البارت الثامن
نوفيلا ليلة مرعبه بروح مضحكه
منه غريب
.....
بعد مده كبيره من الحديث بين عمار واحلام والذي تعود عليها بسرعه شديده اخيرا قال بحماس :خلصانه يا قمر معاكي انا في الخطه دي
احلام بارتياح :والنبي شكلك ابن حلال فعلا اي نعم انت شكلك يبان اهبل بس لا كفائه
عمار :مع انك عفريته بيئه بس حلوه والله المهم يا اخت الا اسم المحروسه اي
احلام يا خويا اسمي احلام
عاشت الاسامي والله قولتيلي انتي ميته بقي سنه كام
احلام :حسب كلام الراجل الاهبل اللي قولتلك عليه قالي اني ميته سنه ١٩٩٠
عمار :يا لهوي ده كتير اوي الا علي كده عالم العفرته حلو
احلام :انت شكلك من كتر الكلام اتهبلت بص انا هطير انا علشان ترتاح وبكره الصبح هجيلك تاني ده لو نفع يعني اني أظهر الصبح
اقولك علي حاجه سر
انتبه عمار إليها وقال :سرك في بير يا اختي
احلام :انا شاكه أننا شاربين حاجه اصلهم ناس قادره يا خويا يعني انت بتتكلم معايا ولا كاني عفريته ولا المفروض تخاف لا بتتكلم معايا وكاني اختك مثلا
عمار بابتسامه :والنبي يا اختي اعتبرتك اختي من ساعه ما شوفتك وانتي شكلك عفريته بنت حلال ومتربيه اربع مرات قبل كده يعني شكلك ولا يدي انك بطيري ولا عووو وكده لا انتي كويسه جدا
احلام:تشكر يا ذوق يالا عاوز حاجه اطير انا
عمار :في رعايه الله يا اختي
وفجاه اختفت احلام من مكانها بعدما استعانت بالساعه التي تلبسها في يديها والتي ترجعها مكانها مره اخري
اما عمار فقال :يالا الحمد لله شويه العقل راحوا أما اقول لمحمود يحجزلي في العباسيه حاليا
....
في الصباح الباكر استيقظ محمود علي صوت شوشره تأتي من الخارج
خرج محمود وهو بيزعق وبيقول :في أي يابا في اي يا فرح علي الصبح
وقفت فرح أمامه وقالت بصوت عالي :ابوك بقوله خطيبي جاي علي الغداء انهارده يقولي الواد الملزق ده ميجيش بيتي انتم مش حبينه ليه ده طيب والنعمه
متولي والد محمود وفرح
بصي يا بت انتي الواد ده انا اصلا مش موافق عليه ده بيشتغل في مكتب محامي يا عبيطه يعني عيل متربي عارفه يعني اي
فرح بعصبيه :اها قول كده انت عاوز تجوزني لواحد عوطلي علي الله حكايته يزل فيا ويبهدلني صح قول كده بس احب اقولك اني هتجوزه واخويا موافق صححح
محمود :صح يابا الواد يوسف محترم ومتربي زياده اها بس بيحب البت اي نعم انا مكنتش موافق بس قولت خلاص اللي نعرفه احسن من اللي منعرفوش
متولي بعصبيه :خلاص يا خويا منك ليها انا غاير علي القهوه ولما المحروس ييجي حد.يديني خبر فاهمين
اومأ الاثنين معا
ودخل محمود غرفته اما فرح فا ابتسمت بسعاده شديده وقالت :قال ملزق قال ده حته سكره كده يا خواتي عليه
....
