#عرضت_عليك_نفسي_فهل_تقبل_ان_اكون_زوجة_لك
🚬مـــروى
كمل اجتماعو. مع المدير... وخرج يتمشى بكل هيبة وقار...متجه لسيارتو... اللحية مازداتو كان رجولة على رجولة ...
آسر قلوب لبنات في هذيك اللحظة مخلي عينيهم معلقين من وراه... كل وحدة حالة فيه عينيها ...
حتى خرجت على برا دارت على غفلة وهيا تلمحو واقف قدام طوموبيل... حكات عينيها بيديها ورجعت حلتهم... لقاتو مزال واقف قدام لوطو راح يركب... كسيرا من بحداهم... مبعد مخلي غير ريح من وراه...
عضات على شواربها... وحطت يديها على قلبها لي زادو دقاتو...
وهيا تهمس... بينها وبين روحها ...
جنة: والله حتى جنيت رسمي... ياربي...
جراتها احلام من يديها... ودخلو للكافي تما في الجامعة ... وقعدو..
احلام: ممكن تفهميني واش بيك واش راه صاير معاك من صباح وانت تالفة ؟؟
جنة(حطت يديها على خذها وهيا تشوف معاها...): تعرفي حب من اول نظرة... انك تعودي تشوفيه في كل بلاصة... حتى تتخيلي انكم في بلاصة وحدة...
احلام (هاز حاجب ومهبطة حاجب... تسمع فاها واش تحكي...) حتى قاطعتها شاربة حاجة انت ليوم اكيد... مافيهاش واش من حب راكي تهدري عليه وشكون هذا بعدا
جنة:[هزات فيها عينيها ورجعت شعرها وراء وذنها .. وبدات دندن في اغنية اليسا]
عايشة حالة حب معاك وخداني *** وصعب انها تتكرر تاني
وبعيشها لو انت بعيد او قدامي ***واخيرا الايام رضيوا عليا
سبني اسرح فيك شويا ***وانت بعينيك دول حضيني...
احلام..[ بقات حالة فمها وتلفت يمين وشمال... لا يكونو يشوفو معاهم ويسمعو فيها تع صح طفلة هبلت]
جنة: سكتت شويا...وتبسمت معاها...هوا انا نشوف مول لكتف وانا نتلف
شافو في بعضاهم وطرشقو بالضحك
على بالها بيها مهبولة وخيوطها مقطوعين.. يتبع
أنت تقرأ
عرضت_عليك_نفسي_فهل_تقبل_ان_اكون_زوجة_لك
Romanceولنـا فـي الحـلال لقــاء " 🍂مقدمة🍂 ثـم قـال لهـا : أعِدکِ أن أكون لكِ السند والرفيق ولكن إياكي أن يمتلئ قلبُكِ بيّ فـَ أنا وغيري إلى زوال وإعلمي أن اللّه يغار عَـ قلوب عِبادِه. فـَ إذا شعَرتي بأن حُبًا دُنياوياً ملأ القلب وَفااض ! فاهربـي إلى اللّ...
