#عرضت_عليك_نفسي_فهل_تقبل_ان_اكون_زوجة_لك
🚬مـــروى
قاعدة مربعة رجليها فوق الكنبة ...لشيبس والحلوة عاملين فوضى حواليها ...مقابلة التلفاز وتقلب في القنوات بدون ملل ...حتى توقفت قدام القناة ...وهيا تشرع عينيها ...كانها تشوف في ملاك على هيئة انسان قدامها ...تبسيمتها توسعت كل شيء فيها ولا يضحك ...طول عمرها تموت على الزين
همست بينها وبين روحها[ ان الله جميل يحب الجمال] عينيها تغمضو من كثرت ما وسعت ضحكتها...
ْ كان شاب في اواخر العشرينات ... ربي رازقو بجمال عمرها شافت كيفو .لي يشوفو يدوخ فيه فمابالك بانثى تعشق حاجة اسمها الزين العربي....كان يقدم في برنامج (رياض الجنة)...
حتى قاطع سرحتها ..وقت باباها ...دخل كان هاز في يدو جريدة اليوم ... شاف معاها ورجع شاف مع تيلي ...وهز حاجبو
صالح :واش بنتي عملت عقلها ...
جنة:ممم عجبني وطلعت راسها تشوف معاه ...لقاتو
يشوف فيها مطلع حاجب ومهبط حاجب
جنة:[عضات على شواربها]...قصدي برنامج مليح ...عجبني
حرك راسو بلا حول ولا قوة ...وجلس بحداها ...
كانت تايهة فيه وناسية ...العالم ولي داير بيها ... سبحان الله اول مرة تشوف بجمالو ...حتى صوت امها وهيا تنادي علاها ...ماسمعاتوش ... سارحة فيه وفي صوتو لي طرب وذنها هوا يجود في قرآن ...تشوف معاه بخشوع وكل كلمة يقراها كانت تعاود فيها من وراه .. ...حتى رجع هز فيها راسو ...وضربها بالجريدة على راسها...تهزت وتنفضت في بلاصتها ...
جنة :اي راسي ...وحكت راسها في بلاصت الضربة وشافت معاه وهيا مدلية شنايفها ..كيف لولاد صغار ...
صالح: امك من صباح وهيا تعيط عليك ...نفضت روحها وناضت باتجاه لكوزينة ...
كانت امها توجد في لعشاء...حتى دخلت عليها كيف رعدة
جنة: اممم ماما عيطيلي ...
مريم :ماعندكش دروس ليوم ...نشوف فيك حالة عينك في تليفزيون من صباح
جنة :حركت راسها بلا ...ماعنديش
مريم :ايجي عاونني ملا ...خير من نهار كامل ...قاعدة
عبست بوجها ...بملامح طفولية ...وهيا تشوف اتجاه تيلي ...حابة ترجع تكمل تتفرج عليه ...
جنة :اماما حرام عليك راه المينيكير راح يفسد ليا ...
مريم :كانت في يديها سربيتا هزتها ...وعطاتها بيها على وسط راسها... زيدي قدامي قال المينيكير قال ...
جنة :غير قولولي واش جاكم على راسي ليوم ...لي يجي يضربني عليه ..
فالاخير دارت ...توجد معاها لفطور لي بقى .. ... وهيا متحسرة على البرنامج
كملو وجدو لعشاء وجنة غير هازة نيفها فالسماء ..
حطوه على طاولة لحتى يتعشو ...
اجتمعو في ثلاتة على طاولة بداو ياكلو في جو هادي ...حتى كملو ..وهزات جنة لماعن وغسلتهم ...
جنة [بعد مكملت غسلت يديها ...وهيا تشوف فيهم بتحصر ونطقت ] يدياتي ..
طلعات لبيتها تجري ...بدلت حوايجها... ولبست بيجامة تع النوم... وقعدت فوق الكرسي مقابلة لمرايا عملت ترطيب لوجها... ومشطت شعرها عاد ترمات فوق السرير ...وتنهدت ..واخيرا الراحة
وهيا تمد يديها لتليفونها ...تكونكتي و تفكر فيه في نفس الوقت وتحكي مع روحها
جنة: زعما يكون عندو فايسبوك ؟؟ وسعت عينيها في تليفونها ...من بعد عبست وهيا تتفكر انو حتى اسمو متعرفوش ...
وهيا تقلبها ليوتيوب ...اتاجهت طول لمحرك البحث ...وضحكت على تفكيرها ...وهيا تكتب
كيف اعرف اسم شخص اعجبني ؟؟
بقات تقلب في الاقتراح لي طلعولها ...وهيا طنش شنايفها
جنة: اففف مافيهم فايدة هذو ...من الاحسن ننعس ...باش ماينضوش هلات سوداء تحت عيني ...طفات تليفونها ...وغمضات عينيها تحاول تنعس .. وهيا تفكيرها طول فيه ... وفي وسامتو.... يتبع
أنت تقرأ
عرضت_عليك_نفسي_فهل_تقبل_ان_اكون_زوجة_لك
Romanceولنـا فـي الحـلال لقــاء " 🍂مقدمة🍂 ثـم قـال لهـا : أعِدکِ أن أكون لكِ السند والرفيق ولكن إياكي أن يمتلئ قلبُكِ بيّ فـَ أنا وغيري إلى زوال وإعلمي أن اللّه يغار عَـ قلوب عِبادِه. فـَ إذا شعَرتي بأن حُبًا دُنياوياً ملأ القلب وَفااض ! فاهربـي إلى اللّ...
