#غلطتي_الجميلة_🖇
الحلقة السادس عشر..!
نروحو لعند اسيد للي بعدما خرج هبط تحتا للصالون لقاهم كامل قاعدين يماه ختو عمو ومرتو وبنتو او وليدو و جدو..
مرت عمتو المسمومة غير شافتو دارت روحها تهدر زعما..
مرت العم: ايه من وينتا حنا نخلو البنات بسيف عندنا فالدار بابا( على الجد)
اسيد: مدخليش روحك ندير واش نحب
مرت العم: علبالي وليدي بصح قصدي الطفلة ماهيش حابة علاش نجبروها تقعد عندنا وزيد مين نعرفوها باش ندخلوها لعندنا..
اسيد: جبلي ربي ما فهمتينيش واش قتلك معليش نعاودلك.. مدخليش روحك في صوالحي او واش ندير
جات تهدر قاطعهم الجد مصطفى للي خبط بعكازتو فلرض وهدر بحدة: خلاص مكاش للي يدخل روحو حفيظي علبالو واش راهو يدير الطفلة هذي من اليوم رح تبقا هنا وتعيش معانا ورح تتزوج هي و اسيد وللي عندو اعتراض الباب قدامو (الجد هذا جاي يحب اسيد بزاف ويديرلو واش يحب مام لوخر يجاوبو ويتحداه بصح يحبو ومفضلو بين ڨع حفظانو او ولادو) سكتو كامل انبعد هدر اسيد: على ثلث ايام نكتبو الكتاب
يماه: والعرس
اسيد: مكاش عرس ومكاش للي يروح لعندها
يماه: كيما تحب وليدي انبعد طلع عندها..
أنت تقرأ
غلطتي الجميلة
Mystery / Thrillerحنبداو قصة جديدة على بركة الله بعنوان "#غلطتي_الجميلة" ولأول مرة وفقط على wattaped بعثو لكامل صحباتكم رح تكون قنبلة ان شاء الله نتمنى تعجبكم فراشاتي.. مقدمة اللي فضلت تكون كلمات بألف معنى.. كان درساً عظيماً كلفني قلبي بأكمله..! سألت الحزن ل...