عند يوسف .وقف بهدوء مع نفسه وقال :اعمل اي دلوقتي اجيب اي وانا رايح اجيب جاتوه ولا ورد ولا شيكولاته ده حتي محمود مرضيش يديني رقم فرح علشان اعرف هيا بتحب اي أما اكلم عمار واسأله يمكن يكون عارف
وبالفعل اتصل يوسف علي عمار
وبسرعه رد عمار بصوت متعب بعض الشيئ
وقال :خير علي الصبح يا يوسف بيه
يوسف :حمدالله علي سلامتك الاول ثانيا انا معزوم انهارده عند خطيبتي ومش عارف اعمل اي ممكن تيجي معايا لاني متوتر من ابو فرح ومحمود جامد
عمار :لا والله عندي معاد مهم انهارده
يوسف بتعجب :معاد مع مين
عمار بهدوء وثبات :مع العفريته يابني الله هيكون مع مين
يوسف بخوف :عمار انت الحاله جاتلك تاني الحق اكلم محمود ونيجي اقفل اقفل
عمار :تيجي فين يابني انا اصلا مش في البيت انهارده
يوسف :اومال فين
عمار بضحك :عند الدجال ياض بتاع امبارح
يوسف :نهار اسود بتعمل اي هناك ارجع يا عمار
عمار :لا يا عم ارجع اي ده خلي عفريت بجد يكلمني امبارح لا مش اي عفريت ده عفريته بنت صعيديه علي مصريه علي حلاوه إنما اي فا كنت عاوز اعرف مكان العفريته فين علشان اروح اتقدملها اصلي باين كده حبيتها اقفل يالا باي
وبالفعل قفل عمار الخط في وش يوسف
أما يوسف فنظر إلي الهاتف وقال :يا لهوي ياني محمود هو الحل لازم نلحق المجنون
....
اما عند عمار فا فضل يسأل الناس علب عنوان الدجال لحد ما وصل بالفعل
دخل مدخل بيت قديم ومتهالك للغايه ولكنه اكمل الطريق
وهو يقول :ما هو انا لازم اخطبها اومال يعني العفريته تخش بيتي كده من غير رابط اومال اي انا صح
وبالفعل دخل عمار المنزل الذى بالطبع يغلب عليه طابع الدجالين هذا ولكن عمار لم يشعر بالرعب ابدا
بل وقف وقال بصوت عالي وهو ينظر أمامه في اتجاه الشيخ وقال :الشيخ كزبره حبيبي بتاع الملوخيه جيتلك برجلي اهو علشان انت راجل سرك باتع فعلا ها بقي فين عنوان العفريته القمر
.....
في منزل محمود
الباب يخبط بشده
قام محمود مفزوع وهو يقول :مين الحيوان اللي بيخبط كده والنعمه لتكون جنازته انهارده بعون الله
خرج محمود بعصبيه شديده ولكن تفاجئ بأخته فرح وهي تقول بسعاده :سي يوسف اهلا يا خويا نورت البيت والنعمه اتفضل انت واقف كده ليه محمود جوه متقلقش يعني وغمزت بعينها اليه
يوسف بسرعه :هو فين بسرعه خليه يجي معايا
محمود بعصبيه:خير يا وش الخير علي الصبح انا ياض مش لسه سايبك امبارح اي اللي جابك دلوقتي لسه بدري علي معاد الغداء وانتي ادخلي جوه يالا
فرح :الله مش بضايف خطيبي ادخل بقي انت واقف ليه ادخل
محمود :والنبي محن الكلاب ده خليه بعدين غوري يا بت بدل ما افرج عليكي الناس
قطع هذا الشجار قول يوسف
الحق عمار راح للدجال بتاع امبارح ومصمم يتجوز العفريته
محمود بخوف علي عمار :انت بتقول اي يا نهار اسود
.....
