#غلطتي_الجميلة🖇
الحلقة التاسع عشر...!
اصبحنا واصبح الملك لنا.. "
نروحو عند اسيد للي غير ناض مالرقاد دوش ولبس حوايجو هبط تحتا تلاقا بيماه فالدروج..
الام: صباح الخير وليدي
تجاوزها وهدر بلا ميشوف فيها..
اسيد: اطلعي عندها عطيلها تبدل التبهديل للي راهي لابساتو وعقميلها الجرح تاعها
الام: اسيد راك سور واش راك دير
اسيد: ماشي نتي للي توريلي واش ندير وراح كمل هبط وخلاها وهي راحت عند بنتها دات من عندها سروال وتريكو تديهم لمروى ودات boite pharmacie معاها وطلعت عندها غير حلت الباب قابلتها مروى بحالة لا يرثى لها قاعدة فلرض وربتها مقطعة والدم تع ركبتها خمجلها وشعرها مشمخ فالسماء وعينيها كحولة من الغيسيل للي هبطلها وبلا منهدرو على ليساغن راحت تجري عندها..
الام: بنتي وشبيك صفا
مروى: ههه راني هايلة ماكيش تشوفي ماهوش يبان عليا بلي راني هايلة
الام: نوضي عروستي بدلي حوايجك راهم توسخو تاعك
مروى: ناضت مروى ملرض.. واش من عروسة اه واش من عروسة راكي منيتك!!
الام: عروستي تباني لسانك شوية طويل مي نورمال مع الوقت يتسڨم
مروى: مزال راهي تقول عروستي واش من عروسة او واش من عرس يرحم باباك
الام: انا مصدقتش وليدي رح يتزوج سمي خليني فرحانة
مروى: ولات تضبح.. معندكش طفلة متخافيش عليها يصرالها كيما صرالي انا اه!! ولا متحبوش لبنات الناس كيما تحبو لبناتكم! واش من عرس ونتوما حابسيني هنا كل شوية يجي وليدك يهددني اه!! هذا هو الزواج عندكم نتوما! متخافوش من ربي اه!! معندكمش الرحمة في قلبكم الحيوانات ياعجبة حنينة عليكم
الام: التزمي حدودك عروستي لحد الان راني محتارماتك
مروى: واش ديري كي متحتارمنيش! واش تقدرو ديرو كثر من هكا تزوجوني بسيف عندي فضول نعرف واش تقدرو تديرو كثر من هكا والله
الام: نديرو كلش
مروى: نشالله تجي في بنتك مالا ويزوجوها بسيف ونتي او وليدك تشوفو من بعيد ومتقدرو تديرو والو
كي تعالت الاصوات تاعهم سمعهم اسيد للي ولا لشمبرتو يجيب التيليفون نساه استغفر ونسف وطلع عندهم..
اسيد: واش كاين هنا
مروى: مكااين والووو رانيي نقصر مع عجوزتي برك راني فرحااانة بزاف سيبورصا
اسيد: اخرجي(على يماه)
الام: بصح
اسيد: قتلك اخرجي
خرجت وغلق الباب او ولا لمروى..
اسيد: وشبي ربك نتي
مروى: قتلك راني فرحانة بزاف مالفرحة.. تتمسخر بيا واش بيا ولا وشنو
اسيد: واشن هذا الحس صباح ربي
مروى:....
أنت تقرأ
غلطتي الجميلة
Mystery / Thrillerحنبداو قصة جديدة على بركة الله بعنوان "#غلطتي_الجميلة" ولأول مرة وفقط على wattaped بعثو لكامل صحباتكم رح تكون قنبلة ان شاء الله نتمنى تعجبكم فراشاتي.. مقدمة اللي فضلت تكون كلمات بألف معنى.. كان درساً عظيماً كلفني قلبي بأكمله..! سألت الحزن ل...
