#غلطتي_الجميلة_🖇
الحلقة الثالث عشر..!
الجد مصطفى: للي هو
اسيد: نتزوجها
الجد مصطفى: تتمسخر بيا
اسيد: واش يضمنلي بلي ماهيش باعثاتو ولا مخبيا الفيديو في جيهة وخدوخرة وانبلوس كي نتزوجها نعذبها كثر ملي نقتلها باش ندمها للي دنات لصوالحي
قرب ليه جدو وبنظرات حادة وخبط بالعكاز تاعو: انا ميهمنيش واش ديرلها ولا كيفاش تسكتها للي يهمني تسكتها والفيديو ميخرجش لبرا باسكو علبالك واش يصرا
وراح وخلاه واسيد خرج برا شد مروة وجرها وهي تبكي داها للطونوبيل ركبها وزاد ركب وغلقها..
مروى: هئ واش تحوس عندي يرحم باباك هئ واش نتوما من بين الناس فهمني هئ
اسيد: خبط فالفولو.. بلعي بلعي بلعي مانيش حاب نسمع صوتك متخلينيش نقتلك شديت روحي بسيف مالا بلعي رب فمك...
سطتت حتى وصلو لفيلا كبيرة ولا نقولو قصر دخلو من الباب الكبير هبطها وجرها فتح الباب ودخل قابلاتو يماه وختو هو يمشي وطالع فالدروج ويجر في موراه وهوما متبعينو يهدرو معاه ..
يماه (مريم): اسيد شكون هذي واش راك دير
ختو (نهال): خويا شكون هذي
هو ڨع مريبوندالهمش بقا يجر في مروى حتى وصل للايطاج الثالث فتح وحد الشنمبرة رماها داخل وخرج غلقها بالمفتاح ومروى تخبط فالباب وتعيط ..
اسيد: تبقاي هنا نتي ونتوما بالاكو ثم بالاكو واحد يفتحلها الباب متجوش ڨع عندها فهمتووو حذر من انذر وهبط خرج وخلاهم وهوما ثان هبطو وخلاوها هي ثم تخبط وتعيط وتبكي..
أنت تقرأ
غلطتي الجميلة
Mystery / Thrillerحنبداو قصة جديدة على بركة الله بعنوان "#غلطتي_الجميلة" ولأول مرة وفقط على wattaped بعثو لكامل صحباتكم رح تكون قنبلة ان شاء الله نتمنى تعجبكم فراشاتي.. مقدمة اللي فضلت تكون كلمات بألف معنى.. كان درساً عظيماً كلفني قلبي بأكمله..! سألت الحزن ل...
