد شبيك

سعد:: بوية الحگ رحمان مسوي حادث

ابراهيم:: انة ابوك يرحمان وين وشوكت

سعد:: ماادري بوية بس عل سريع لازم نروح

ابراهيم:: اني رايح قبلكم خبر عمامك والحكني

رقية:: الكل بدت ادك وتلطم وامي وكعت وام بتول تلطم وتصيح(بنتي ويااا بتولل ويااا) ضلينة منتضرين لليل اجة سعد وياسر كامشين عمي ابراهيم

ام كاضم:: بشرر يمة شلونهم لوليدات

ابراهيم:: يمةةةةو بنتييي ماتتت بتولل ماتتت

رقية:: هوة حجاها وانكلب البيت كلاب الكل يبجي ويصيح لان الكل جان يحبها على نقائها وطيبتها يلي عرفنا مسوين حادث ورحمان عندة كسور بس بتول توفت لان جانت الصربة من جهتها ومسببة الها نزيف بل دماغ
مرت ايام الفاتحة وبيبي متخبلة لان هاي عزيزتها لحدما طلع رحمان من المستشفى وهناا جانت الصدمة