#غلطتي_الجميلة_🖇
الحلقة السابعة..!
بعدها راح وخلاها بين لحياة ولموت بين لحيرة وصدمة راحت دارت دوش خفيف صلات ودعات ربي كانو فالليل رقدو كامل وهي قاعدة فوق سجادة متكية على مطراحها وتخمم في واش صرالها او واش فات عليها او كيفاش كانت وكيفاش ولات مسحت دمعتها وناضت وقالت نو مشي مروى لي طيح بيها لازم نفطن ونوض ونحط على روحي في جال لي ماتت ولي راهم حيين لازم نكون قدها ولازم نسترجع روحي .راحت للكوزينة كلات حتى لي شبعت .مشطت شعرها راحت فوق مطراحها معاها حبة تفاح تاكل فيها وهنا لاول مرة تقبض تلفون بعد موت يماها فتحت فايس لقات ناس لكل باعتينلها مباشرة بعتت لناريمان تطمنها وتقلها غدوة تقارعلها باش يروحو مع بعض لليسي فرحت ناريمان بزاف بزاف لصحبتها رقدت .ناضت صباح غسلت وجها طيبت قهوة دخلو تفاجئو مراد وكريم بنشاط ولحيوية لي كانو في مروى مع صباح مراد بتاسم على جيهة فهم بلي هدرتو نفعت في مروى قاتلو ستناني نروح نوجد روحي ونروح معاك .راحت مروى لبست سروال نوار عريض مع بودي بيض او دارت شعرها ذيل لحصان دارت شوية غيسيل شوية بارفان ولات زلة رفدت حوايجها راحت تلاقات مع ناريمان توحشتك مام انا توحشتك عمري ايا ندخلو دوكا دخلو مع كل تركيزها مع الاساتذة .او أساتذة فرحو بزاف كي قامت مروى بهادي لخطوة .بعدها كملت او هي فاطريق مع ناريمان قاتلها بعتيلي دروس الكل وقاعدة تقلها ياه في ميزك راح ننساك واقيلا 🙄ضحكت وقاتلها نو ياويلي على ديك ضحكة شحال توحشتها مع ضربة للكتف خفيفة هوما هكك يضحكو قررو انهم يروحو يفطرو برا ويروحو لدار راحو ريسطورو كلاص وكلش دومونداو بيتزا ميقا . ايا قاعدين يفطرو
مروى :ياااه شحال توحشت ماكلة تاع برا
ناريمان : بشوية بشوية هه 🤣نبداو كل يوم نفطرو برا يلا حبيتي
مروى : لوكان ندير عليك نولي دبدوبة😐
حتى سمعت مروى صوت مالوف ليها ..
***: جيب واش قاتلك يما ياخو ماكش تسمع..
سارفور: ا اوك موسيو
دارت خزرت فيه طاحت عينها في عينو انعم نفس السيد برقو عينيها ونصدمت..
مروى:يالاه ناريمان انا شبعت نوضي نروحو
ناريمان :اوكي بالشوية عليك شبيك مزروبة او وجهك تخطف
مروى : نوضي قتلك
راحت خلصت مروى وجات درو حتى زدمت فيه وكان رافد plat في يدو طاح فلرض وهي تخلعت وسورتو كي بقا يشوف فيها وهو باين بلي حيطرطق بالتقلاق وعينيه قريب يخرجهم فيها بلا ما يرمش..
مروى: ا ا سمحلي مشفتش
***: العما يعميك متشوفيش مليح قولييي ملقيتيش ڨع وين تزدمي تزدمي فيا يارب العالي واش ندير ظك مع البزات هذو اوووف
مروى: اي وشبيك تاكل في روحك تقول كليتك ياك مشفتكش انبلوس نتا جيت مورايا وين نشوفك عندي عيني في ظهري نشوف بيهم
***: بلعي رب فمك ظك نكسرلك سنانك قدام الناس اعرفي معامن راكي تهدري
مروى: معامن اه
جت حيزيد يضبح والناس ڨع تلمت عليهم جات يماه شداتو من يدو
يماه: خلاص اسيد الناس ڨع راهي تشوف مشافتكش هي خلاص امشي نروحو
اسيد: عندك الزهر راني مع يما حشمت منها شوية كون سحبت بيك لرض خصني غير ذراري في حياتي انا
أنت تقرأ
غلطتي الجميلة
Misterio / Suspensoحنبداو قصة جديدة على بركة الله بعنوان "#غلطتي_الجميلة" ولأول مرة وفقط على wattaped بعثو لكامل صحباتكم رح تكون قنبلة ان شاء الله نتمنى تعجبكم فراشاتي.. مقدمة اللي فضلت تكون كلمات بألف معنى.. كان درساً عظيماً كلفني قلبي بأكمله..! سألت الحزن ل...
