غلطتي الجميلة

14

#غلطتي_الجميلة_🖇
الحلقة الرابع عشر..!
هبطو ڨع وخلاوها ثم تخبط فالباب وتعيط وتبكي..
مروى:  حلوو الباب معندكمش الرحمة نتوماا ايي حل الباب بابا يكون يسنا فيا هئ ياالزمرررر اووووف كي شافت واحد ماسمعها او ما جا لعندها ولا شفق عليها قعدت مور الباب تبكي حتى جاتها فكرة راخت تجري حلت الباب تع البالكو باش طل لقاتو مفتوح لقاتو عالي بزاف بلسكو كيما قتلكم الايطاج الثالث..
مروى:  الله يلعنكم يازح عالي بفف والشتاء راهي طيح قاوية
عاودت شافت لقات تقدر تهبط منو بصح فوق سطح وخدوخر شغل كاين سطح تقدر تسوطي فوقو انبعد تزيد فوق سطح وخدوخر انبعد تجي فلرض خممت بزاف انبعد تشجعت وقالت خلي نسيي نحاول ومنستسلمش لهاذو الحيوانات للي ما يخافو لا ربي لا والو المهم فتحاتو سوطات فوق سطح انبعد طلت لقات زوج نسا قاعدين فلجنينة راحت من الجيهة للي من هيه سوطات وبقالها غير تسوطي فلرض بصح عالية شوية تنفست نفس عميق وقوي انبعد سوطات جات على ركابيها نضرت بزاف ماجات تبكي ولا تضبح كانو سمعو الحس وجات الخدامة تشوف شكون ومروى تخبات مور الحشيش وغلقت فمها باش مديرش الحس بسك رجلها راهي ضارتها بزاف حوست شوية الخدامة وراحت قاتلهم بلي قطة ملقيت والو المهم انبعد ناضت بسيف شافت رجلها لقات الدم يسيل بزاف من ركبتها بصح الله غالب لازم تدير حل لعمرها ناضت تجري بلعقل مور الدار باش ميشوفوهاش خرجت من الباب لوراني بسك مافيه حتى عساس وقلعت تجري وتحبس علاجال رجلها للي راه يسيل..