غلطتي الجميلة

6

#غلطتي_الجميلة_🖇
الحلقة السادسة..!
داوها دارولها  سيروم فطنت وكلش يدور بيها لقات خالتها او ناريمان  على جيهة او باباها او خوها على جيهة وسيروم في يدها او حالتها حالة تقول مشي كامل مروة ديك لي ريح مايمسهاش .خزرت فيهم نضرت غيض بعدها بكات بصمت 😢عنقها خوها وقلها ختي متخافيش ماما راحت انا ني هنا ماما راحت وخلاتنا في زوج انا وياك راح نكونو سند لبعض نطق الاب نتي بنتي نعوضك على كلش نتي واش بقالي دوكا سيبو  خلاص ناريمان قاتلها نتي صحبتي وختي وقت مابغيتيني ولا حتاجيتيني  راني هنا وخالتها يابنتي لاحبيتي رواحي عيشي عندي .الاب نن بنتي تقعد عندي نتهلا فيا وتتهلا فيها ماعندها ويين تروح . هنا وين مروى حست باراحة شوية ولات تبكي وتبتاسم في نفس الوقت😫 اما بالنسبة لوجعها مزال ماخفش 💔 خرجو من سبيطار دارو جنازة حضرو فيها بزاف ناس وراحو فجأة هنا وين بدات تظلام دار على ناريمان ولات تحس روحها وحدها 😞💔اه بعدها رجعت ماتاكل ماتشرب ماتروح تقرا نقست شيانت اكتر من لي كانت فالفترة تاع مرض أمها .وهنا لي خوها كان لأسباب ضطر يخليه يروح لولاية اخرى ماعاد ولايتو باش يخدم الاب مع كل محاولاتو باش يحسن من احوال بنتو ماقدرش 💔وناريمان مرة على مرة تجي عندها وتقنعها باش تجي تقرا ومترضاش 😞 مرت مدة تاع 20يوم جا مراد من الخدمة وهنا وين  نصدم واشبييييك مروى واشبييييك فيقييي فيقي افطني لروحك خلاص يمااا راحت واش كي راح ديري لعمرك هكدا حاترجع ولا واش افطني مروى حياتك راهي تضيع ربي دا أمانتو كيما داهااا واش في ميزك نتي لوكان كانت حية راح تقبل بيك ونتي على هادي لحال وقاعد يهزلها في كتافها ويقلها فيقي لعمرك قبل مايفوتك تران 💔.وهي كلها دموع مراااااد طلقني انا حياتي راحت من بعد ماما حياتي راحت .تما وين عطاها صفعة .بقات مخلوعة ومشوكية وحالة فمها فيه تماك وين فطنت .ولا عنقها وبعدها ترمات فيه او ولات تبكي من بعدها بعدها عليه مسحلها دموعها وقاللها مروى توعديني بلي من ليوم في وجهي او وجه بابا او وجه المرحومة انك ترجعي قوية كتر من لي كنتي .ترجعي مروى لي ريح مايمسهاش لي يصرا واش يصرا ماتطيحش بيها. في خاطر يما لي كانت حاباتك تجيبي الباك .قاعدة مهبطة راسها طلعولها وقلها مدام خوك هنا راسك هدا جامي تهبطيه رفعيه دايما لسماء .خزرت فيه وعينيها معمرين دمعة وهزلتو براسها ايه قالها توعديني ؟؟؟؟ ..