ليلة مرعبه بروح مضحكة

البارت التاسع

البارت التاسع
نوفيلا ليلة مرعبه بروح مضحكه
منه غريب .
.....
الممرضه :وانا موافقه يخويا اسم الكريم اي
محمود يا قمر محمود القط
وفجاه خرج الدكتور وقال :يا رباب مش قولتلك بلاش تشقطي العيانين يا بنتي انتي مفيش منك نفعه اصلا وانت يا استاذ احول يعني دي منظر واحده تتجوزها
محمود :والله يا باشا انا كنت بمشي الدنيا لأجل ما ندخل للدكتور
الا انت مين
انا الدكتور اتفضلوا مين العيان
يوسف :صاحبنا يا دكتور ملبوس ادعيله
الدكتور بتأثر :يا حول الله يا رب اتلبس ازي اكيد كان بيرقص في الحمام اصل انت مش عارف العفاريت بتتدايق ازي من الحوار ده
عمار بصراخ :والله ما في حد ملبوس غيرك انت والعيال دول
احلام عفريته حقيقه
الدكتور:لا ده كده الحاله صعبه ادخلوا يالا
...
مرحبا بكم في عالم الانتقال الروحي اليوم سوف نشهد علي الاختراع الذي سيغير العالم بضغطه زر واحدة
بعد سنين من المحاولات قدرنا اليوم أن نصنع التاريخ
فعلتها احلام الفتاه الصغيره المسكينه التي أوقعت شاب من عالم اخر في حبها وهي مجرد روح ليس لها وجود
وكيف حدثت هذه العمليه يا سيد
قالها أحد الأشخاص الذين يتابعون هذا الحفل الكبير. الذي صنعه السيد المجهول
خلفهم شاشه كبيره تعرض احلام ولكن لحظه واحده ما هذا
نطق بها الجميع
ابتسم السيد وقال :نعم احلام مجرد هيلوجرام ليس أكثر
ولا أنها روح ولا اي شيئ تم استعمال الوعي الخاص بأحلام
علي هيئه هليجرام
واحلام ما زالت حيه ولكن هي تحت تأثير الإله التي صنعتها مع مساعده الذكاء الاصطناعي
وهل وافقت بكل سهوله علي تلك العمليه فا هي شبه فاقده للحياه
ابتسم بخبث شديد وقال :سوف اشرح لكم كل شي
.....
في غرفه احلام
أفاقت علي صوت في الغرفه ولكن كانت في غرفه عمار تعجبت بشده فا لماذا هي هنا اخر شي تفتكره هو أنها كانت في الغرفه البيضاء عندما قام السيد بحقنها بماده ما مجهوله بالنسبه لها
ولكن فجاه دخل عمار و محمود الغرفه عليها
عمار بحب :احلام انتي جيتي والله انا قولت انك حقيقيه
احلام :كويس انك جيت يا خويا الراجل الاهبل كان هيموتني اي ده الحق اللي معاك
نظر عمار حيث تنظر احلام تفاجئ بمحمود فاقد الوعي أمامه
عمار :احسن يستاهل علشان مكنش عاوز يفهمني المهم قوليلي اي اللي حصل
احلام :الراجل سيد ده ادني حقنه وسمعت كده قبل ما يغمي عليا قال اي وعي ومش وعي وان العمليه دي فشنك يعني كده وكده
عمار بتعجب :انا مش فاهم حاجه خالص منك بصي احنا نجيب يوسف صحبي وهو ممكن يساعدنا
بعد مده ليست بكبيره بدأ محمود بلاستيقاظ أن بتعب شديد وهو يقول :عمار الملبوس خلي العفريته تظهرلي ده كله علشان كنت بتريق عليه
فتح عينه ولقي عمار واقف أمامه وهو مبتسم وقال :حوده قلقت عليك يا خويا اي رايك في العفريته حلوه صح
الحقوووني يا خالتي سوسو يا يوسف يا اهبل الحقوني العفريته ظهرت بجد
احلام بانزعاج :قول للراجل ده يخرس بدل ما اقومله والله
جلس محمود بمكانه بهدوء ورعب في أن واحد وقال :عمار يا خويا قولها اني غلبان وعلي نياتي و اوعدك اني هتغير خالص
احلام . انت خايف ليه كده يا جدع ده انا اصلا عبيطه
محمود بارتياح:شكلك محترمه فعلا قوليلي بقي اي الحوار
عمار بحماس :هحكيلك
...
في مكان آخر وتحديدا في منزل يوسف
جلس يفكر بعمق شديد هل يتصل عليها ام لا فا هيا اخر مره أعطته رقمها علي أمل أن يتصل بها كي يطمان عليها بعد مده من محادثه النفس قرر يوسف الاتصال بفرح
التي كانت تنظر هيا أيضا الي الهاتف علي أمل أنه يتصل بها
وبالفعل تحقق حلمها فا هو يتصل بها يوسف
الو ازيك يا فرح عامله اي
فرح بابتسامه:انا بخير طول مانت بخير يا خويا انت اللي عامل اي
يوسف :امل
امل مين
احمم استني دي امل بنت خالي علي الباب هشوفها وارجعلك
وقفل في وشها السكه
فرح بعصبيه:امل ياسي يوسف طب وربنا ليكون موتك انت وهيا علي ايدي
...
في المختبر 
بدأت تأن بالم شديد وتتحرك حركات عشوائيه
مما ادي الي التحرك السريع لاخبار السيد أن الحاله بدأت في الاستيقاظ من مرحله الثوبات الابدي
دخل السيد بسرعه فائقه وهو يقول :ماذا حدث الان هذا ليس وقت الاستيقاظ تحركا بسرعه
لا يجب أن تستيقظ تحركا
وبالفعل الكل يجري حول بعضه لعلاج تلك المشكله
دخلت ميرا بسرعه وهي تقول :ماذا حدث سيدي
السيد :المصل الان
ميرا بخوف :ولكن سيدي
الان ميرا الان
...
محمود بتأثر :ياه والنبي انتي طلعتي طيبه خالص يا اخت احلام
احلام بحزن :اها والله اي بقي النظام هتلقولي جسم ادخل فيه ولا اي
عمار :اكيد طبعا اي رايك لو مثلا تاخدي جسم جورجينا دي حلوه حلاوه
مين دي يا خويا
محمود :اخرس انت جورجينا أي بس انتي تاخدي جسم هيفاء وهبي هيبقي احلي عليكي
انا مش فاهمه حاجه خالص
عمار : مش مهم خالص ودلوقتي قدامك حلين يا اما هيفاء يا اما جورجينا
احلام :انت شكلك اتهبلت تاني ياض فين اللي معاك خلينا نخلص ...
...
افتح يا يوسف يا خاين وربنا لخلي محمود يعلقك علي باب الحاره كلها
فتح يوسف الباب وهو ينهج بشده وقال :في اي يا فرح مالك متعصبه ليه كده
فرح بعصبيه :انت بتنهج ليه كده اوعا وسع خليني اشوف الخيانه بعيني
وفجاه وقع يوسف علي الأرض بسبب دفع فرح له ودخلت وهي تصرخ بصوت عالي
هيا فين امل بنت خالتك خطافه الرجاله وربنا لموتها
خرجت امل من الغرفه وهيا تقول :اي الازعاج ده يا يوسف
يا سوادك يا فرح
انتي قاعده بشعرك صلاه النبي
....
انتهي بقلم الكاتبه منه غريب