وبس يا شيخ ده اللي حصل العفريته جات امبارح وقالت إنها محتاجه مساعده مني علشان اجيب حد كده مش متذكر اسمه حاليا واني الحارس بتاعها انها جات في عمليه انتقال روحي وكده فا جيت بقي علشان تساعدني وتخليني اخطبها يعني
كزبره بتعجب :انت بايلك سخن ولا اي يا بني عفريته اي وخطوبه اي
عمار :الله مش انت اللي جبت العفريته يبقي انا اي ذنب امي انا
يا ابني افهم
ابعد ايدك من علي صحبي بدل ما اموتك حالا في ارضك
عمار بعصبيه :انتم اي اللي جابكم دلوقتي
محمود ويوسف :جينا نشوف الهبل ده
الشيخ بهدوء :اهداء يا ابني الحوار مش مستاهل اصلا هو شكله مجنون نصيحه مني خدوه من غير ما يحس وعلي مستشفي المجانين عدل
عمار :انا مش مجنون العفريته اسمها احلام قولتلك دور عندك هتلقيها
كزبره :اهو يابني مجنون في عفريته اسمها احلام اعقلها
يوسف :عنده حق فعلا يا محمود يالا بينا احنا عندي دكتور شاطر ممكن يشخص حالته
ولكن صرخ عمار وقال :مش همشي من هنا قبل ما اعرف عنوان احلام انت مالك انت وهو بيا
محمود ل يوسف :امسك المطوه واوعي تتعور كده
يوسف :انت هتعمل اي محمود انت بتقلع ليه يا لهوي
وفجاه شال محمود عمار من علي الارض تحت دهشه يوسف والشيخ
ولكن جري يوسف خلفهم وهو يعتزر للشيخ
الشيخ بعد ما مشيوا:والنبي شباب زي الورد منها لله بقي المخدرات
...
اركب بقي يخربيتك تهمه يا جدع قطمت وسطي منك لله
عمار بعصبيه :مش هسامحك انا لانك فرقت بين قلبين بيحبوا بعض ايدا ازيك يا رحيم عامل اي اخواتك عاملين اي
رحيم بتعجب :ازيك يا استاذ عمار مالك الف سلامه أن شاء الله
محمود بعصبيه:انت لسه هترغي اطلع علي عنوان الدكتور اللي هيقولك عليه يوسف دلوقتي
يوسف :الدكتور أسمه سناء
اسمه اي يا عنيا
قالها محمود
يوسف :احمم سناء يا حوده مالك الراجل اسمه كده انا مالي
رحيم :اها اوكي تمام يالا بينا
....
عند احلام اختلف الوضع تماما
فا ميرا تقف ميرا وهي تنظر من خلال الشاشه علي الذي يحدث والحاله التي دخل فيها عمار
ميرا :يا الهي الوضع خرج عن السيطره يجب أن يعلم السيد فورا
يا حررراس الي المختبر بي الان
...
بعد مده وصل الجميع عند عنوان الدكتور ترجل الجميع من العربه
ومعهم عمار الذي مازال يصرخ فيهم بشده
سيبني يا محمود بقولك ياض سيبني
محمود :اسيبك علشان تروح للدجال تاني ويعملك عمل يقلبك قرد ولا فرخه امك تدبحها وتعملك شوربه
عمار :أنا موافق يا عم انا حابب اكون فرخه حرام عليك تفرق بين قلبين بيحبوا بعض منك لله
وبالفعل نجح الجميع في الصعود بعمار
وفتحت لهم الممرضه وقالت :اي أوامر
محمود :عاوزين الدكتور
الممرضه :الدكتور عنده حاله دلوقتي
رحيم :احنا معانا حاله خاصه حضرتك انتي مش شايفه شيلينه ازي
تخلصي بالله
الممرضه ببرود :مش هينفع قولنا
محمود :امسك كده الواد ده ولو فلت والنعمه اعلقك انت وهو علي باب الحاره فاهمين
اومأ رحيم ويوسف
أما عمار فا مزال يحاول الفرار من يديهم ولكن لا فائده
فرد محمود جسمه وقال :القمر مرتبط ولا اي النظام
الممرضه :لا يا خويا بندور علي ابن الحلال
محمود بضحك :وتدوري ليه ما ابن الحلال موجود نقول بسم الله
الممرضه :
...
انتهي بقلم الكاتبه منه غريب
أنت تقرأ
ليلة مرعبه بروح مضحكة
Fantasyمقدمة وتظن أنها مرعبه حقا ولكن سوف اصدمك يا عزيزي بأنها شيئ مضحك للغايه أود أن أقول لك يا عزيزي تمسك جيدا لأننا سوف نخوض رحلة غريبه عجيبه مريبه . منة غريب نوفيلا ليلة مرعبة بروح مضحكه
